KAPITOLU VI DISPOŻIZZJONIJIET FINALI

Artikolu 27

Kull Stat Membru jista’ jiddeċiedi, fi kwalunkwe ħin, li ser jaċċetta traduzzjonijiet ta’ EPOCs u EPOC-PRs f’lingwa uffiċjali waħda jew aktar tal-Unjoni minbarra l-lingwa jew il-lingwi uffiċjali tiegħu, u għandu jindika tali deċiżjoni f’dikjarazzjoni bil-miktub ippreżentata lill-Kummissjoni. Il-Kummissjoni għandha tqiegħed id-dikjarazzjonijiet għad-dispożizzjoni tal-Istati Membri kollha u tan-Network Ġudizzjarju Ewropew.

Artikolu 29

Il-Kummissjoni għandha tadotta atti delegati skont l-Artikolu 30 sabiex temenda l-Annessi I, II, III, V u VI bil-għan li tindirizza b’mod effettiv ħtieġa possibbli għal titjib fir-rigward tal-kontenut tal-formoli tal-EPOC u tal-EPOC-PR u tal-formoli li għandhom jintużaw sabiex tiġi pprovduta informazzjoni dwar l-impossibbiltà ta’ eżekuzzjoni ta’ EPOC jew ta’ EPOC-PR, jiġi kkonfermat il-ħruġ ta’ talba għal produzzjoni wara Ordni ta’ Preservazzjoni Ewropea u tiġi estiża l-preservazzjoni tal-evidenza elettronika.

Artikolu 33

Sat-18 ta’ Awwissu 2029. il-Kummissjoni għandha twettaq evalwazzjoni ta’ dan ir-Regolament. Il-Kummissjoni għandha tibgħat rapport ta’ evalwazzjoni lill-Parlament Ewropew, lill-Kunsill, lill-Kontrollur Ewropew għall-Protezzjoni tad-Data u lill-Aġenzija tal-Unjoni Ewropea għad-Drittijiet Fundamentali. Dak ir-rapport ta’ evalwazzjoni għandu jinkludi valutazzjoni tal-applikazzjoni ta’ dan ir-Regolament u tar-riżultati li jkunu nkisbu fir-rigward tal-objettivi tiegħu, kif ukoll valutazzjoni tal-impatt ta’ dan ir-Regolament fuq id-drittijiet fundamentali. L-evalwazzjoni għandha titwettaq f’konformità mal-linji gwida tal-Kummissjoni għal regolamentazzjoni aħjar. L-Istati Membri għandhom jgħaddu lill-Kummissjoni l-informazzjoni meħtieġa għat-tħejjija tar-rapport ta’ evalwazzjoni.