Airteagal 8 Measúnú riosca náisiúnta

1.   Na rioscaí go dtarlódh sciúradh airgid agus maoiniú na sceimhlitheoireachta agus na rioscaí nach ndéanfaí smachtbhannaí airgeadais spriocdhírithe a chur chun feidhme nó go ndéanfaí iad a sheachaint, déanfaidh gach Ballstáit measúnú riosca náisiúnta i ndáil leis na rioscaí sin a mbíonn éifeacht acu air chun iad a shainaithint, a mheasúnú, a thuiscint agus a mhaolú. Coinneoidh sé an measúnú riosca sin cothrom le dáta agus déanfaidh sé athbhreithniú air gach 4 bliana ar a laghad.

Féadfaidh na Ballstáit, i gcás ina measann siad gur gá i bhfianaise staid an riosca amhlaidh, athbhreithniú a dhéanamh ar an measúnú riosca náisiúnta níos minice ná sin nó measúnuithe riosca earnála ad hoc a dhéanamh.

2.   Ainmneoidh gach Ballstát údarás nó bunóidh sé sásra chun an fhreagairt náisiúnta ar na rioscaí dá dtagraítear i mír 1 a chomhordú. Tabharfar fógra don Choimisiún faoi chéannacht an údaráis sin nó faoin gcur síos ar an sásra. Déanfaidh an Coimisiún liosta na n-údarás ainmnithe nó na sásraí bunaithe a fhoilsiú in Iris Oifigiúil an Aontais Eorpaigh.

3.   Agus na measúnuithe riosca náisiúnta dá dtagraítear i mír 1 den Airteagal seo á ndéanamh acu, cuirfidh na Ballstáit an tuarascáil dá dtagraítear in Airteagal 7(2) san áireamh, lena n-áirítear na hearnálacha agus na táirgí a chumhdaítear agus torthaí na tuarascála sin.

4.   Úsáidfidh gach Ballstáit an measúnú riosca náisiúnta chun an méid seo a leanas a dhéanamh:

Sa mheasúnú riosca náisiúnta, tabharfaidh na Ballstáit cur síos ar struchtúr institiúideach agus ar nósanna imeachta ginearálta a gcóras AML/CFT, lena n-áirítear, an FIU, údaráis chánach agus ionchúisitheoirí, na sásraí le haghaidh comhar le contrapháirtithe laistigh den Aontas nó i dtríú tíortha, chomh maith leis na hacmhainní daonna agus airgeadais a leithdháiltear, a mhéid atá an fhaisnéis sin ar fáil.

5.   Agus a measúnú riosca náisiúnta á dhéanamh acu, áiritheoidh na Ballstáit rannpháirtíocht iomchuí na n-údarás inniúil agus na bpáirtithe leasmhara ábhartha.

6.   Cuirfidh na Ballstáit torthaí a measúnuithe riosca náisiúnta, lena n-áirítear nuashonruithe agus athbhreithnithe, ar fáil don Choimisiún, do AMLA agus do na Ballstáit eile. Féadfaidh Ballstát faisnéis ábhartha bhreise a sholáthar, i gcás inarb iomchuí, don Bhallstát a bhfuil an measúnú riosca náisiúnta á dhéanamh aige. Cuirfear achoimre ar thorthaí an mheasúnaithe ar fáil go poiblí. Ní bheidh faisnéis rúnaicmithe san achoimre sin. Aon doiciméad a scaipfear nó a chuirfear ar fáil don phobal de bhun na míre seo, ní bheidh aon fhaisnéis ann lena gceadaítear aon duine nádúrtha a shainaithint nó aon duine dlítheanach a ainmniú ann.