Artikolu 2 Definizzjonijiet

“sistema ta’ ħlas” tfisser arranġament formali bejn tliet parteċipanti jew iktar, mingħajr ma jingħaddu banek possibbli tas-saldu, l-istabbilimenti tar-rilaxx tal-kontropartijiet ċentrali jew parteċipanti indiretti, b’regoli komuni u arranġamenti standardizzati għall-eżekuzzjoni ta’ ordnijiet ta’ trasferiment bejn il-parteċipanti;

“infrastruttura tas-suq finanzjarju” (ISF) tfisser sistema multilaterali fost l-istituzzjonijiet parteċipanti, inkluż l-operatur tas-sistema, użata biex tikklerja, tissalda, jew tirrekordja ħlasijiet, titoli, derivattivi, jew tranżazzjonijiet finanzjarji oħra;

“SIPS tal-Eurosistema” tfisser SIPS li hija proprjetà u operata minn bank ċentrali tal-Eurosistema;

“kollateral” tfisser attiv jew impenn ta’ parti terza li huwa użat minn fornitur tal-kollateral biex jintlaħaq obbligu vis-à-vis riċevitur tal-kollateral. Kollateral jinkludi kemm kollateral domestiku u transkonfinali;

“riskju tal-investiment” tfisser ir-riskju tat-telf li jiffaċċja operatur jew parteċipant ta’ SIPS meta l-operatur ta’ SIPS jinvesti r-riżorsi tiegħu stess jew dawk tal-parteċipanti tiegħu, eż. kollateral;

“Operatur ta’ SIPS” tfisser:

“awtorità kompetenti” tfisser:

“fergħa” tfisser impriża li m’għandha l-eba personalità ġuridika u li tifforma parti legalment dipendenti minn entità eżistenti;

“il-Bord” tfisser: (a) f’sistema ta’ bord unitarju, il-bord uniku ta’ operatur ta’ SIPS; (b) f’sistema b’żewġ bordijiet, il-bord superviżorju jew ekwivalenti ta’ operatur ta’ SIPS, maħtur skont il-liġi nazzjonali; u (c) fejn fergħa hija identifikata bħala operatur ta’ SIPS, il-bord tal-entità legali li tagħha l-fergħa hija parti legament dipendenti;

“il-Maniġment” tfisser diretturi eżekuttivi, jiġifieri f’sistema ta’ bord unitarju, il-membri tal-Bord tal-operatur ta’ SIPS li huma involuti fil-ġestjoni ta’ kuljum tas-SIPS u kwalunkwe uffiċjali eżekuttivi oħra maħtura mill-Bord li huma involuti fil-ġestjoni ta’ kuljum tas-SIPS, f’sistema ta’ bord doppju, il-membri tal-bord maniġerjali tal-operatur ta’ SIPS u kwalunkwe uffiċjli eżekuttivi oħra maħtura mill-Bord jew mill-bord maniġerjali li huma involuti fil-ġestjoni ta’ kuljum tas-SIPS;

“il-Maniġment tal-Fergħa” tfisser, f’każijiet fejn fergħa tkun identifikata bħala operatur ta’ SIPS, id-diretturi maniġerjali maħtura formalment biex ikunu responsabbli għall-fergħa u li lilhom ikun debitament iddelegat it-twettiq tal-ġestjoni ta’ kuljum tas-SIPS;

“awtoritajiet rilevanti” tfisser awtoritajiet li għandhom interess leġittimu li jaċċċedu għall-informazzjoni minn SIPS biex jissodisfaw ir-rekwiżiti statutorji, eż. awtoritajiet ta’ riżoluzzjoni u superviżuri ta’ parteċipanti ewlenin;

“riskju legali” tfisser ir-riskju li jinħoloq mill-applikazzjoni ta’ liġi jew regolament, normalment li jirriżulta f’telf;

“riskju ta’ kreditu” tfisser ir-riskju li kontroparti, kemm jekk parteċipant jew entità oħra, ma tkunx tista’ tilħaq totalment l-obbligi finanzjarji tagħha meta jkunu dovuti jew fi kwalnkwe żmien fil-futur;

“riskju ta’ likwidità” tfisser ir-riskju li kontroparti, kemm jekk parteċipant jew entità oħra, ma jkollhiex biżżejjed fondi biex tilħaq l-obbligi finanzjarji tagħha meta jkunu dovuti, għalkemm jista’ jkollha fondi suffiċjenti biex tagħmel dan fil-futur;

