Artikolu 8 4

(a)

ittejbu r-reġimi tagħhom fil-qasam tal-AML/CFT, b'mod partikolari billi jidentifika kwalunkwe qasam li fih l-entitajiet marbutin b'obbligu għandhom japplikaw miżuri msaħħa f'konformità ma' approċċ ibbażat fuq ir-riskju u, fejn xieraq, jispeċifika l-miżuri li għandhom jittieħdu;

(b)

jidentifikaw, fejn xieraq, is-setturi jew l-oqsma b'riskju aktar baxx jew b'riskju ogħla tal-ħasil tal-flus u tal-finanzjament tat-terroriżmu;

(c)

jivvalutaw ir-riskji tal-ħasil tal-flus u tal-finanzjament tat-terroriżmu assoċjati ma' kull tip ta' persuna ġuridika stabbilita fit-territorju tagħhom u ma' kull tip ta' arranġament ġuridiku li huwa rregolat skont id-dritt nazzjonali, jew li jiġi amministrat fit-territorju tagħhom jew li t-trustees jew persuni li jkollhom pożizzjonijiet ekwivalenti f'arranġamenti ġuridiċi simili jgħixu fit-territorju tagħhom, u jifhmu l-iskopertura għar-riskji li jirriżultaw minn persuni ġuridiċi barranin u arranġamenti ġuridiċi barranin;

(d)

jiddeċiedi dwar l-allokazzjoni u l-prijoritizzazzjoni tar-riżorsi biex jiġu miġġielda l-ħasil tal-flus u l-finanzjament tat-terroriżmu kif ukoll in-nonimplimentazzjoni u l-evażjoni ta' sanzjonijiet finanzjarji mmirati;

(e)

jiżguraw li jitfasslu regoli xierqa għal kull settur jew qasam, f'konformità mar-riskji tal-ħasil tal-flus u tal-finanzjament tat-terroriżmu;

(f)

jagħmlu informazzjoni pertinenti disponibbli fil-pront għall-awtoritajiet kompetenti u l-entitajiet marbutin b'obbligu biex tiffaċilita t-twettiq tal-valutazzjonijiet tar-riskju tagħhom stess tal-ħasil tal-flus u tal-finanzjament tat-terroriżmu, kif ukoll il-valutazzjoni tar-riskji ta' nuqqas ta’ implementazzjoni u evażjoni tas-sanzjonijiet finanzjarji mmirati msemmija fl-Artikolu 10 tar-Regolament (UE) 2024/1624.