Artikolu 3 Definizzjonijiet

(1)

“imballaġġ” tfisser oġġett, irrispettivament mill-materjal li minnu hu magħmul, li hu maħsub li jintuża minn operatur ekonomiku għaż-żamma, għall-protezzjoni, għall-immaniġġar, għall-konsenja jew għall-preżentazzjoni tal-prodotti lil operatur ekonomiku ieħor jew lil utent finali u li jista' jiġi differenzjat mill-format tal-imballaġġ abbażi tal-funzjoni, tal-materjal u tad-disinn tiegħu, inkluż:

(2)

“skart” tfisser skart kif definit fl-Artikolu 3, il-punt (1), tad-Direttiva 2008/98/KE; imballaġġ riutilizzabbli li jintbagħat biex jiġi rikondizzjonat mhux meqjus bħala skart;

(3)

“imballaġġ tat-takeaway” tfisser imballaġġ ta' servizz mimli f'punti tal-bejgħ bil-bejjiegħ preżenti b'xorb jew ikel ippreparat minn qabel li jitqiegħed f'imballaġġ għat-trasport u għall-konsum immedjat f'post ieħor mingħajr il-ħtieġa ta' kwalunkwe tħejjija ulterjuri u tipikament ikkonsmat mill-imballaġġ;

(4)

“imballaġġ tal-produzzjoni primarja” tfisser oġġett ddisinjat u maħsub biex jintuża bħala imballaġġ għal prodotti mhux ipproċessati mill-produzzjoni primarja kif definit fir-Regolament (KE) Nru 178/2002 tal-Parlament Ewropew u tal-Kunsill (54);

(5)

“imballaġġ għall-bejgħ” tfisser l-imballaġġ maħsub sabiex jikkostitwixxi unità tal-bejgħ li tikkonsisti minn prodotti u minn imballaġġ lill-utent finali fil-punt tal-bejgħ;

(6)

“imballaġġ kollettiv” tfisser l-imballaġġ maħsub sabiex jikkostitwixxi raggruppament ta' ċertu għadd ta' unitajiet ta' bejgħ fil-punt tal-bejgħ, irrispettivament minn jekk dak ir-raggruppament ta' unitajiet ta' bejgħ jinbiegħx kif inhu lill-utent finali jew jekk iservix bħala mezz biex jiffaċilita l-istokkjar mill-ġdid tal-ixkafef fil-punt tal-bejgħ jew biex joħloq unità għaż-żamma tal-istokk jew għad-distribuzzjoni, u li jista' jitneħħa mill-prodott mingħajr ma jiġu affettwati l-karatteristiċi tiegħu;

(7)

“imballaġġ għat-trasport” tfisser l-imballaġġ maħsub sabiex jiġu ffaċilitati l-immaniġġar u t-trasport ta' unità ta' bejgħ waħda jew aktar jew raggruppament ta' unitajiet ta' bejgħ, sabiex tiġi pprevenuta l-ħsara lill-prodott mill-immaniġġar u t-trasport, iżda li jeskludi kontejners għat-trasport bit-triq, bil-ferrovija, bil-bastimenti u bl-ajru;

(8)

“imballaġġ tal-kummerċ elettroniku” tfisser l-imballaġġ għat-trasport użat għall-konsenja tal-prodotti fil-kuntest tal-bejgħ online jew permezz ta' mezzi oħra ta' bejgħ mill-bogħod lill-utent finali;

(9)

“tqegħid għad-disposizzjoni fis-suq” tfisser kwalunkwe provvista tal-imballaġġ, kemm vojt jew bi prodott, għad-distribuzzjoni, għall-konsum jew għall-użu fis-suq tal-Unjoni matul l-attività kummerċjali, kemm jekk issir bi ħlas kif ukoll mingħajru;

(10)

“tqegħid fis-suq” tfisser li l-imballaġġ jitqiegħed għad-dispożizzjoni, għall-ewwel darba, kemm vojt jew bi prodott, fis-suq tal-Unjoni;

(11)

