8.4 Monitoraġġ tal - pattijiet

Fejn rilevanti u applikabbli għal ftehimiet ta’ kreditu speċifiċi, jenħtieġ li l - istituzzjonijiet jimmonitorjaw u jagħmlu segwitu għar - rekwiżiti tal - assigurazzjoni tal - kollateral, f’konformità mal- ftehimiet ta’ kreditu jew mar - rekwiżiti tal - faċilitajiet ta’ kreditu.

Fejn applikabbli, jenħtieġ li l - istituzzjonijiet jimmonitorjaw l - aderenza tal - mutwatarju mal - patti miftiehma fil - ftehimiet ta’ kreditu. Jenħtieġ l i l- konformità tal - mutwatarju mal - patti, kif ukoll il - konsenja puntwali ta’ ċertifikati ta’ konformità mal - patti, fejn applikabbli, jintużaw bħala għodod ta’ twissija bikrija. Id - detezzjoni bikrija tad - devjazzjonijiet hija essenzjali sabiex tkun protetta l - pożizzjoni tal - istituzzjoni fir -rigward tal- mutwatarju u ta’ kredituri possibbli oħra involuti. Jenħtieġ li l - monitoraġġ kontinwu tal - patti finanzjarji jinkludi l - proporzjonijiet rilevanti kollha speċifikati fil - patti (eż. dejn nett/EBITDA, il - proporzjon ta’ kopertura tal - imgħax, il - proporzjon ta’ kopertura tas - servizz tad - dejn (DSCR).

Jenħtieġ li l - istituzzjonijiet jimmonitorjaw ukoll patti mhux finanzjarji mhux biss billi jiġbru ċ - ċertifikat tal - patt, fejn applikabbli, iżda wkoll b’mezzi oħra, eż. permezz ta’ kuntatt mill - qrib mal- mutwatarju mill - eżekuttiv tal - klijent.