“riskju operattiv” tfisser ir-riskju li d-defiċjenzi f’sistemi ta’ informazzjoni jew proċessi interni, żbalji umani, nuqqasijiet ta’ ġestjoni, jew interruzzjonijiet kkawżati minn avvenimenti esterni, partijiet terzi jew funzjonijiet, operazzjonijiet u/jew servizzi outsourced se jirriżulta fit-tnaqqis, deterjorament jew falliment tas-servizzi pprovduti minn SIPS;

“riskju ta’ negozju ġenerali” tfisser kwalunkwe impediment potenzjali tal-pożizzjoni finanzjarja tas-SIPS bħala negozju bħala konsegwenza ta’ tnaqqis fid-dħul tagħha jew żieda fl-ispejjeż tagħha, billi l-ispejjeż jeċċedu d-dħul u jirriżultaw f’telf li għandu jkun assenjat kontra l-kapital;

“riskju tal-kustodja” tfisser ir-riskju li tinkorri telf fuq attiv miżmum in kustodja fl-eventwalità ta’ insolvenza ta’ kustodju jew subkustodju, negliġenża, frodi, amministrazzjoni fqira jew żamma tar-rekords inadegwata;

“riskju ċibernetiku” tfisser il-probabbiltà li jseħħu inċidenti ċibernetiċi flimkien mal-impatt tagħhom;

“esternalizzazzjoni” tfisser arranġament fi kwalunkwe forma bejn l-operatur ta’ SIPS u parti terza jew entità intragrupp li taħtu dik il-parti terza jew entità intragrupp twettaq funzjonijiet, operazzjonijiet u/jew servizzi li kieku kienu jitwettqu mill-operatur ta’ SIPS;

“riskju sistemiku” tfisser ir-riskju ta’ parteċipant jew l-operatur ta’ SIPS li ma jilħqux l-obbligi rispettivi tagħhom f’SIPS jikkawża parteċipanti oħra u/jew operatur ta’ SIPS li ma jippermettux li jilħqu l-obbligi tagħhom meta jingħataw, potenzjalment b’effetti ta’ spillover li jheddu l-istabilità ta’ jew kunfidenza tas-sistema finanzjarja;

“miżura korrettiva” tfisser miżura jew azzjoni speċifika, irrispettivament mill-forma, it-tul ta’ żmien jew il-gravità tagħha, li tkun imposta fuq operatur tas-SIPS minn awtorità kompetenti biex tirrimedja, jew tevita ripetizzjoni ta’, nonkonformità mar-rekwiżiti tal-Artikoli 8 sa 27 u l-Artikolu 29;

“bank tas-saldu” tfisser bank li jżomm kontijiet fir-rigward tal-ħlasijiet, fejn iseħħ ir-rilaxx tal-obbligu li jinħoloq mis-sistema ta’ ħlas;

“parteċipant indirett” tfisser entità ġuridika li ma jkollhiex aċċess dirett għas-servizzi ta’ SIPS u tipikament ma tkunx marbuta kuntrattwalment direttament bir-regoli rilevanti tas-SIPS, u li l-ordnijiet ta’ trasferiment tagħha jiġu kklerjati, saldati u rreġistrati mis-SIPS permezz ta’ parteċipant dirett. Parteċipant indirett għandu relazzjoni kuntrattwali ma’ parteċipant dirett. L-entitajiet ġuridiċi rilevanti huma limitati għal:

“ordni ta’ trasferiment” tfisser ordni ta’ trasferiment kif definita fl-Artikolu 2, il-punt (i), l-ewwel inċiż, tad-Direttiva 98/26/KE (11);

“kollateral transkonfinali” tfisser kollateral li għalih, mill-perspettiva tal-pajjiż li fih l-attiv huwa aċċettat bħala kollateral, mill-inqas wieħed minn dawn li ġejjin huwa barrani: (a) il-munita tad-denominazzjoni; (b) il-pajjiż li fih jinsab l-attiv; jew (c) il-pajjiż li fih l-emittent huwa stabbilit;

“obbligi finanzjarji” tfisser obbligi legali li jirriżultaw, fi ħdan is-SIPS, bejn parteċipanti jew bejn parteċipanti u l-operatur ta’ SIPS, bħala konsegwenza ta’ ordnijiet ta’ trasferiment li jiddaħħlu f’dak is-SIPS;