“tqegħid għad-dispożizzjoni fit-territorju tal-Istat Membru” tfisser kwalunkwe provvista tal-imballaġġ, kemm vojt jew bi prodott, għad-distribuzzjoni, għall-konsum jew għall-użu fit-territorju tal-Istat Membru matul attività kummerċjali, kemm jekk issir bi ħlas kif ukoll mingħajru;

(12)

“operatur ekonomiku” tfisser il-manifattur, il-fornitur, l-importatur, id-distributur, ir-rappreżentant awtorizzat, id-distributur finali u l-fornitur ta' servizzi ta' eżekuzzjoni;

(13)

“manifattur” tfisser kwalunkwe persuna fiżika jew ġuridika li timmanifattura l-imballaġġ jew prodott fl-imballaġġ; madankollu:

(14)

“kuntratt mill-bogħod” tfisser kuntratt mill-bogħod kif definit fl-Artikolu 2(7) tad-Direttiva 2011/83/UE tal-Parlament Ewropew u tal-Kunsill (55);

(15)

“produttur” tfisser kwalunkwe manifattur, importatur jew distributur li lilu, irrispettivament mit-teknika tal-bejgħ użata, inkluż permezz ta' kuntratti mill-bogħod, japplika wieħed minn dan li ġej:

(16)

“fornitur” tfisser kwalunkwe persuna fiżika jew ġuridika li tforni imballaġġ jew materjal tal-imballaġġ lil manifattur;

(17)

“importatur” tfisser kwalunkwe persuna fiżika jew ġuridika stabbilita fl-Unjoni li tqiegħed imballaġġ minn pajjiż terz fis-suq;

(18)

“distributur” tfisser kwalunkwe persuna fiżika jew ġuridika fil-katina tal-provvista, għajr il-manifattur jew l-importatur, li tqiegħed imballaġġ fis-suq;

(19)

“rappreżentant awtorizzat” tfisser kwalunkwe persuna fiżika jew ġuridika stabbilita fl-Unjoni li tkun irċeviet mandat bil-miktub mingħand il-manifattur biex taġixxi f'isem dak il-manifattur b'rabta mal-kompiti speċifikati fir-rigward tal-obbligi tal-manifattur skont dan ir-Regolament;

(20)

“rappreżentant awtorizzat għar-responsabbiltà estiża tal-produttur” tfisser kwalunkwe persuna fiżika jew ġuridika stabbilita fl-Istat Membru fejn il-produttur iqiegħed għad-dispożizzjoni fit-territorju tal-Istat Membru imballaġġ jew prodotti fl-imballaġġ għall-ewwel darba, jew fejn jispakkja prodotti fl-imballaġġ mingħajr ma jkun l-utent finali, għajr l-Istat Membru jew il-pajjiż terz fejn ikun stabbilit il-produttur, u li tinħatar mill-produttur f'konformità mal-Artikolu 8a(5), it-tielet subparagrafu, tad-Direttiva 2008/98/KE biex tissodisfa l-obbligi ta' dak il-produttur skont il-Kapitolu VIII ta' dan ir-Regolament;

(21)

“distributur finali” tfisser il-persuna fiżika jew ġuridika fil-katina tal-provvista li twassal lill-utent finali l-prodotti fl-imballaġġ, inkluż permezz tal-użu mill-ġdid, jew prodotti li jkunu jistgħu jinxtraw permezz tal-mili mill-ġdid;

(22)

“konsumatur” tfisser kwalunkwe persuna fiżika li taġixxi għall-finijiet li jkunu lil hinn mill-kummerċ, min-negozju, jew mill-professjoni tagħha;

(23)

“utent finali” tfisser kwalunkwe persuna fiżika jew ġuridika li tirrisjedi jew li hija stabbilita fl-Unjoni li għaliha prodott ikun tqiegħed għad-dispożizzjoni jew bħala konsumatur jew bħala utent finali professjonali matul l-attivitajiet industrijali jew professjonali tagħha, u li ma tqiegħedx dak il-prodott aktar għad-dispożizzjoni fis-suq fil-forma fornuta lilha;

