Artikolu 22 Stabbiliment tal-miri ta’ prestazzjoni għall-Unjoni kollha

1.   F’konformità mal-paragrafi 2 sa 3 ta’ dan l-Artikolu, il-Kummissjoni għandha tadotta atti ta’ implimentazzjoni li jistabbilixxu l-miri ta’ prestazzjoni għall-Unjoni kollha għas-servizzi tan-navigazzjoni bl-ajru en route fl-oqsma ewlenin tal-prestazzjoni msemmija fl-Artikolu 21(3), il-punt (a), għal kull perjodu referenzjarju, u tiddefinixxi d-durata ta’ dak il-perjodu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(3).

Flimkien ma’ dawk il-miri ta’ prestazzjoni għall-Unjoni kollha, il-Kummissjoni tista’ tadotta atti ta’ implimentazzjoni, li jistabbilixxu valuri ta’ bażi komplementari, livelli limiti ta’ allert, valuri diżaggregati u gruppi ta’ parametri referenzjarji. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(3).

2.   Il-miri ta’ prestazzjoni għall-Unjoni kollha msemmija fil-paragrafu 1 u l-miri ta’ prestazzjoni għas-servizzi tan-navigazzjoni bl-ajru en route u fit-terminal definiti mill-Istati Membri fil-livell nazzjonali, imsemmija fl-Artikolu 21(3), il-punt (c), għandhom jiġu definiti abbażi tal-kriterji essenzjali li ġejjin:

3.   Għall-finijiet tat-tħejjija tad-deċiżjonijiet tagħha dwar miri ta’ prestazzjoni għall-Unjoni kollha u, jekk definit fl-applikazzjoni tal-Artikolu 22(1), dwar valuri ta’ bażi komplementari u valuri diżaggregati jew gruppi ta’ parametri referenzjarji, il-Kummissjoni għandha tikkonsulta u tiġbor kwalunkwe input meħtieġ mill-awtoritajiet nazzjonali, il-EUROCONTROL, il-Maniġer tan-Network u l-partijiet ikkonċernati operazzjonali.