Kamp ta’ applikazzjoni

Dawn il-linji gwida j applikaw għall -istituzzjonijiet kif definiti fil-punt 23 tal-Artikolu 2(1) tad-Direttiva 2014/59/UE soġġetti għall -obbligi stupilati fl-Artikoli 5 sa 9 ta’ dik id- Direttiva kif speċifikat ulterjorment fl-Artikoli 3 sa 21 tar-Regolament Delegat tal-Kummissjoni (UE) 2016/1075.

Għall - istituzzjonijiet li mhumiex parti minn grupp soġġett għal superviżjoni konsolidata skont l - Artikoli 111 u 112 tad-Direttiva 2013/36/UE, dawn il- linji gwida japplikaw fuq il -livell individwali.

Għall -istituzzjonijiet li huma parti minn grupp soġġett għal superviżjoni konsolidata skont l - Artikoli 111 u 112 tad-Direttiva 2013/36/UE, dawn il- linji gwida japplikaw fuq il -livell tal- impriża prinċipali tal -Unjoni u fil-livell tas- sussidjarji tagħha.

L- awtoritajiet kompetenti jistgħu jispeċifikaw kif għandhom japplikaw dawn il -linji gwida kollha jew parti minnhom għall - istituzzjonijiet li huma soġġetti għal obbligi ssimplifikati fir -rigward tal-pjanijiet ta’ rkupru tagħhom kif stipulat fl -Artikolu 4 tad-Direttiva 2014/59/UE.

L-awtoritajiet kompetenti jistgħu jirrinunzjaw l - applikazzjoni ta’ ċerti indikaturi jew kundizzjonijiet stipulati fil-paragrafi 21 sa 23 għall -istituzzjonijiet li huma ditti ta’ investiment, fejn l-applikazzjoni tagħhom ma tkunx xierqa għall -ippjanar ta’ rkupru tad-ditta ta’ investiment jew tal-grupp tad-ditta ta’ investiment, wara li jikkunsidraw kemm il-mudell tan-negozju kif ukoll l-istruttura legali, il-profil tar-riskju, id- daqs jew il - kumplessità tagħhom.