(24)

“imballaġġ kompost” tfisser unità tal-imballaġġ magħmula minn żewġ materjali differenti jew aktar li jagħmlu parti mill-piż tal-materjal tal-imballaġġ ewlieni u li ma tistax tiġi sseparata manwalment u għalhekk tifforma unità integra waħda, sakemm wieħed mill-materjali ma jkunx jikkostitwixxi parti insinifikanti mill-unità tal-imballaġġ u fl-ebda każ ma jkun aktar minn 5 % tal-massa totali tal-unità tal-imballaġġ u jeskludi t-tikketti, il-verniċi, iż-żebgħa, il-linek, l-adeżivi u l-lacquers; dan huwa mingħajr preġudizzju għad-Direttiva (UE) 2019/904;

(25)

“skart mill-imballaġġ” tfisser kwalunkwe imballaġġ jew materjal tal-imballaġġ li huwa skart, bl-eċċezzjoni ta' residwi tal-produzzjoni;

(26)

“prevenzjoni tal-iskart mill-imballaġġ” tfisser miżuri li jittieħdu qabel ma kwalunkwe imballaġġ jew materjal tal-imballaġġ ikun sar skart mill-imballaġġ u li jnaqqsu l-kwantità tal-iskart mill-imballaġġ, sabiex ikun meħtieġ inqas imballaġġ jew l-ebda imballaġġ biex jinżammu, jiġu protetti, immaniġġati, ikkonsenjati jew ippreżentati l-prodotti, inkluż miżuri fir-rigward tal-użu mill-ġdid tal-imballaġġ u miżuri biex jestendu l-ħajja tal-imballaġġ qabel ma jsir skart;

(27)

“użu mill-ġdid” tfisser kwalunkwe operazzjoni li biha l-imballaġġ riutilizzabbli, jintuża għal diversi drabi oħra għall-istess fini li kien maħsub għalih;

(28)

“imballaġġ li jintuża darba biss” tfisser l-imballaġġ li ma jkunx imballaġġ riutilizzabbli;

(29)

“rotazzjoni” tfisser iċ-ċiklu mwettaq mill-imballaġġ riutilizzabbli mill-mument tat-tqegħid fis-suq flimkien mal-prodott li huwa maħsub li jżomm, jipproteġi, jimmaniġġa, jikkonsenja jew jippreżenta sal-mument li jkun lest biex jintuża mill-ġdid fi ħdan sistema għall-użu mill-ġdid bil-ħsieb li jerġa' jiġi fornut lill-utenti finali flimkien ma' prodott ieħor;

(30)

“vjaġġ” tfisser it-trasferiment tal-imballaġġ, mill-mili jew mit-tagħbija sat-tbattil jew sal-ħatt, bħala parti minn rotazzjoni jew waħdu;

(31)

“sistema għall-użu mill-ġdid” tfisser l-arranġamenti organizzazzjonali, tekniċi jew finanzjarji, flimkien ma' inċentivi, li jippermettu l-użu mill-ġdid jew f'sistema b'ċirkwit magħluq jew f'sistema b'ċirkwit miftuħ, bħal sistema ta' rifużjoni tad-depożitu li tiżgura li l-imballaġġ jinġabar għall-użu mill-ġdid;

(32)

“rikondizzjonar” tfisser kwalunkwe operazzjoni elenkata fil-Parti B tal-Anness VI meħtieġa biex l-imballaġġ riutilizzabbli jerġa' jinġieb fi stat funzjonali għall-fini tal-użu mill-ġdid tiegħu;

(33)

“mili mill-ġdid” tfisser operazzjoni li biha kontenitur li jissodisfa l-funzjoni tal-imballaġġ, u li jew jkun proprjetà tal-utent finali jew jinxtara mill-utent finali fil-punt tal-bejgħ tad-distributur finali jimtela mill-utent finali jew mid-distributur finali bi prodott wieħed jew b'diversi prodotti mixtrija mill-utent finali mingħand id-distributur finali;

