Artikolu 4 Baġit

1.   Il-pakkett finanzjarju għall-implimentazzjoni tal-Programm Euratom 2026-2027 għall-perjodu mill-1 ta’ Jannar 2026 sal-31 ta’ Diċembru 2027 għandu jkun ta’ EUR 598 346 804 bil-prezzijiet attwali.

2.   Id-distribuzzjoni indikattiva tal-ammont imsemmi fil-paragrafu 1 għandha tkun:

Il-Kummissjoni ma tistax tiddevja mill-ammont imsemmi fl-ewwel subparagrafu, il-punt (c).

3.   L-ammont imsemmi fil-paragrafu 1 jista’ jintuża wkoll biex ikopri l-ispejjeż għat-tħejjija, il-monitoraġġ, il-kontroll, l-awditjar, l-evalwazzjoni u attivitajiet u nefqiet oħra meħtieġa għall-ġestjoni u l-implimentazzjoni tal-Programm Euratom 2026-2027, inkluż in-nefqa amministrattiva kollha, u l-evalwazzjoni tal-kisba tal-objettivi tiegħu. L-ispejjeż amministrattivi relatati mal-azzjonijiet indiretti ma għandhomx jaqbżu 6 % tal-ammont distribwit lill-azzjonijiet indiretti tal-Programm Euratom 2026-2027 imsemmija fil-paragrafu 2, l-ewwel subparagrafu, il-punti (a) u (b). L-ammont imsemmi fil-paragrafu 1 jista’ wkoll jintuża biex ikopri:

4.   Jekk ikun meħtieġ għall-ġestjoni tal-azzjonijiet li ma jkunux tlestew sal-31 ta’ Diċembru 2027, l-approprjazzjonijiet jistgħu jiddaħħlu fil-baġit lil hinn mill-2027 biex ikopru l-ispejjeż previsti fil-paragrafu 3.

5.   L-impenji baġitarji għal azzjonijiet li jestendu fuq aktar minn sena finanzjarja waħda jistgħu jiġu diżaggregati f’pagamenti akkont annwali fuq diversi snin.

6.   Mingħajr preġudizzju għar-Regolament (UE, Euratom) 2024/2509 (ir-“Regolament Finanzjarju”), in-nefqa għall-azzjonijiet li jirriżultaw mill-proġetti, inkluż fl-ewwel programm ta’ ħidma tista’ tkun eliġibbli mill-1 ta’ Jannar 2026.

7.   Meta jintalab mill-Istat Membru kkonċernat, ir-riżorsi allokati lill-Istati Membri b’ġestjoni kondiviża jistgħu jiġu trasferiti għall-Programm Euratom 2026-2027 soġġett għall-kundizzjonijiet stipulati fid-dispożizzjonijiet rilevanti tar-Regolament (UE) 2021/1060 tal-Parlament Ewropew u tal-Kunsill (19). Il-Kummissjoni għandha timplimenta dawk ir-riżorsi direttament f’konformità mal-Artikolu 62(1), l-ewwel subparagrafu, il-punt (a), tar-Regolament Finanzjarju jew indirettament f’konformità mal-punt (c) ta’ dak is-subparagrafu. Dawk ir-riżorsi għandhom jintużaw għall-benefiċċju tal-Istat Membru kkonċernat.