+Artikolu 21 Rieżami u evalwazzjoni
---+Artikolu 21 1.
---+Artikolu 21 2.
---+Artikolu 21 3.
---+Artikolu 21 4.
---+Artikolu 21 4a.
---+Artikolu 21 5.
---+Artikolu 21 6.
|
Artikolu 21 Rieżami u evalwazzjoni
1. Ħarsa ġenerali
| Titlu |
Regolamentazzjoni |
|
Artikolu 21 1.
|
L-awtoritajiet kompetenti msemmija fl-Artikolu 22 għandhom mill-anqas jagħmlu dan kollu li ġej fir-rigward ta’ CCP:
(a)
jirrieżaminaw l-arranġamenti, l-istrateġiji, il-proċessi u l-mekkaniżmi implimentati mis-CCP sabiex tikkonforma ma’ dan ir-Regolament;
(b)
jirrieżaminaw is-servizzi jew l-attivitajiet ipprovduti mis-CCP, b’mod partikolari s-servizzi jew l-attivitajiet ipprovduti b’segwitu tal-applikazzjoni ta’ proċedura aċċellerata skont l-Artikolu 17a jew 49a;
(c)
jevalwaw ir-riskji, inklużi r-riskji finanzjarji u operazzjonali, li għalihom is-CCP hija, jew tista’ tkun, esposta;
(d)
jirrieżaminaw il-bidliet implimentati mis-CCP f’konformità mal-Artikolu 15a.
|
|
Artikolu 21 2.
|
Ir-rieżami u l-evalwazzjoni msemmija fil-paragrafu 1 għandhom ikopru r-rekwiżiti fuq is-CCPs stipulati f’dan ir-Regolament. L-awtorità kompetenti tas-CCP tista’ titlob l-assistenza tal-AETS fi kwalunkwe waħda mill-attivitajiet superviżorji tagħha inklużi dawk elenkati fil-paragrafu 1.
|
|
Artikolu 21 3.
|
L-awtoritajiet kompetenti għandhom, wara li jkunu kkunsidraw il-kontribut tal-AETS u tal-kulleġġ imsemmi fl-Artikolu 18, jistabbilixxu l-frekwenza u r-reqqa tar-rieżami u l-evalwazzjoni msemmija fil-paragrafu 1 ta’ dan l-Artikolu, filwaqt li jqisu b’mod partikolari d-daqs, l-importanza sistemika, in-natura, l-iskala, il-kumplessità tal-attivitajiet u l-interkonnettività ma’ infrastrutturi oħrajn tas-suq finanzjarju tal-kontropartijiet ċentrali kkonċernati u l-prijoritajiet superviżorji stabbiliti mill-AETS f’konformità mal-Artikolu 24a(7), l-ewwel subparagrafu, il-punt (ba). L-awtoritajiet kompetenti għandhom jaġġornaw ir-rieżami u l-evalwazzjoni mill-anqas fuq bażi annwali. Il-kontropartijiet ċentrali għandhom ikunu soġġetti għal spezzjonijiet fuq il-post mill-awtorità kompetenti tas-CCP mill-anqas darba fis-sena. L-awtorità kompetenti tas-CCP għandha tinforma lill-AETS bi kwalunkwe spezzjoni ppjanata fuq il-post xahar qabel ma tkun ser issir tali spezzjoni, sakemm id-deċiżjoni li titwettaq spezzjoni fuq il-post ma titteħidx f’emerġenza, f’liema każ l-awtorità kompetenti tas-CCP għandha tinforma lill-AETS malli tittieħed dik id-deċiżjoni. L-AETS tista’ titlob li tiġi mistiedna għall-ispezzjonijiet fuq il-post. Meta, wara talba mill-AETS skont it-tieni subparagrafu, l-awtorità kompetenti tas-CCP tirrifjuta li tistieden lill-AETS għal spezzjoni fuq il-post, hija għandha tipprovdi spjegazzjoni motivata għal tali rifjut. Mingħajr preġudizzju għat-tieni u t-tielet subparagrafi, l-awtorità kompetenti tas-CCP għandha tibgħat lill-AETS u lill-membri tal-kulleġġ imsemmi fl-Artikolu 18 kwalunkwe informazzjoni rilevanti li tirċievi mis-CCP fir-rigward tal-ispezzjonijiet kollha fuq il-post li twettaq.