(34)

“stazzjon ta' mili mill-ġdid” tfisser post fejn distributur finali joffri lill-utenti finali prodotti li jistgħu jinxtraw permezz tal-mili mill-ġdid;

(35)

“settur tal-HORECA” tfisser l-Attivitajiet ta' Servizzi tal-Akkomodazzjoni u tal-Ikel skont in-NACE Rev. 2 – Klassifikazzjoni statistika tal-attivitajiet ekonomiċi;

(36)

“żona tal-bejgħ” tfisser iż-żona ddedikata għall-wiri ta' oġġetti offruti għall-bejgħ, għall-ħlas ta' dawn l-oġġetti, u għaċ-ċirkolazzjoni u l-preżenza tal-klijenti, iżda ma tinkludix iż-żoni li mhumiex miftuħa għall-pubbliku, bħal żoni ta' ħżin, jew żoni oħra fejn il-prodotti ma jintwerewx, bħal parkeġġi; fil-kuntest tal-imballaġġ tal-kummerċ elettroniku, iż-żona tal-ħżin u tad-dispaċċ għandha titqies bħala żona tal-bejgħ;

(37)

“disinn għar-riċiklaġġ” tfisser id-disinn tal-imballaġġ, inkluż il-komponenti individwali tal-imballaġġ, li jiżgura r-riċiklabbiltà tal-imballaġġ bi proċessi stabbiliti tal-ġbir, tas-separazzjoni u tar-riċiklaġġ li diġà tħaddmu b'suċċess f'ambjent operazzjonali;

(38)

“riċiklabbiltà” tfisser il-kompatibbiltà tal-imballaġġ mal-immaniġġar u l-ipproċessar tal-iskart sa mid-disinn, abbażi ta' ġbir separat, separazzjoni fi flussi separati, riċiklaġġ fuq skala kbira u l-użu ta' materjali riċiklati biex jissostitwixxu l-materja prima primarja;

(39)

“skart mill-imballaġġ riċiklat fuq skala kbira” tfisser skart mill-imballaġġ li jinġabar separatament, li jiġi sseparat u riċiklat f'infrastruttura installata, bl-użu ta' proċessi stabbiliti li diġà tħaddmu b'suċċess f'ambjent operazzjonali li jiżguraw, fil-livell tal-Unjoni, kwantità annwali ta' materjal riċiklat taħt kull kategorija tal-imballaġġ elenkata fit-Tabella 2 tal-Anness II ugwali għal 30 % jew aktar għall-injam u 55 % għall-materjali l-oħra kollha; dan jinkludi skart mill-imballaġġ li huwa esportat mill-Unjoni għall-fini tal-immaniġġar tal-iskart li jista' jitqies li jissodisfa r-rekwiżiti tal-Artikolu 53(11);

(40)

“riċiklaġġ tal-materjal” tfisser kwalunkwe operazzjoni ta' rkupru li biha l-materjali tal-iskart jiġu pproċessati mill-ġdid f'materjali jew sustanzi, kemm jekk għall-iskop oriġinali kif ukoll għal skopijiet oħra, bl-eċċezzjoni tat-trattament bijoloġiku tal-iskart, l-ipproċessar mill-ġdid ta' materjal organiku, l-irkupru tal-enerġija u l-ipproċessar mill-ġdid f'materjali li għandhom jintużaw bħala fjuwils jew għall-operazzjonijiet ta' radam mill-ġdid;

(41)

“riċiklaġġ ta' kwalità għolja” tfisser kwalunkwe proċess ta' riċiklaġġ li jipproduċi materjali riċiklati li huma ta' kwalità ekwivalenti għall-materjali oriġinali, abbażi ta' karatteristiċi tekniċi ppreservati, u li jintużaw bħala sostitut għall-materja prima primarja għall-imballaġġ jew applikazzjonijiet oħra fejn tinżamm il-kwalità tal-materjal riċiklat;

(42)

