Artikolu 233 Valutazzjoni

Għall-finijiet tal-kalkolu tal-effetti tal-protezzjoni mhux iffinanzjata tal-kreditu skont din is-Subtaqsima, il-valur tal-protezzjoni mhux iffinanzjata tal-kreditu (G) għandu jkun l-ammont li l-fornitur tal-protezzjoni jkun impenja ruħu li jħallas f’każ ta’ inadempjenza jew nuqqas ta’ pagament mill-mutwatarju jew f’każ ta’ avvenimenti speċifikati oħrajn tal-kreditu.

Fil-każ ta’ derivati tal-kreditu li bħala avveniment ta’ kreditu ma jinkludux ir-ristrutturar tal-obbligazzjoni sottostanti li jinvolvi maħfra jew rinviju tal-ammont kapitali, tal-imgħax jew tat-tariffi li jirriżultaw f’avveniment ta’ telf tal-kreditu, għandu japplika dan li ġej:

Fejn il-protezzjoni mhux iffinanzjata tal-kreditu tkun denominata f’munita differenti minn dik li fiha tkun denominata l-iskopertura, l-istituzzjonijiet għandhom inaqqsu l-valur tal-protezzjoni tal-kreditu permezz tal-applikazzjoni ta’ aġġustament għall-volatilità kif ġej:

fejn:

G*

=

l-ammont tal-protezzjoni tal-kreditu aġġustat għar-riskju tal-kambju,

G

=

l-ammont nominali tal-protezzjoni tal-kreditu;

Hfx

=

l-aġġustament għall-volatilità għal kull diskrepanza fil-muniti bejn il-protezzjoni tal-kreditu u l-obbligazzjoni sottostanti determinat skont il-paragrafu 4.

L-istituzzjonijiet għandhom jibbażaw l-aġġustamenti għall-volatilità għal kwalunkwe diskrepanza fil-munita fuq perjodu ta' likwidazzjoni ta' 10 ijiem ta' xogħol, bis-suppożizzjoni li ssir rivalwazzjoni kuljum, u għandhom jikkalkulaw dawk l-aġġustamenti abbażi tal-Approċċ tal-Aġġustamenti Superviżorji għall-Volatilità kif stabbilit fl-Artikolu 224. L-istituzzjonijiet għandhom iżidu l-aġġustamenti għall-volatilità f'konformità mal-Artikolu 226.