|
|
Artikolu 21 4.
|
L-awtorità kompetenti tas-CCP għandha tissottometti regolarment, u mill-anqas kull sena, rapport lill-AETS u lill-kulleġġ imsemmi fl-Artikolu 18 dwar il-valutazzjoni u r-riżultati tar-rieżami u tal-evalwazzjoni msemmi fil-paragrafu 1, inkluż jekk l-awtorità kompetenti tas-CCP tkunx talbet xi azzjoni ta’ rimedju jew tkunx imponiet penali. Ir-rapport għandu jkopri sena kalendarja u għandu jiġi ppreżentat lill-AETS u lill-kulleġġ imsemmi fl-Artikolu 18 sat-30 ta’ Marzu tas-sena kalendarja ta’ wara. Dak ir-rapport għandu jkun soġġett għal opinjoni tal-kulleġġ imsemmi fl-Artikolu 18 skont l-Artikolu 19 u opinjoni mill-AETS skont l-Artikolu 24a(7), l-ewwel subparagrafu, il-punt (bc), maħruġa f’konformità mal-proċedura stabbilita fl-Artikolu 17b. L-AETS tista’ titlob li ssir laqgħa ad hoc mas-CCP u l-awtorità kompetenti tagħha. L-AETS tista’ titlob tali laqgħa fi kwalunkwe wieħed mill-każijiet li ġejjin:
(a)
meta jkun hemm sitwazzjoni ta’ emerġenza skont l-Artikolu 24;
(b)
meta l-AETS tkun identifikat tħassib materjali dwar il-konformità tas-CCP mar-rekwiżiti ta’ dan ir-Regolament;
(c)
meta l-AETS tqis li l-attività tas-CCP jista’ jkollha impatt transfruntier negattiv fuq il-membri tal-ikklerjar tagħha jew fuq il-klijenti tagħhom.
Il-kulleġġ imsemmi fl-Artikolu 18 għandu jiġi infurmat li se ssir laqgħa u għandu jirċievi sommarju tal-eżiti ewlenin ta’ dik il-laqgħa.
|
|
Artikolu 21 4a.
|
L-AETS tista’ titlob lill-awtoritajiet kompetenti jipprovdulha l-informazzjoni meħtieġa biex twettaq il-kompiti tagħha skont dan l-Artikolu f’konformità mal-proċedura stabbilita fl-Artikolu 35 tar-Regolament (UE) Nru 1095/2010.
|
|
Artikolu 21 5.
|
L-awtoritajiet kompetenti għandhom jesiġu lil kwalunkwe kontroparti ċentrali li ma tissodisfax ir-rekwiżiti stipulati f’dan ir-Regolament tieħu l-azzjonijiet jew il-passi meħtieġa fi stadju bikri biex tindirizza s-sitwazzjoni.
|
|
Artikolu 21 6.
|
Sat-2 ta’ Jannar 2021, sabiex tiġi żgurata l-konsistenza fil-format, il-frekwenza u l-grad ta’ dettall tar-reviżjoni mwettqa mill-awtoritajiet nazzjonali kompetenti skont dan l-Artikolu, l-AETS għandha toħroġ linji gwida skont l-Artikolu 16 tar-Regolament (UE) Nru 1095/2010 biex tispeċifika aktar, b’mod li jkun adatt għad-daqs, l-istruttura u l-organizzazzjoni interna tas-CCPs u n-natura, l-ambitu u l-kumplessità tal-attivitajiet tagħhom, il-proċeduri u metodoloġiji komuni għar-rieżami superviżorju u l-proċess ta’ evalwazzjoni msemmijin fil-paragrafi 1 u 2 u fl-ewwel subparagrafu tal-paragrafu 3 ta’ dan l-Artikolu.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 30.01.2027 00:00:00 -Doknr: CELEX:32012R0648
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|