“kategorija tal-imballaġġ” tfisser il-kombinament ta' materjal u ta' disinn speċifiku tal-imballaġġ li jiddetermina r-riċiklabbiltà b'referenza għall-proċessi tal-ogħla livell stabbiliti tal-ġbir, tas-separazzjoni u tar-riċiklaġġ li diġà tħaddem b'suċċess f'ambjent operazzjonali u li huwa rilevanti għad-definizzjoni tal-kriterji tad-disinn għar-riċiklaġġ;

(43)

“komponent integrat” tfisser komponent tal-imballaġġ, irrispettivament minn jekk ikunx tal-istess materjal minn dak tal-qafas ewlieni tal-unità tal-imballaġġ, jew jekk ikunx ta' materjal distint minnu, li huwa integrali għall-unità tal-imballaġġ u għall-funzjonament tagħha, li ma għandux għalfejn jiġi sseparat mill-qafas ewlieni tal-unità tal-imballaġġ sabiex tiġi żgurata l-funzjonalità tal-unità tal-imballaġġ u li tipikament jintrema fl-istess ħin mal-qafas ewlieni tal-unità tal-imballaġġ, għalkemm mhux neċessarjament permezz tal-istess rotta tar-rimi;

(44)

“komponent separat” tfisser komponent tal-imballaġġ, irrispettivament minn jekk ikunx tal-istess materjal jew materjal differenti mill-qafas ewlieni tal-unità tal-imballaġġ, li huwa distint mill-qafas ewlieni tal-unità tal-imballaġġ, li jeħtieġ li jiġi żarmat kompletament u b'mod permanenti mill-qafas ewlieni tal-unità tal-imballaġġ u li tipikament jintrema qabel u separatament mill-qafas ewlieni tal-unità tal-imballaġġ, inkluż komponenti tal-imballaġġ li jistgħu jiġu sseparati minn xulxin sempliċiment permezz ta' stress mekkaniku matul it-trasport jew is-separazzjoni;

(45)

“unità tal-imballaġġ” tfisser unità, li tinkludi kwalunkwe komponent integrat jew separat, li bħala unità sħiħa sservi funzjoni tal-imballaġġ, bħaż-żamma, il-protezzjoni, l-immaniġġar, il-konsenja, il-ħżin, it-trasport jew il-preżentazzjoni tal-prodotti, u tinkludi unitajiet indipendenti tal-imballaġġ kollettiv jew għat-trasport fejn jintremew qabel il-punt tal-bejgħ;

(46)

“imballaġġ innovattiv” tfisser forma ta' imballaġġ li jiġi mmanifatturat bl-użu ta' materjali ġodda, li jirriżulta f'titjib sinifikanti fil-funzjonijiet tal-imballaġġ, bħaż-żamma, il-protezzjoni, l-immaniġġar, jew il-konsenja tal-prodotti, u f'benefiċċji ambjentali ġenerali li jistgħu jintwerew, bl-eċċezzjoni ta' imballaġġ li jkun ir-riżultat ta' modifiki għall-imballaġġ eżistenti għall-fini ewlenija li tittejjeb il-preżentazzjoni tal-prodotti u tal-kummerċjalizzazzjoni;

(47)

“materja prima sekondarja” tfisser materjali li jkunu għaddew mill-kontrolli u s-separazzjoni kollha meħtieġa u li jkunu nkisbu permezz tal-proċessi tar-riċiklaġġ u li jistgħu jissostitwixxu materja prima primarja;

(48)

“skart tal-plastik ta' wara l-użu mill-konsumatur” tfisser skart li huwa plastik u li jkun ġie ġġenerat minn prodotti tal-plastik imqiegħda fis-suq jew ġew fornuti għad-distribuzzjoni, għall-konsum jew għall-użu f'pajjiż terz matul attività kummerċjali, kemm jekk bi ħlas kif ukoll jekk mingħajr ħlas;

(49)

