TAQSIMA 5 Investiment f’pożizzjonijiet tat-titolizzazzjoni

“titolizzazzjoni” tfisser titolizzazzjoni fis-sens tal-Artikolu 4(36) tad-Direttiva 2006/48/KE;

“pożizzjoni tat-titolizzazzjoni” tfisser pożizzjoni tat-titolizzazzjoni fis-sens tal-Artikolu 4(40) tad-Direttiva 2006/48/KE;

“sponsor” tfisser sponsor fis-sens tal-Artikolu 4(42) tad-Direttiva 2006/48/KE;

“segment” tfisser segment fis-sens tal-Artikolu 4(39) tad-Direttiva 2006/48/KE;

jagħtu kreditu abbażi ta’ kriterji sodi u definiti tajjeb u jistabbixxu b’mod ċar il-proċess għall-approvazzjoni, l-emendar, u r-rifinanzjament tas-self għal skoperturi li għandhom jiġu ttitolizzati bħalma japplikaw fil-każ tal-iskoperturi li għandhom;

ikollhom fis-seħħ u joperaw sistemi effettivi biex jimmaniġġjaw l-amministrazzjoni u l-monitoraġġ kontinwu tal-portfolji u l-iskoperturi tagħhom li jġorr riskju, inklużi l-identifikazzjoni u l-immaniġġjar ta’ self problematiku u biex jagħmlu aġġustamenti u dispożizzjonijiet xierqa fil-valur;

jiddiversifikaw adegwatament kwalunkwe portafoll ta’ kreditu abbażi tas-suq fil-mira u l-istrateġija kumplessiva tal-kreditu;

ikollhom politika bil-miktub dwar ir-riskju tal-kreditu li tinkludi l-limiti tat-tolleranza tar-riskju tagħhom u politika tal-forniment u tiddeskrivi kif tkejjel, timmonitorja u tikkontrolla dak ir-riskju;

jagħtu aċċess disponibbli fil-pront għad-dejta materjalment rilevanti kollha dwar il-kwalità tal-kreditu u tal-prestazzjoni tal-iskoperturi individwali sottostanti, il-flussi tal-flus u l-kollateral li jsostnu l-iskopertura tat-titolizzazzjoni u tali informazzjoni li tkun meħtieġa biex jitwettqu testijiet tal-istress komprensivi u infurmati tajjeb dwar il-flussi tal-flus u l-valuri tal-kollateral li jsosstnu l-iskoperturi sottostanti. Għal dak il-għan, id-dejta materjalment rilevanti għandha tiġi determinata mid-data tat-titolizzazzjoni u fejn xieraq minħabba n-natura tat-titolizzazzjoni wara dik id-data;

jagħtu aċċess disponibbli fil-pront għad-dejta rilevanti l-oħra kollha meħtieġa biex l-AIFM jikkonforma mar-rekwiżiti stabbiliti fl-Artikolu 53;

jiddivulgaw il-livell ta’ interess ekonomiku nett miżmum tagħhom kif imsemmi fl-Artikolu 51, kif ukoll kwalunkwe kwistjoni li tista’ thedded iż-żamma tal-interess ekonomiku nett minimu meħtieġ kif imsemmi f’dak l-Artikolu.