Artikolu 4 Miri klimatiċi tal-Unjoni intermedji

mill-2036, kontribut adegwat lejn il-mira klimatika għall-2040 minn krediti internazzjonali ta’ kwalità għolja skont l-Artikolu 6 tal-Ftehim ta’ Pariġi sa 5 % tal-emissjonijiet netti tal-Unjoni għall-1990, li jikkorrispondu għal tnaqqis domestiku tal-emissjonijiet netti tal-gassijiet b’effett ta’ serra b’85 % meta mqabbel mal-livelli tal-1990 sal-2040, b’mod li jkun kemm ambizzjuż u kosteffiċjenti, filwaqt li jingħata appoġġ lill-Unjoni u lil pajjiżi terzi fl-ilħuq ta’ trajettorji ta’ tnaqqis fl-emissjonijiet netti ta’ gassijiet b’effett ta’ serra kompatibbli mal-objettiv tal-Ftehim ta’ Pariġi biex iż-żieda fit-temperatura medja globali tinżamm sew taħt 2 oC, u jsiru sforzi biex iż-żieda fit-temperatura tiġi limitata għal 1,5  oC iżjed mil-livelli preindustrijali, b’tali mod li tiġi żgurata l-integrità ambjentali ta’ dawk il-krediti, filwaqt li tiġi promossa t-tmexxija teknoloġika tal-Unjoni; jista’ jiġi kkunsidrat perjodu pilota mill-2031 sal-2035 biex jinbeda suq tal-kreditu internazzjonali ta’ kwalità għolja u ta’ integrità għolja; l-oriġini, il-kriterji ta’ kwalità u kundizzjonijiet oħrajn li jikkonċernaw l-akkwist u l-użu ta’ kwalunkwe kreditu bħal dan għandhom ikunu rregolati fil-liġi tal-Unjoni biex jiġi żgurat li jkunu bbażati fuq attivitajiet kredibbli u trasformattivi f’pajjiżi sħab bl-għan li jintlaħqu l-miri u l-politiki klimatiċi kompatibbli mal-għan fit-tul dwar it-temperatura stabbilit fil-Ftehim ta’ Pariġi, li jkunu soġġetti għal salvagwardji robusti, inklużi l-iżgurar tal-integrità, l-evitar tal-għadd doppju, l-addizzjonalità, il-permanenza, il-governanza trasparenti, metodoloġiji b’saħħithom ta’ monitoraġġ, rapportar u verifika, li jiżguraw kobenefiċċji ekonomiċi, soċjali u ambjentali u salvagwardji tad-drittijiet tal-bniedem, u li jkollhom ambizzjoni għolja għall-kondiviżjoni tar-rikavati għall-adattament u l-kondiviżjoni tal-benefiċċji ta’ mitigazzjoni mal-pajjiżi kkonċernati; meta tistabbilixxi l-kriterji ta’ kwalità, il-Kummissjoni għandha tikkunsidra, meta jkun xieraq, li tikkomplementa l-kriterji stabbiliti skont l-Artikolu 6(4) tal-Ftehim ta’ Pariġi biex tiżgura r-rispett ta’ dawk is-salvagwardji u l-ogħla kwalità ta’ krediti internazzjonali, b’mod partikolari fir-rigward tal-permanenza u d-drittijiet tal-bniedem;

ir-rwol tal-assorbimenti permanenti domestiċi taħt is-sistema stabbilita mid-Direttiva 2003/87/KE tal-Parlament Ewropew u tal-Kunsill ( 1 ) għall-iskambju ta’ kwoti ta’ emissjonijiet ta’ gassijiet serra ġewwa l-Unjoni (l-“EU ETS”) biex jiġu kkumpensati għall-emissjonijiet residwi li diffiċli jitnaqqsu;

flessibbiltà akbar fis-setturi u l-istrumenti kollha u fi ħdanhom, biex jiġi appoġġat l-ilħuq tal-miri b’mod sempliċi u kosteffettiv;

il-kontribut realistiku tal-assorbimenti tal-karbonju għall-isforz ġenerali favur it-tnaqqis tal-emissjonijiet, filwaqt li jitqiesu l-inċertezzi tal-assorbimenti naturali u jiġi żgurat li n-nuqqasijiet possibbli ma jkunux għad-detriment ta’ setturi ekonomiċi oħra, mingħajr preġudizzju għall-possibbiltà li l-Istati Membri jużaw assorbimenti naturali żejda biex jikkumpensaw għall-emissjonijiet tagħhom f’setturi oħra;

il-ħtieġa li jinżammu, jiġu ġestiti u msaħħa, kif xieraq, il-bjar naturali fit-tul u li tiġi protetta u rrestawrata l-bijodiversità, li tiġi promossa l-bijoekonomija sostenibbli u ċirkolari, u li jitqiesu l-effetti tad-differenzi fl-istruttura ta’ maturazzjoni tal-foresti, l-inċertezzi u l-varjabbiltà naturali, speċjalment dawk marbuta mal-impatti tat-tibdil fil-klima u d-disturbi naturali fis-settur tal-użu tal-art, tat-tibdil fl-użu tal-art u tal-forestrija;

