Artikolu 28a Protezzjoni mill-iskonnessjonijiet

il-promozzjoni ta’ kodiċijiet volontarji għall-fornituri u l-klijenti dwar il-prevenzjoni u l-ġestjoni ta’ każijiet ta’ klijenti b’arretrati; dawk l-arranġamenti jistgħu jikkonċernaw l-appoġġ għall-klijenti fil-ġestjoni tal-użu u l-kostijiet tal-enerġija tagħhom, inkluż l-immarkar ta’ żidiet qawwija tal-enerġija mhux tas-soltu jew l-użu fl-istaġuni tax-xitwa u tas-sajf, l-offerta ta’ pjanijiet ta’ pagament flessibbli xierqa, miżuri ta’ konsulenza dwar id-dejn, qari tal-awtokejl, u komunikazzjoni mtejba mal-klijenti u l-aġenziji ta’ appoġġ;

il-promozzjoni tal-edukazzjoni u s-sensibilizzazzjoni tal-klijenti dwar id-drittijiet tagħhom fir-rigward tal-ġestjoni tad-dejn;

aċċess għal finanzjament, vawċers jew sussidji biex jappoġġaw il-ħlas ta’ kontijiet;

l-inkoraġġiment u l-iffaċilitar tal-komunikazzjoni tal-qari tal-arloġġ kull tliet xhur, jew fejn rilevanti għal perjodi iqsar ta’ fatturazzjoni, fejn tkun ġiet implimentata sistema ta’ awtoqari regolari mill-klijent finali biex jiġu ssodisfati l-obbligi tal-punti 2(a) u (b), tal-Anness I fir-rigward tal-frekwenza tal-fatturazzjoni u l-għoti ta’ informazzjoni dwar il-fatturazzjoni.