Artikolu 13 Integrità tal-impjegati

1.   Kwalunkwe impjegat, jew persuna f’pożizzjoni komparabbli, inkluż l-aġenti u d-distributuri, li jieħdu sehem direttament fil-konformità tal-entità marbuta b’obbligu ma’ dan ir-Regolament, ir-Regolament (UE) 2023/1113 u kwalunkwe att amministrattiv maħruġ minn kwalunkwe superviżur, għandu jgħaddi minn valutazzjoni proporzjonata mar-riskji assoċjati mal-kompiti mwettqa u li l-kontenut tagħha huwa approvat mill-uffiċjal għall-konformità ta’:

Il-valutazzjoni msemmija fl-ewwel subparagrafu għandha titwettaq qabel il-bidu tal-attivitajiet mill-impjegat jew mill-persuna f’pożizzjoni komparabbli, inklużil-aġenti u d-distributuri, u għandha tiġi ripetuta regolarment. L-intensità tal-valutazzjonijiet sussegwenti għandha tiġi ddeterminata abbażi tal-kompiti fdati lill-persuna u r-riskji assoċjati mal-funzjoni li jwettqu.

2.   L-impjegati, jew il-persuni f’pożizzjonijiet komparabbli, inklużi l-aġenti u d-distributuri, fdati b’kompiti relatati mal-konformità tal-entità marbuta b’obbligu ma’ dan ir-Regolament ir-Regolament (UE) 2023/1113, u kwalunkwe att amministrattiv maħruġ minn kwalunkwe superviżur, għandhom jinformaw lill-uffiċjal għall-konformità dwar kwalunkwe relazzjoni privata jew professjonali mill-qrib stabbilita mal-klijenti tal-entità marbuta b’obbligu jew mal-klijenti prospettivi u għandhom jinżammu milli jwettqu kwalunkwe kompitu relatat mal-konformità tal-entità marbuta b’obbligu fir-rigward ta’ dawk il-klijenti.

3.   L-entitajiet marbutin b’obbligu għandu jkollhom fis-seħħ proċeduri għall-prevenzjoni u l-ġestjoni tal-kunflitti ta’ interess li jistgħu jaffettwaw it-twettiq tal-kompiti relatati mal-konformità tal-entità marbuta b’obbligu ma’ dan ir-Regolament, Regolament (UE) 2023/1113, u kwalunkwe att amministrattiv maħruġ minn kwalunkwe superviżur.

4.   Dan l-Artikolu m’għandux japplika meta l-entità marbuta b’obbligu tkun persuna fiżika jew ġuridika li l-attivitajiet tagħha jitwettqu minn persuna fiżika waħda biss.