5.3 Deċiżjoni ta’ kreditu u ftehim ta’ self

Sabiex iwettqu valutazzjo ni tal- affidabbiltà kreditizja affidabbli u preċiża, jenħtieġ li l - istituzzjonijiet u l - kredituri jfasslu d - dokumentazzjoni rilevanti dwar deċiżjonijiet ta’ kreditu u ftehimiet ta’ self b’mod li jgħin sabiex tiġi identifikata u evitata rappreżentazzjoni ħażina tal - informazzjoni mill - mutwatarju, mill - intermedjarju tal - kreditu jew mill - membri tal - persunal tal - istituzzjoni li tkun involuta fil - valutazzjoni tal - applikazzjoni.

Jenħtieġ li l - valutazzjoni tal - affidabbiltà kreditizja mwettqa skont it - Taqsima 5.2 tkun dokumentata u tintuża kif xieraq bħala l - bażi tal - proposta sabiex tiġi approvata jew irrifjutata l - applikazzjoni għal self mill - persuna rilevanti li tieħu d - deċiżjonijiet ta’ kreditu. Jenħtieġ li r - riżultati dokumentati tal - valutazzjoni tal - affidabbiltà kreditizja stess ikunu jistgħu jiġġustifikaw il- proposta ta’ approvazzjoni jew ta’ rifjut tal - applikazzjoni għal self.

Jenħtieġ li d - deċiżjoni ta’ approvazzjoni jew ta’ rifjut tal - applikazzjoni għal self (deċiżjoni ta’ kreditu) tittieħed mill - persuna rilevanti li tieħu d - deċiżjonijiet ta’ kreditu, f’konformità mal - politiki u l - proċeduri u mal - arranġamenti ta’ governanza stabbiliti fit - Taqsima 4.3 .

Jenħtieġ li d - deċiżjoni ta’ kreditu tkun ċara u dokumentata sew u tinkludi l - kundizzjonijiet u l- prekundizzjonijiet kollha, inklużi dawk sabiex jiġu mitigati r - riskji identifikati fil - valutazzjoni tal - affidabbiltà kreditizja, bħar - riskji assoċjati mal - fatturi ESG, għall - ftehim ta’ self u għall - iżborż.

Jenħtieġ li d - deċiżjoni ta’ kreditu tartikola b’mod ċar perjodu massimu għall - validità tagħha. Jekk tranżazzjoni approvata ma tiġix eżegwita fi ħdan dan il - perjodu, jenħtieġ li tiġi sottomessa proposta ta’ kreditu ġdida għall - approvazzjoni. Fejn ikun rilevanti, jenħtieġ li jitqiesu b’mod xieraq id - dispożizzjonijiet tal - Artikolu 14(6) tad - Direttiva 2014/17/UE dwar id - durata tal - offerta vinkolanti.

Jenħtieġ li l - konklużjoni tal - ftehim ta’ kreditu ma sseħħx sakemm l - istituzzjonijiet u l - kredituri ma jkunux ivverifikaw li ġew issodisfati l - prekundizzjonijiet u l - kundizzjonijiet kollha li jkunu ġew stabbiliti fid - deċiżjoni ta’ kreditu. Jenħtieġ li l - iżborż iseħħ biss wara l - konklużjoni tal - ftehim ta’ kreditu.