Airteagal 48 Téarmaí conartha áirithe a eisiamh

1.   Beart coiscthe géarchéime nó beart bainistíochta géarchéime arna dhéanamh i ndáil le heintiteas, lena n-áirítear le tarlú aon teagmhas atá nasctha go díreach le cur i bhfeidhm birt mar sin, ní mheasfar, per se, faoi chonradh arna dhéanamh ag an eintiteas lena mbaineann, gur teagmhas forfheidhmiúcháin de réir bhrí Threoir 2002/47/CE é nó gur imeachtaí dócmhainneachta de réir bhrí Threoir 98/26/CE é, ar choinníoll go leanfar de na hoibleagáidí substainteacha faoin gconradh sin, lena n-áirítear oibleagáidí íocaíochta agus seachadta agus soláthar comhthaobhachta, a chomhlíonadh.

Ina theannta sin, ní mheasfar, per se, gur teagmhas forfheidhmiúcháin de réir bhrí Threoir 2002/47/CE nó imeachtaí dócmhainneachta de réir bhrí Threoir 98/26/CE é beart coiscthe géarchéime nó beart bainistíochta géarchéime faoi chonradh arna dhéanamh ag:

2.   I gcás ina n-aithnítear imeachtaí réitigh tríú tír de bhun Airteagal 76, nó in éagmais an aitheantais sin i gcás ina gcinneann údarás réitigh amhlaidh, beart bainistíochta géarchéime a bheidh in imeachtaí réitigh tríú tír chun críocha an Airteagail seo.

3.   Ar choinníoll go leantar de na hoibleagáidí substainteacha faoin gconradh a chomhlíonadh, lena n-áirítear oibleagáidí íocaíochta agus seachadta, agus soláthar comhthaobhachta, le beart coiscthe géarchéime nó le beart bainistíochta géarchéime, lena n-áirítear le haon teagmhas atá nasctha go díreach le cur i bhfeidhm an bhirt sin, ní bheidh aon duine in ann, per se:

4.   Ní dhéanfaidh míreanna 1, 2 agus 3 difear do cheart duine gníomhaíocht dá dtagraítear i mír 3, pointe (a), (b) nó (c), a dhéanamh i gcás ina n-eascraíonn an ceart sin de bhua teagmhais seachas an beart coiscthe géarchéime, an beart bainistíochta géarchéime nó de bhua aon teagmhais atá nasctha go díreach le cur i bhfeidhm an bhirt sin.

5.   I gcás fionraíochta nó sriain faoi Airteagal 49 nó 50, ní neamhchomhlíontacht oibleagáide conarthaí a bheidh ann chun críocha mhíreanna 1 agus 3 den Airteagal seo agus Airteagal 51(1).

6.   Measfar gur forálacha sainordaitheacha sáraitheacha a bheidh sna forálacha san Airteagal seo de réir bhrí Airteagal 9 de Rialachán (CE) Uimh. 593/2008 ó Pharlaimint na hEorpa agus ón gComhairle (23).