1. Kampjun ta’ istituzzjonijiet u ditti ta’ investiment li għandhom jiġu inklużi fl - eżerċizzju ta’ valutazzjoni komparattiva tad- diversità

L- awtoritajiet kompetenti għandhom jiġbru u jissottomettu lill -EBA data dwar il - prattiki tad - diversità, inkluż dwar il - politiki dwar id - diversità u d - differenza fil - pagi bejn il - ġeneri fil - livell tal - korp ta’ ġestjoni għal kampjun rappreżentattiv ta’ istituzzjonijiet u ditti ta’ investiment fi ħdan l - Istat Membru fuq bażi individwali kif speċifikat fl - annessi ppubblikati separatament.

Il - kampjun għandu jikkonsisti f’istituzzjonijiet soġġetti għad - Direttiva 2013/36/UE u ditti ta’ investiment li jew huma soġġetti għar - rekwiżiti dwar il - governanza skont l - Artikolu 91 tad-Direttiva 2013/36/UE, f’konformità mal - Artikolu 1(2) jew (5) tar - Regolament (UE) 2019/2033 (Klassi 1), jew soġġetti għall - Artikolu 26 tad- Direttiva (UE) 2019/2034 (Klassi 2). Il - kampjun jista’ jinkludi aktar minn istituzzjoni waħda jew ditta ta’ investiment waħda fi ħdan grupp, b’mod partikolari, meta jkunu jinsabu fi Stati Membri differenti. L - awtoritajiet kompetenti ma għandhomx iżidu d - ditti ta’ investiment mal - kampjun meta jkunu pprovdew awtorizzazzjoni lid - ditta ta’ investiment ġestita minn persuna fiżika waħda skont l - Artikolu 9(6) tad-Direttiva 2014/65/UE.

L- EBA se tavviċina lill - awtoritajiet kompetenti fi żmien xieraq qabel kull eżerċizzju ta’ ġbir tad - data u se tipprovdi aktar informazzjoni dwar kif għandu jiġi ddeterminat il - kampjun ta’ istituzzjonijiet u ditti ta’ investiment li għalihom għandha tinġabar id - data . Wara t - talba, l - awtoritajiet kompetenti għandhom jinfurmaw lill - EBA dwar il - lista ta’ istituzzjonijiet u ditti ta’ investiment li beħsiebhom jinkludu fl - eżerċizzju ta’ valutazzjoni komparattiva tal - prattiki tad - diversità, fl - iskeda ta’ żmien mogħtija mill -EBA.

L- awtoritajiet kompetenti għandhom jinfurmaw lill - istituzzjonijiet u lid - ditti ta’ investiment li jifformaw parti mill - kampjun fi żmien xieraq qabel il - ġbir tad - data , u mill - inqas tliet xhur qabel ma tintalab is - sottomissjoni tad - data .