1 L- applikazzjoni tal - prinċipju tal - proporzjonalità

Is - servizzjanti tal - kreditu jenħtieġ li jqisu d - daqs tagħhom, l - organizzazzjoni interna tagħhom u n - natura, l - iskala u l - kumplessità tal - attivitajiet tagħhom meta jivvalutaw l - għarfien u l - esperjenza adegwati tal - organi maniġerjali u amministrattivi tagħhom, b’mod kumplessiv, u meta jiżviluppaw u jimplimentaw politiki u proċessi relatati li jiżguraw li r - rekwiżiti jiġu ssodisfati. Is - servizzjanti tal - kreditu li jisservizzjaw portafolli kbar ta’ kreditu jew kreditu aktar kumpless jenħtieġ li jkollhom politiki u proċessi aktar sofistikati, filwaqt li servizzjanti tal - kreditu iżgħar li jisservizzjaw kreditu inqas kumpless jistgħu jimplimentaw politiki u proċessi aktar sempliċi.

Għall - fini tal - applikazzjoni tal - prinċipju tal - proporzjonalità u sabiex tiġi żgurata l - implimentazzjoni adegwata tar - rekwiżiti ta’ governanza tad - Direttiva (UE) 2021/2167 li dawn il - Linji Gwida jispeċifikaw aktar, is - servizzjanti tal - kreditu u l - awtoritajiet kompetenti għandhom iqisu l - kriterji li ġejjin:

• a. id- daqs tas - servizzjant tal - kreditu kif indikat mill - għadd ta’ persunal;
• b. il - volum tad - dejn u l - għadd ta’ kuntratti ta’ servizzjar tal - kreditu li s - servizzjant tal - kreditu jimmaniġġja;
• c. il - forma ġuridika tas - servizzjant tal - kreditu;
• d. jekk is - servizzjant tal - kreditu huwiex ikkwotat jew le;
• e. jekk is - servizzjant tal - kreditu huwiex parti minn grupp soġġett għad - Direttiva 2013/36/UE fuq bażi konsolidata u, jekk iva, il - valutazzjoni tal - proporzjonalità għall - grupp;
• f. jekk jitwettqux attivitajiet transkonfinali u d - daqs tal - operazzjonijiet f’kull ġuriżdizzjoni;
• g. in- natura u l - kumplessità tal - attivitajiet kummerċjali kollha li jwettaq is - servizzjant tal - kreditu, u l - istruttura organizzazzjonali tas - servizzjant tal - kreditu; u
• h. il - kamp ta’ applikazzjoni u l - kumplessità tal - arranġamenti eżistenti ta’ esternalizzazzjoni jew forniment ta’ servizz ma’ fornituri oħra ta’ servizzi ta’ kreditu.