“imballaġġ sensittiv għall-kuntatt” tfisser imballaġġ li huwa maħsub li jintuża għall-prodotti fil-kamp ta' applikazzjoni tar-Regolamenti (KE) Nru 1831/2003 tal-Parlament Ewropew u tal-Kunsill (56), (KE) Nru 1935/2004, (KE) Nru 767/2009 tal-Parlament Ewropew u tal-Kunsill (57), (KE) Nru 1223/2009 tal-Parlament Ewropew u tal-Kunsill (58), (UE) 2017/745, (UE) 2017/746, (UE) 2019/4 tal-Parlament Ewropew u tal-Kunsill (59) jew (UE) 2019/6 jew tad-Direttivi 2001/83/KE, 2002/46/KE tal-Parlament Ewropew u tal-Kunsill (60) jew2008/68/KE, jew għall-prodotti kif definiti fl-Artikoli 1 u 2 tad-Deċiżjoni tal-Kummissjoni (UE) 2023/1809 (61);

(50)

“imballaġġ kompostabbli” tfisser imballaġġ li huwa bijodegradabbli f'kundizzjonijiet ikkontrollati industrijalment,, jew li kapaċi jiddekomponi bijoloġikament f'kundizzjonijiet bħal dawn, inkluż permezz ta’ diġestjoni anaerobika, iżda mhux neċessarjament f’ambjent tal-ikkompostjar fid-dar, ikkombinati, jekk meħtieġ, bi trattament fiżiku, li fl-aħħar jirriżulta fil-konverżjoni tal-imballaġġ għal diossidu tal-karbonju jew, fl-assenza ta' ossiġenu, għal metan, u minerali, bijomassa u ilma, u li ma jfixkilx jew ma jipperikolax il-ġbir separat u l-proċess tal-ikkompostjar u ta' diġestjoni anaerobika;

(51)

“imballaġġ kompostabbli domestiku” tfisser imballaġġ li jista' jiddegrada bijoloġikament f'kundizzjonijiet mhux ikkontrollati li mhumiex faċilitajiet tal-ikkompostjar fuq skala industrijali u li l-proċess tal-ikkompostjar tiegħu jitwettaq minn individwi privati bl-għan li jipproduċu kompost għall-użu tagħhom stess;

(52)

“plastik” tfisser materjal li jikkonsisti minn polimeru skont it-tifsira tal-Artikolu 3, il-punt (5), tar-Regolament (KE) Nru 1907/2006, li miegħu jkunu ġew miżjuda addittivi jew sustanzi oħra, u li jista' jiffunzjona bħala komponent strutturali prinċipali tal-imballaġġ, bl-eċċezzjoni tal-polimeri naturali li ma ġewx modifikati kimikament;

(53)

“plastik b'bażi bijoloġika” tfisser plastik magħmul minn riżorsi bijoloġiċi, bħal materja prima tal-bijomassa, skart organiku jew prodotti sekondarji; u irrispettivament minn jekk il-plastik ikunx bijodegradabbli jew mhux bijodegradabbli;

(54)

“fliexken tax-xorb tal-plastik li jintużaw darba biss” tfisser fliexken tax-xorb elenkati fil-Parti F tal-Anness tad-Direttiva (UE) 2019/904;

(55)

“basktijiet tal-plastik” tfisser il-basktijiet, b'widna jew mingħajrha, magħmula mill-plastik, li jiġu fornuti lill-konsumaturi fil-punt tal-bejgħ tal-prodotti;

(56)

“basktijiet tal-plastik ħfief” tfisser basktijiet tal-plastik bi ħxuna ta' inqas minn 50 mikron;

(57)

“basktijiet tal-plastik ħfief ħafna” tfisser basktijiet tal-plastik bi ħxuna ta' anqas minn 15-il mikron;

(58)

“basktijiet tal-plastik oħxon” tfisser basktijiet tal-plastik bi ħxuna ta' bejn 50 u 99 mikron;

(59)

“basktijiet tal-plastik oħxon ħafna” tfisser basktijiet tal-plastik bi ħxuna ta' aktar minn 99 mikron;

(60)

