Artikolu 48 Esklużjoni ta' ċerti termini kuntrattwali

1.   Miżura ta' prevenzjoni ta' kriżijiet jew miżura għall-ġestjoni ta' kriżijiet meħuda fir-rigward ta' entità, inkluż l-okkorrenza ta' kwalunkwe avveniment marbut direttament mal-applikazzjoni ta' tali miżura, ma għandhomx jitqiesu, minnhom infushom, taħt kuntratt konkluż mill-entità kkonċernata, bħala avvenimenti ta' infurzar skont it-tifsira tad-Direttiva 2002/47/KE jew proċedimenti ta' insolvenza skont it-tifsira tad-Direttiva 98/26/KE, dment li l-obbligi sostantivi skont dak il-kuntratt, inkluż l-obbligi ta' ħlas u ta' konsenja u l-forniment ta' kollateral, ikomplu jitwettqu.

Barra minn hekk, miżura ta' prevenzjoni ta' kriżijiet jew miżura għall-ġestjoni ta' kriżijiet ma għandhomx, minnhom infushom jitqiesu bħala avvenimenti ta' infurzar skont it-tifsira tad-Direttiva 2002/47/KE jew proċedimenti ta' insolvenza skont it-tifsira tad-Direttiva 98/26/KE skont kuntratt konkluż minn:

2.   Meta l-proċedimenti ta' riżoluzzjoni ta' pajjiż terz jiġu rrikonoxxuti skont l-Artikolu 76, jew, fin-nuqqas ta' tali rikonoxximent, meta awtorità ta' riżoluzzjoni tiddeċiedi hekk, il-proċedimenti ta' riżoluzzjoni ta' pajjiż terz għandhom jikkostitwixxu miżura għall-ġestjoni ta' kriżijiet għall-finijiet ta' dan l-Artikolu.

3.   Dment li l-obbligi sostantivi skont il-kuntratt, inkluż l-obbligi ta' ħlas u ta' konsenja, u l-forniment ta' kollateral, ikomplu jitwettqu, miżura ta' prevenzjoni ta' kriżijiet, jew miżura għall-ġestjoni ta' kriżijiet, inkluż kwalunkwe avveniment marbut direttament mal-applikazzjoni ta' tali miżura, ma għandhiex, fiha nnifisha, tagħmilha possibbli għal kwalunkwe persuna li:

4.   Il-paragrafi 1, 2 u 3 ma għandhomx jaffettwaw id-dritt ta' persuna li tieħu azzjoni kif imsemmi fil-paragrafu 3, il-punt (a), (b) jew (c), meta dak id-dritt jirriżulta minħabba avveniment għajr il-miżura ta' prevenzjoni ta' kriżijiet, il-miżura għall-ġestjoni ta' kriżijiet, jew bis-saħħa ta' kwalunkwe avveniment marbut direttament mal-applikazzjoni ta' miżura bħal din.

5.   Sospensjoni jew restrizzjoni skont l-Artikolu 49 jew 50 ma għandhiex tikkostitwixxi ksur ta' obbligu kuntrattwali għall-finijiet tal-paragrafi 1 u 3 ta' dan l-Artikolu u tal-Artikolu 51(1).

6.   Id-dispożizzjonijiet li jinsabu f'dan l-Artikolu għandhom jitqiesu bħala dispożizzjonijiet obbligatorji li jieħdu preċedenza fis-sens tal-Artikolu 9 tar-Regolament (KE) Nru 593/2008 tal-Parlament Ewropew u tal-Kunsill (23).