“Inċident ċibernetiku” tfisser kwalunkwe okkorrenza osservabbli f’sistema ta’ informazzjoni, inklużi n-netwerks li jippermettu t-trasferiment ta’ informazzjoni u komunikazzjoni, li (a) tipperikola jew taffettwa ħażin iċ-ċibersigurtà jew (b) tikser il-politiki ta’ sigurtà, il-proċeduri ta’ sigurtà jew il-politiki ta’ użu aċċettabbli, kemm jekk jirriżultaw minn attività malizzjuża kif ukoll jekk le;

“parteċipant dirett” tfisser entità ġuridika li għandha aċċess dirett għas-servizzi ta’ SIPS fuq il-bażi ta’ relazzjoni kuntrattwali li biha tkun marbuta bir-regoli tas-SIPS rilevanti, titħalla tibgħat ordnijiet ta’ trasferiment lil dik is-sistema u tkun kapaċi tirċievi ordnijiet ta’ trasferiment minnha;

“ċibersigurtà” tfisser il-preservazzjoni tal-kunfidenzjalità, l-integrità u d-disponibbiltà tal-informazzjoni u/jew tas-sistemi tal-informazzjoni, inklużi netwerks li jippermettu t-trasferiment ta’ informazzjoni u komunikazzjoni;

“jum ta’ negozju” tfisser jum ta’ negozju kif definitafl-Artikolu 2, il-punt (n), tad-Direttiva 98/26/KE;

“theddida ċibernetika” tfisser kwalunkwe ċirkostanza bil-potenzjal li tiġi sfruttata vulnerabbiltà waħda jew aktar li jista’ jkollha impatt negattiv fuq iċ-ċibersigurtà;

“fornitur ta’ servizz ta’ esternalizzazzjoni” tfisser parti terza jew entità intragrupp li twettaq funzjonijiet, operazzjonijiet u/jew servizzi fil-kuntest ta’ arranġament ta’ esternalizzazzjoni;

“ħlas transkonfinali” tfisser ħlas bejn parteċipanti stabbiliti f’pajjiżi differenti;

“direttur indipendenti” tfisser, f’sistema ta’ bord unitarju, membru mhux eżekuttiv tal-bord jew, f’sistema ta’ bord doppju, membru tal-bord superviżorju jew ekwivalenti, li ma għandu l-ebda relazzjoni ta’ negozju, familja jew relazzjoni oħra li tqajjem kunflitt ta’ interess rigward is-SIPS jew l-operatur ta’ SIPS, l-azzjonisti li jikkontrollawhom, il-maniġment tagħhom jew il-parteċipanti tagħhom, u li ma kellu l-ebda relazzjoni bħal din matul is-sentejn ta’ qabel is-sħubija tagħhom fil-Bord;

“pjan ta’ rkupru” tfisser pjan żviluppat minn operatur ta’ SIPS biex jistabbilixxi mill-ġdid l-operat bla xkiel ta’ SIPS;

“pjan ta’ stralċ ordinat” tfisser pjan żviluppat minn operatur ta’ SIPS għall-għeluq ordnat ta’ SIPS;

“partijiet interessati rilevanti” tfisser parteċipanti, IFM li għandhom impatt fuq ir-riskju f’SIPS, u fuq bażi ta’ każ b’każ, atturi oħra tas-suq affettwat;

“sitwazzjoni ta’ emerġenza” tfisser avveniment, okkorrenza jew ċirkustanza li kapaċi twassal għal telf jew tfixkil tal-funzjonijiet, operazzjonijiet u/jew servizzi ta’ SIPS, inklużi interferenzi fi jew prevenzjoni ta’ saldu finali;

“materjal” jikkwalifika riskju, dipendenza u/jew bidla li tista’ taffettwa l-abbiltà ta’ entità li twettaq jew tipprovdi servizzi kif mistenni;

“fornitur tal-likwidità” tfisser fornitur tal-flus kontanti taħt l-Artikoli 10(3), 11(5), 13(1), 13(9) u 13(11) jew attiv taħt l-Artikolu 13(4), inkluż parteċipant ta’ SIPS jew parti esterna;

“skopertura tal-kreditu” tfisser ammont jew valur f’riskju li parteċipant ma jagħmilx saldu għal valur sħiħ, jew meta jkun dovut jew fi kwalunkwe ħin wara;

