Airteagal 8 4

(a)

a réimis AML/CFT a fheabhsú, go háirithe trí réimsí a shainaithint ina bhfuil eintitis faoi oibleagáid chun bearta feabhsaithe a chur i bhfeidhm i gcomhréir le cur chuige rioscabhunaithe agus, i gcás inarb iomchuí, na bearta a bheidh le déanamh a shonrú;

(b)

earnálacha nó réimsí lena mbaineann riosca níos ísle nó níos mó maidir le sciúradh airgid agus maoiniú na sceimhlitheoireachta a shainaithint, i gcás inarb iomchuí;

(c)

measúnú a dhéanamh ar na rioscaí a bhaineann le sciúradh airgid agus maoiniú na sceimhlitheoireachta a bhaineann le gach cineál duine dhlítheanaigh atá bunaithe ina gcríoch agus le gach cineál socraithe dhlíthiúil a rialaítear faoin dlí náisiúnta nó a riartar ina gcríoch nó a bhfuil cónaí ar a iontaobhaithe nó ar dhaoine a bhfuil poist choibhéiseacha acu i socruithe dlíthiúla comhchosúla ina gcríoch; agus tuiscint a bheith acu ar neamhchosaint ar rioscaí a eascraíonn as daoine dlítheanacha eachtracha agus socruithe dlíthiúla eachtracha;

(d)

cinneadh a dhéanamh maidir le tús áite a thabhairt d’acmhainní agus iad a leithdháileadh chun sciúradh airgid agus maoiniú na sceimhlitheoireachta a chomhrac agus cosc a chur ar smachtbhannaí airgeadais spriocdhírithe gan a bheith á gcur chun feidhme agus a bheith á seachaint;

(e)

a áirithiú go ndéanfar rialacha iomchuí a tharraingt suas le haghaidh gach earnála nó réimse, de réir na rioscaí a bhaineann le sciúradh airgid agus maoiniú na sceimhlitheoireachta;

(f)

faisnéis iomchuí a chur ar fáil go pras d’údaráis inniúla agus d’eintitis faoi oibleagáid chun a measúnuithe riosca féin ar sciúradh airgid agus ar mhaoiniú na sceimhlitheoireachta a éascú chomh maith leis an measúnú ar na rioscaí nach gcuirfí smachtbhannaí airgeadais spriocdhírithe dá dtagraítear in Airteagal 10 de Rialachán (AE) 2024/… chun feidhme nó go ndéanfaí iad a sheachaint.