6. Speċifikazzjonijiet għas - sottomissjoni ta’ data dwar il - membri tal - korp ta’ ġestjoni

Meta tintalab data dwar is - CEO, id - data għas - CEO biss għandha tiġi rrapportata taħt din il - kategorija. Id - data dwar deputati jew viċi CEOs għandha tiġi rrapportata taħt il - kategorija “diretturi eżekuttivi”. Meta l - ebda wieħed mid - diretturi eżekuttivi ma jkollu rwol ta’ CEO, id - data kollha dwar id - diretturi eżekuttivi għandha tiġi rrapportata taħt il - kategorija “diretturi eżekuttivi”.

Fejn għandha tiġi pprovduta data dwar id - diretturi eżekuttivi, din id - data għandha tinkludi informazzjoni dwar:

• a. dawk il - membri tal - korp ta’ ġestjoni li għandhom funzjonijiet eżekuttivi u li huma responsabbli mit - tmexxija effettiva tal - istituzzjoni jew tad - ditta ta’ investiment;
• b. il - persuni li effettivament imexxu n - negozju f’konformità mal - Artikolu 13(1) tad-Direttiva 2013/36/UE, fil - każ ta’ istituzzjoni, jew f’konformità ma’ 9(6) tad - Direttiva 2014/65/UE, fil - każ ta’ ditta ta’ investiment, irrispettivament minn jekk humiex membri tal - korp ta’ ġestjoni jew amministrattiv maħtur f’konformità mal - liġi nazzjonali tal - kumpaniji.

Meta tintalab data dwar il - president, id - data dwar il - president biss għandha tiġi rrapportata taħt din il - kategorija jekk il - president jappartjeni għall - funzjoni superviżorja tal - korp ta’ ġestjoni, id - deputati jew il - viċi presidenti għandhom jiġu rrapportati biss taħt il - kategorija “diretturi mhux eżekuttivi”. Meta l - ebda wieħed mid - diretturi mhux eżekuttivi ma jkollu rwol ta’ president, id - data kollha għandha tiġi rrapportata taħt il - kategorija “diretturi mhux eżekuttivi”. President tal - korp ta’ ġestjoni li għandu wkoll funzjonijiet eżekuttivi għandu jiġi rrapportat biss taħt il - kategorija tad - diretturi eżekuttivi.

Fejn għandha tiġi pprovduta data għal diretturi mhux eżekuttivi, din id - data għandha tinkludi b’mod separat informazzjoni dwar:

• a. membri tal - korp ta’ ġestjoni li huma responsabbli mis - sorveljanza u l - monitoraġġ tat - teħid ta’ deċiżjonijiet mill - maniġment mingħajr ma jkollhom dmirijiet eżekuttivi;
• b. fejn applikabbli, rappreżentanti tal - impjegati li huma membri tal - korp ta’ ġestjoni.

Il - membri tal - korp ta’ ġestjoni għandhom jiġu allokati l - ġeneru li miegħu huma jassoċjaw ruħhom. Għal dan l - eżerċizzju, il - ġeneri kollha li jvarjaw mill - ġeneru maskili jew femminili jifformaw it - tielet kategorija ta’ ġeneri, imsejħa mhux binarji.

Meta direttur eżekuttiv ikollu l - pożizzjoni tal - president ta’ bord unitarju, l - informazzjoni dwar dak id - direttur għandha tiġi pprovduta biss taħt il - kategorija “direttur eżekuttiv”, inkluż għall - kalkolu tad - differenza fil - pagi bejn il - ġeneri.