Artikolu 7 Forniment ta’ servizzi minn fornituri tas-servizzi tan-navigazzjoni bl-ajru

1.   Mingħajr preġudizzju għall-Artikoli 8, 10 u 11(6) ta’ dan ir-Regolament, entità li tikkonforma mar-rekwiżiti stipulati fl-Artikoli 40 u 41 tar-Regolament (UE) 2018/1139 u fl-atti ta’ implimentazzjoni u delegati msemmija fl-Artikoli 43 u 47 rispettivament ta’ dak ir-Regolament għandha tkun intitolata li tipprovdi fl-Unjoni servizzi tan-navigazzjoni bl-ajru għall-utenti tal-ispazju tal-ajru, skont kundizzjonijiet nondiskriminatorji.

2.   Mingħajr preġudizzju għall-arranġamenti nazzjonali li jirriżultaw mill-Artikolu 4(5) u mill-Artikolu 5(1), it-tieni subparagrafu, ta’ dan ir-Regolament, l-awtoritajiet superviżorji nazzjonali tal-Istat Membru li l-awtorità kompetenti nazzjonali tiegħu hija responsabbli għaċ-ċertifikazzjoni msemmija fl-Artikolu 41 tar-Regolament (UE) 2018/1139, skont l-Artikolu 62 ta’ dak ir-Regolament, għandhom ikunu responsabbli għall-kompiti stipulati f’dan l-Artikolu fir-rigward tal-valutazzjoni tal-konformità mar-rekwiżiti essenzjali rigward ir-robustezza finanzjarja, ir-responsabbiltà, il-kopertura tal-assigurazzjoni, is-sjieda u l-istruttura organizzazzjonali elenkati fil-punt 7 tal-Anness VIII tar-Regolament (UE) 2018/1139.

3.   Mingħajr preġudizzju għall-arranġamenti nazzjonali li jirriżultaw mill-Artikolu 4(5) u mill-Artikolu 5(1), it-tieni subparagrafu, ta’ dan ir-Regolament, bil-ħsieb li jiġi stabbilit jekk entità tikkonformax mar-rekwiżiti essenzjali rigward ir-robustezza finanzjarja, ir-responsabbiltà, il-kopertura tal-assigurazzjoni, is-sjieda u l-istruttura organizzazzjonali elenkati fil-punt 7 tal-Anness VIII tar-Regolament (UE) 2018/1139 u mar-rekwiżiti stipulati fl-atti ta’ implimentazzjoni msemmija fl-Artikolu 43 ta’ dak ir-Regolament, l-awtoritajiet superviżorji nazzjonali għandhom:

4.   Minkejja l-paragrafu 1 ta’ dan l-Artikolu u soġġett għall-kundizzjonijiet stipulati fl-Artikolu 2(5) tar-Regolament (UE) 2018/1139, l-Istati Membri jistgħu jippermettu l-forniment, mingħajr ċertifikazzjoni mill-militar tas-servizzi tan-navigazzjoni bl-ajru msemmija fl-Artikolu 2(3), il-punt (c), tar-Regolament (UE) 2018/1139 fl-ispazju tal-ajru kollu jew f’parti minnu taħt ir-responsabbiltà tagħhom fejn il-militar joffri tali servizzi primarjament lil movimenti tal-inġenji tal-ajru għajr it-traffiku tal-ajru ġenerali. F’dawn il-każijiet, l-Istat Membru kkonċernat għandu jinforma lill-Kummissjoni u lill-Istati Membri l-oħra bid-deċiżjoni tiegħu.