Il-miri u l-isforzi tal-Istati Membri għal wara l-2030 għandhom jirriflettu l-kosteffiċjenza u s-solidarjetà, filwaqt li jitqiesu ċ-ċirkostanzi u l-ispeċifiċitajiet nazzjonali differenti, inklużi dawk tal-gżejjer u tar-reġjuni ultraperiferiċi;

l-aqwa evidenza xjentifika disponibbli u dik l-aktar reċenti, inklużi l-aħħar rapporti tal-IPCC u tal-Bord Konsultattiv;

l-impatti soċjali, ekonomiċi u ambjentali madwar l-Istati Membri, inkluż fir-rigward tal-objettivi tad-dekarbonizzazzjoni u tal-kompetittività għall-industrija Ewropea;

il-kostijiet tan-nuqqas ta’ azzjoni u l-benefiċċji ta’ azzjoni fuq il-perjodu ta’ żmien medju sa twil;

il-ħtieġa li tiġi żgurata u appoġġata tranżizzjoni ekwa u ġusta, kosteffettiva u soċjalment ibbilanċjata għal kulħadd, filwaqt li jitqiesu ċ-ċirkostanzi nazzjonali differenti u filwaqt li tingħata attenzjoni partikolari lill-impatti fuq il-prezzijiet għall-konsumatur, il-faqar enerġetiku u dak tat-trasport u lir-reġjuni u s-setturi, inkluża l-kapaċità ta’ investiment tagħhom, l-intrapriżi żgħar u ta’ daqs medju (SMEs), il-bdiewa u l-unitajiet domestiċi vulnerabbli milquta mit-tranżizzjoni għan-newtralità klimatika;

is-simplifikazzjoni u t-tnaqqis tal-piż amministrattiv, in-newtralità teknoloġika, il-kosteffettività, l-effiċjenza ekonomika u s-sigurtà ekonomika;

l-azzjoni klimatika bħala mutur għall-investiment, għall-innovazzjoni u għaż-żieda fil-kompetittività;

il-ħtieġa li jissaħħu r-reżiljenza u l-kompetittività globali tal-ekonomija tal-Unjoni u jitnaqqas ir-riskju ta’ rilokazzjoni tal-emissjonijiet tal-karbonju, b’mod partikolari għall-SMEs u s-setturi industrijali li huma l-aktar esposti għal rilokazzjoni tal-emissjonijiet tal-karbonju, inkluż fir-rigward tal-esportazzjonijiet, sabiex tiġi żgurata l-kompetizzjoni ġusta;

l-aqwa teknoloġiji kosteffettivi, sikuri u skalabbli disponibbli;

l-affordabbiltà u d-disponibbiltà tal-enerġija, is-sigurtà tal-provvista, is-sigurtà u l-effiċjenza enerġetika, inkluż il-prinċipju “l-effiċjenza enerġetika tiġi l-ewwel”, kif ukoll it-tisħiħ tal-grilji u tal-interkonnessjonijiet tal-elettriku bil-ħsieb li tinbena Unjoni tal-Enerġija ġenwina u tiġi promossa l-enerġija prodotta domestikament;

ir-rwol tal-fjuwils b’livell żero, b’livell baxx ta’ emissjonijiet tal-karbonju u tal-fjuwils rinnovabbli fid-dekarbonizzazzjoni tat-trasport, inkluż it-trasport bit-triq lil hinn mill-2030 u miżuri konkreti biex jgħinu lill-manifatturi tal-vetturi tqal jilħqu l-miri tagħhom, filwaqt li jitqies il-kontenut Ewropew;

l-ekwità u s-solidarjetà bejn l-Istati Membri u fi ħdanhom;

il-ħtieġa li jiġu żgurati l-effettività ambjentali u l-progress maż-żmien, filwaqt li tiġi ssalvagwardjata wkoll il-koeżjoni soċjali u li jiġu żgurati s-sigurtà tal-ikel u tranżizzjoni ġusta;

il-ħtiġijiet u l-opportunitajiet b’rabta mal-investiment, inkluż l-aċċess għall-finanzi pubbliċi u privati kif ukoll l-appoġġ għall-innovazzjoni u l-aċċess għal teknoloġiji innovattivi fl-Istati Membri kollha, filwaqt li jitqies il-bilanċ ġeografiku;

l-iżviluppi u l-isforzi li jkunu saru fil-livell internazzjonali biex jintlaħqu l-objettivi fit-tul tal-Ftehim ta’ Pariġi u l-objettiv aħħari tal-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC), kif ukoll l-appoġġ tal-Unjoni lis-sħab tagħha fl-indirizzar tat-tibdil fil-klima u l-impatti tiegħu.