Artikolu 84

UCITS għandha tixtri mill-ġdid jew tifdi l-unitajiet tagħha fuq it-talba ta’ kull titolari ta’ unità.

Permezz ta’ deroga mill-paragrafu 1:

UCITS għandha tuża biss sospensjoni tas-sottoskrizzjonijiet, ix-xirjiet mill-ġdid u t-tifdijiet jew is-side pockets kif imsemmi fl-ewwel subparagrafu, il-punt (a), f’każijiet eċċezzjonali meta ċ-ċirkostanzi jeħtieġu hekk, u ġġustifikata fir-rigward tal-interessi tat-titolari tal-unitajiet tagħha.

Il-UCITS għandha, mingħajr dewmien, tinnotifika lill-awtoritajiet kompetenti tal-Istat Membru ta’ domiċilju tagħha dwar dan li ġej:

Meta l-awtoritajiet kompetenti tal-Istat Membru ta’ domiċilju tal-UCITS jeżerċitaw setgħat skont il-paragrafu 2, il-punt (b), huma għandhom jinnotifikaw lill-awtoritajiet kompetenti tal-Istat Membru ospitanti tal-UCITS, lill-awtoritajiet kompetenti tal-Istat Membru ta’ domiċilju tal-kumpanija tal-maniġment, lill-AETS u, jekk ikun hemm riskji potenzjali għall-istabbiltà u l-integrità tas-sistema finanzjarja, lill-BERS b’dan.

L-awtoritjiet kompetenti tal-Istat Membru ospitanti tal-UCITS jew l-awtorità kompetenti tal-Istat Membru ta’ domiċilju tal-kumpanija tal-maniġment jistgħu jitolbu lill-awtoritajiet kompetenti tal-Istat Membru ta’ domiċilju tal-UCITS biex jeżerċitaw is-setgħat skont il-paragrafu 2, il-punt (b), filwaqt li jispeċifikaw ir-raġunijiet għat-talba u jinformaw lill-AETS u, jekk hemm riskji potenzjali għall-istabbiltà u l-integrità tas-sistema finanzjarja, lill-BERS dwarha.

Meta l-awtoritjiet kompetenti tal-Istat Membru ta’ domiċilju tal-UCITS ma jaqblux mat-talba msemmija fil-paragrafu 3b, huma għandhom jinfurmaw lill-awtoritajiet kompetenti rikjedenti, lill-AETS u, meta l-BERS kien infurmat dwar dik it-talba skont il-paragrafu 3b, lill-BERS dwar dan, filwaqt li tiddikjara r-raġunijiet għan-nuqqas ta’ qbil.

Fuq il-bażi tal-informazzjoni riċevuta skont il-paragrafi 3b u 3c, l-AETS għandha, mingħajr dewmien żejjed, tibgħat opinjoni lill-awtoritajiet kompetenti tal-Istat Membru ta’ domiċilju tal-UCITS dwar l-eżerċitar tas-setgħat stabbiliti skont il-paragrafu 2, il-punt (b). L-AETS għandha tikkomunika dik l-opinjoni lill-awtoritajiet kompetenti tal-Istat Membru ospitanti tal-UCITS.

Meta l-awtoritajiet kompetenti tal-Istat Membru ta’ domiċilju tal-UCITS ma jaġixxux f’konformità mal-opinjoni tal-AETS imsemmija fil-paragrafu 3d, jew ma jkollhomx l-intenzjoni li jikkonformaw ma’ dik l-opinjoni, huma għandhom jinfurmaw lill-AETS u lill-awtoritajiet kompetenti rikjedenti dwar dan, filwaqt li jiddikjaraw ir-raġunijiet għan-nuqqas ta’ konformità jew għall-intenzjoni li ma jikkonformawx tagħhom. Fil-każ ta’ theddida serja għall-protezzjoni tal-investitur, għall-funzjonament ordnat u l-integrità tas-swieq finanzjarji jew għall-istabbiltà tas-sistema finanzjarja kollha jew parti minnha fl-Unjoni, u sakemm tali pubblikazzjoni ma tkunx f’kunflitt mal-interessi leġittimi tat-titolari tal-ishma jew tal-unitajiet jew tal-pubbliku, l-AETS tista’ tippubblika l-fatt li l-awtoritajiet kompetenti tal-Istat Membru ta’ domiċilju tal-UCITS ma jikkonformawx jew ma humiex biħsiebhom jikkonformaw mal-opinjoni tagħha, flimkien mar-raġunijiet provduti minn dawk l-awtoritajiet kompetenti għan-nuqqas ta’ konformità jew l-intenzjoni li ma jikkonformawx. L-AETS għandha tanalizza jekk il-benefiċċji tal-pubblikazzjoni jegħlbux l-amplifikazzjoni tat-theddid għall-protezzjoni tal-investitur, għall-funzjonament ordnat u l-integrità tas-swieq finanzjarji jew għall-istabbiltà tas-sistema finanzjarja kollha jew parti minnha fl-Unjoni li tirriżulta minn dik il-pubblikazzjoni u għandha tagħti lill-awtoritajiet kompetenti avviż bil-quddiem dwar tali pubblikazzjoni.

Sas-16 ta’ April 2026, l-AETS għandha tiżviluppa linji gwida li jipprovdu indikazzjonijiet biex jiggwidaw lill-awtoritajiet kompetenti fl-eżerċizzju tagħhom tas-setgħat stabbiliti fil-paragrafu 2, il-punt (b), u indikazzjonijiet dwar is-sitwazzjonijiet li jaf iwasslu għat-tressiq tat-talbiet imsemmija fil-paragrafu 3b ta’ dan l-Artikolu u l-Artikolu 98(3). Meta tiżviluppa dawk il-linji gwida, l-AETS għandha tikkunsidra l-implikazzjonijiet potenzjali ta’ tali intervent superviżorju għall-protezzjoni tal-investituri u l-istabbiltà finanzjarja fi Stat Membru ieħor jew fl-Unjoni. Dawk l-istandards għandhom jirrikonoxxu li r-responsabbiltà primarja għall-ġestjoni tar-riskju tal-likwidità tibqa’ f’idejn l-UCITS.

Sabiex tiġi żgurata l-armonizzazzjoni konsistenti ta’ dan l-Artikolu, l-AETS tista’ tiżviluppa abbozzi ta’ standards tekniċi regolatorji biex jiġu speċifikati l-kondizzjonijiet li jeħtieġ jintlaħqu mill-UCITS wara l-adozzjoni tas-sospensjoni temporanja tax-xiri mill-ġdid jew il-fidi tal-unitajiet tal-UCITS kif imsemmi fil-punt (a) tal-paragrafu 2, ladarba tkun deċiża s-sospensjoni.

Is-setgħa hija ddelegata lill-Kummissjoni biex tadotta l-istandards teknici regolatorji msemmijin fl-ewwel subparagrafu skont l-Artikoli 10 sa 14 tar-Regolament (UE) Nru 1095/2010.