“reċipjenti tal-iskart” tfisser reċipjenti użati għall-ħżin u l-ġbir tal-iskart, pereżempju kontenituri, laned u basktijiet;

(61)

“depożitu” tfisser somma definita ta' flus, li ma tkunx parti mill-prezz tal-prodott fl-imballaġġ jew mimli li tinġabar mill-utent finali meta jixtri prodott fl-imballaġġ jew mimli bħal dan, koperta minn sistema ta' rifużjoni tad-depożitu fi Stat Membru partikolari u li tista' tiġi rimborżata meta l-utent finali, jew kwalunkwe persuna oħra, jirritornaw l-imballaġġ abbinat ma' depożitu f'punt tal-ġbir stabbilit għal dik il-għan;

(62)

“sistema ta' rifużjoni tad-depożitu” tfisser sistema li fiha jiġi impost depożitu fuq l-utent finali meta jixtri prodott fl-imballaġġ jew mimli kopert minn dik is-sistema, u li jiġi rimborżat meta l-imballaġġ abbinat mad-depożitu jiġi rritornat permezz ta' wieħed mill-kanali ta' ġbir li huma awtorizzati għal dak l-għan mill-awtoritajiet nazzjonali;

(63)

“speċifikazzjoni teknika” tfisser dokument li jippreskrivi r-rekwiżiti tekniċi li jridu jiġu ssodisfati minn prodott, minn proċess jew minn servizz;

(64)

“standard armonizzat” tfisser standard kif definit fl-Artikolu 2(1), il-punt (c), tar-Regolament (UE) Nru 1025/2012;

(65)

“valutazzjoni tal-konformità” tfisser il-proċess li juri jekk ikunux ġew issodisfati r-rekwiżiti tas-sostenibbiltà, tas-sikurezza, tat-tikkettar u tal-informazzjoni ta' dan ir-Regolament relatati mal-imballaġġ;

(66)

“organizzazzjoni b'kompetenza fil-qasam tar-responsabbiltà tal-produtturi” tfisser entità ġuridika li torganizza finanzjarjament, jew finanzjarjament u operazzjonalment, it-twettiq tal-obbligi tar-responsabbiltà estiża tal-produttur f'isem diversi produtturi;

(67)

“ċiklu tal-ħajja” tfisser l-istadji konsekuttivi u interkonnessi tal-ħajja tal-imballaġġ, li jikkonsistu mill-akkwist tal-materja prima jew il-ġenerazzjoni minn riżorsi naturali, l-ipproċessar minn qabel, il-manifattura, il-ħżin, id-distribuzzjoni, l-użu, it-tiswija, l-użu mill-ġdid u t-tmiem tal-ħajja;

(68)

“imballaġġ li jippreżenta riskju” tfisser imballaġġ li, billi ma jikkonformax ma' rekwiżit stabbilit f'dan ir-Regolament jew b'konsegwenza tiegħu għajr dawk ir-rekwiżiti elenkati fl-Artikolu 62(1), jista' jaffettwa b'mod negattiv l-ambjent, is-saħħa jew interessi pubbliċi oħra protetti minn dak ir-rekwiżit;

(69)

“imballaġġ li jippreżenta riskju serju” tfisser imballaġġ li jippreżenta riskju li, abbażi ta' valutazzjoni, il-grad tan-nuqqas ta' konformità rilevanti jew il-ħsara assoċjata titqies li tirrikjedi intervent rapidu mill-awtoritajiet tas-sorveljanza tas-suq, inkluż f'każijiet meta l-effetti tan-nuqqas ta' konformità ma jkunux immedjati;

(70)

“pjattaforma online” tfisser pjattaforma online kif definita fl-Artikolu 3, il-punt (i), tar-Regolament (UE) 2022/2065;

(71)

“kuntratti pubbliċi” tfisser kuntratti pubbliċi kif definiti fl-Artikolu 2, il-punt (5), tad-Direttiva 2014/24/UE jew kif imsemmi fid-Direttiva 2014/25/UE, kif applikabbli;