“sistema ta’ saldu nett differita” (sistema DNS) tfisser sistema li fir-rigward tagħha s-saldu fi flus ta’ bank ċentrali iseħħ fuq bażi netta fl-aħħar taċ-ċiklu ta’ saldu predefinit, eż. fl-aħħar ta’, jew matul, jum ta’ negozju;

“affiljat” tfisser kumpannija li tikkontrolla, jew hija kkontrollata minn, jew hija taħt il-kontroll ma’, il-parteċipant. Kontroll ta’ kumpannija huwa ddefinit bħala (a) sjieda, kontroll jew investiment ta’ 20 % jew iżjed ta’ klassi ta’ titoli ta’ votazzjoni ta’ kumpannija; jew (b) konsolidazzjoni tal-kumpannija għal finijiet ta’ rapportar finanzjarju;

“riskju tas-suq” tfisser ir-riskju ta’ telf, f’pożizzjonijiet kemm fuq il-karta tal-bilanċ kif ukoll barra minnha, li jirriżultaw minn movimenti fi prezzijiet tas-suq;

“riskju wrong-way” tfisser riskju li jirriżulta minn skopertura għal parteċipant jew emittent meta l-kollateral pprovdut minn dak il-parteċipant jew maħruġ minn dak l-emittent huwa korrelatat ħafna mar-riskju tal-kreditu tiegħu;

“aġent nostro” tfisser bank użat minn parteċipanti f’SIPS għas-saldu;

“bank kustodju” tfisser bank li jżomm u jissalvagwardja l-attiv finanzjarju ta’ partijiet terzi;

“kundizzjonijiet tas-suq estremi iżda plawżibbli” tfisser sett komprensiv ta’ kundizzjonjiet storiċi u ipotetiċi, inkluż il-perijodi l-aktar volatili li kienu esperjenzati mis-swieq li jservu s-SIPS;

“ħlas unilaterali” tfisser ħlas li jinvolvi fonsi wieħed ta’ trasferiment f’munita waħda;

“ħlas bilaterali” tfisser ħlas li jinvolvi żewġ fondi ta’ trasferimenti f’muniti differenti f’sistema ta’ saldu ta’ skambju għall-valur;

“data intiża tas-saldu” tfisser id-data li hija mniżżla fis-SIPS bħala d-data tas-saldu mill-emittent ta’ ordni ta’ trasferiment;

“riskju prinċipali” tfisser ir-riskju li kontroparti titlef il-valur sħiħ involut fi tranżazzjoni, jiġifieri jew ir-riskju li bejjiegħ ta’ attiv finanzjarju jikkunsinna l-attiv b’mod irrevokabbli, iżda ma jirċevix ħlas, jew ir-riskju li xerrej ta’ attiv finanzjarju jħallas b’mod irrevokabbli, iżda ma jirċevix l-attiv;

“fornitur ta’ servizzi u ta’ utilità” tfisser parti terza jew entità intragrupp li tipprovdi proċess, servizz, utilità jew attività, jew partijiet minnhom, lil operatur ta’ SIPS;

“intelligence dwar it-theddid” tfisser kwalunkwe informazzjoni li tkun ġiet aggregata, trasformata, analizzata, interpretata jew arrikkita biex tipprovdi l-kuntest meħtieġ għat-teħid tad-deċiżjonijiet biex jittaffa l-impatt ta’ inċident ċibernetiku jew ta’ theddida ċibernetika;

“subesternalizzazzjoni” tfisser trasferiment minn fornitur ta’ servizz ta’ esternalizzazzjoni lil parti terza oħra jew entità intragrupp tal-obbligu li jiġu pprovduti funzjonijiet, operazzjonijiet u/jew servizzi;

“riskju ta’ konċentrazzjoni” tfisser ir-riskju li jirriżulta minn esponiment għal fornituri individwali jew multipli ta’ servizzi esternalizzati li joħloq grad ta’ dipendenza fuq tali fornituri sabiex in-nuqqas ta’ disponibbiltà, falliment jew nuqqas ieħor fis-servizz ta’ tali fornitur jista’ jaffettwa b’mod negattiv is-SIPS u/jew l-operatur ta’ SIPS, inkluż billi jipperikola l-kapaċità tiegħu li jopera u jipprovdi s-servizzi tiegħu, u/jew jipperikola l-istabbiltà finanzjarja tal-Unjoni kollha kemm hi.