414. Ba cheart d’údaráis inniúla measúnú a dhéanamh ar cibé acu an sainítear nó nach sainítear go …

Ba cheart d’údaráis inniúla measúnú a dhéanamh ar cibé acu an sainítear nó nach sainítear go leormhaith i bplean teagmhasach leachtachta (LCP) na hinstitiúide na beartais, na nósanna imeachta agus na pleananna gníomhaíochta chun freagairt do mhórchur isteach féideartha ar chumas na hinstitiúide í féin a chistiú. Ba cheart go gcuirfí san áireamh leo ábhar agus raon feidhme na mbeart cistiúcháin teagmhasach atá san áireamh sa LCP, agus go háirithe fachtóirí amhail:

• a. cibé an dtugann nó nach dtugann an LCP míniú leordhóthanach ar na socruithe rialachais maidir lena ngníomhachtú agus lena gcoinneáil;
• b. cibé an léiríonn nó nach léiríonn an LCP próifíl riosca ginearálta leachtachta agus cistiúcháin na hinstitiúide go sonrach agus i gcoitinne;
• c. cibé acu atá nó nach bhfuil creat de tháscairí réamhrabhaidh leachtachta ag an institiúid, lena n-áirítear i measc táscairí eile iad sin a bunaíodh mar tháscairí leachtachta in ÚBE GL maidir le táscairí plean téarnaimh ar dóigh dóibh a bheith éifeachtach chun cur ar chumas na hinstitiúide imthosca margaidh atá ag dul in olcas a shainaithint go tráthúil agus a chinneadh go tapa cad iad na gníomhartha is gá a dhéanamh;
• d. cibé an dtugtar nó nach dtugtar san LCP cur síos soiléir go bhfuil an maolán leachtachta LCR deartha le húsáid i gcás struis, fiú má bhíonn luachanna LCR faoi bhun 100 % mar thoradh air sin, lena n-áirítear go bhfuil sé mar chuid den bhainistiú riosca leachtachta faoi strus a bhfuiltear ag súil leis go ndéantar cumarsáid ina dhiaidh sin leis an ardbhainistíocht má shroichtear luachanna LCR bunaithe níos ísle. Ba cheart go ndéanfaí an tslí ar cheart an riosca leachtachta a bhainistiú faoi strus a léiriú agus a thuairisciú go soiléir sa LCP chun é a stiúradh chomh gar agus is féidir do spriocleibhéil LCR.
• e. cibé an gcuireann nó nach gcuireann an LCP na foinsí cistiúcháin ábhartha (féideartha) go léir in iúl go soiléir, lena n-áirítear na méideanna measta atá ar fáil do na foinsí éagsúla leachtachta agus an t-am measta is gá chun cistí a fháil uathu;
• f. cibé an bhfuil nó nach bhfuil na bearta i gcomhréir le straitéis riosca fhoriomlán na hinstitiúide agus lena hinghlacthacht riosca leachtachta;
• g. oiriúnacht na dtoimhdí maidir le ról cistiúcháin an bhainc cheannais i LCP na hinstitiúide. D’fhéadfadh tuairimí na hinstitiúide maidir leis an méid seo a leanas a bheith san áireamh i samplaí de na fachtóirí a fhéadfaidh na húdaráis inniúla a mheas: I. infhaighteacht reatha agus sa todhchaí foinsí malartacha cistiúcháin féideartha a bhaineann le cláir iasachtaí bainc cheannais; II. na cineálacha saoráidí iasachtaithe, an chomhthaobhacht inghlactha agus na nósanna imeachta oibríochtúla chun rochtain a fháil ar chistí bainc cheannais; III. na himthosca faoina mbeadh gá le cistiú ón mbanc ceannais, an méid a bheadh ag teastáil agus an tréimhse ar dócha go mbeadh gá lena leithéid de chistiú ón mbanc ceannais.

1. Forbhreathnú

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

3. Caighdeáin ghaolmhara

• EBA -

  EN: Guidelines and other publications of the European Banking Authority (EBA), https://www.eba.europa.eu/. © European Banking Authority. Reproduction is authorised provided the source is acknowledged (EBA legal notice). Divided into sections and converted into the GRCA format, the wording unchanged. Only the versions published by the EBA are authoritative.

  DE: Leitlinien und weitere Veröffentlichungen der Europäischen Bankenaufsichtsbehörde (EBA), https://www.eba.europa.eu/. © European Banking Authority. Wiedergabe mit Quellenangabe gestattet (Rechtlicher Hinweis der EBA). In Abschnitte aufgeteilt und in das GRCA-Format umgewandelt, der Wortlaut unverändert. Maßgeblich sind allein die von der EBA veröffentlichten Fassungen.