Airteagal 1 Struchtúr an mheasúnaithe

1.   Nuair a bheidh na húdaráis inniúla ag fíorú cé acu a chomhlíonann nó nach gcomhlíonann institiúid na ceanglais a leagtar amach in Airteagail 325bh, 325bi, 325bn, 325bo agus 325bp de Rialachán (AE) Uimh. 575/2013, déanfaidh siad measúnú ar an méid seo a leanas:

Chun críocha na chéad fhomhíre, déanfaidh na húdaráis inniúla na prionsabail a bhaineann le comhréireacht a chur i bhfeidhm i gcomhréir le hAirteagal 2, cáilíocht na doiciméadachta a chur i bhfeidhm i gcomhréir le hAirteagal 3, agus na socruithe seachfhoinsithe a chur i bhfeidhm i gcomhréir le hAirteagal 4.

2.   Údarás inniúil a shainaithníonn, mar chuid den mheasúnú a dhéantar i gcomhréir leis an Rialachán seo, go bhfuil easnaimh mhóra sa tsamhail tomhais riosca inmheánach i ndáil le roinnt aicmí táirgí i ndeasc thrádála ar leith, nó nach féidir a dheimhniú go bhfuil cuntas teiste cruthaithe ag an tsamhail sin maidir le cruinneas réasúnta a tomhais ar rioscaí a chomhfhreagraíonn do na haicmí táirgí sin, féadfaidh sé ceachtar de na nithe seo a leanas a dhéanamh:

3.   Údarás inniúil a thagann ar an gconclúid go bhfuil aicmí táirgí i ndeasc thrádála ar leith curtha in áirithe as a chéile leo siúd ar le heintiteas eile den ghrúpa iad atá lasmuigh de raon feidhme an leibhéil comhdhlúthaithe is airde laistigh den Aontas, agus go gcuireann an cur in áirithe as a chéile sin bac ar an údarás inniúil measúnú a dhéanamh ar cé acu atá nó nach bhfuil cuntas teiste cruthaithe ag an tsamhail tomhais riosca inmheánach maidir le cruinneas réasúnta a tomhais ar rioscaí a chomhfhreagraíonn do na haicmí táirgí sin, féadfaidh sé ceachtar de na nithe seo a leanas a dhéanamh:

4.   I gcás ina ndéanfar riosca margaidh suíomhanna a chomhfhreagraíonn do roinnt aicmí táirgí a aistriú chuig eintiteas eile den ghrúpa atá lasmuigh de raon feidhme an leibhéil comhdhlúthaithe is airde laistigh den Aontas, agus i gcás ina mbeidh éifeachtaí aistrithe den sórt sin cosúil de facto le héifeachtaí suíomhanna a chuirtear in áirithe as a chéile, féadfaidh an t-údarás inniúil mír 3 a chur i bhfeidhm.