+Airteagal 46 Forálacha a bhaineann le comhar i gcomhthéacs na maoirseachta grúpa
---+Airteagal 46 1
---+Airteagal 46 2
---+Airteagal 46 3
---+Airteagal 46 4
---+Airteagal 46 5
---+Airteagal 46 6
|
Airteagal 46 Forálacha a bhaineann le comhar i gcomhthéacs na maoirseachta grúpa
1. Forbhreathnú
| Teideal |
Rialáil |
|
Airteagal 46 1
|
1. I gcás institiúidí creidmheasa agus institiúidí airgeadais ar cuid de ghrúpa iad, áiritheoidh na Ballstáit, chun na gcríoch a leagtar síos in Airteagal 37(1), go n-oibreoidh maoirseoirí airgeadais an Bhallstáit baile agus maoirseoirí airgeadais an Bhallstáit óstaigh i gcomhar le chéile a mhéid is mó is féidir, gan beann ar a gcineál nó ar a stádas faoi seach. Oibreoidh siad i gcomhar freisin le AMLA nuair a fheidhmíonn sé feidhmeanna maoirseachta i gcomhréir le hAirteagal 5(2) de Rialachán (AE) 2024/....
|
|
Airteagal 46 2
|
2. Seachas nuair a fheidhmíonn AMLA mar mhaoirseoir, áiritheoidh na Ballstáit go ndéanfaidh maoirseoirí airgeadais an Bhallstáit baile maoirseacht ar chur chun feidhme éifeachtach na mbeartas, na nósanna imeachta agus na rialuithe uile-ghrúpa dá dtagraítear i gCaibidil II, Roinn 2 de Rialachán (AE) 2024/1624. Áiritheoidh na Ballstáit freisin go ndéanfaidh maoirseoirí airgeadais an Bhallstáit óstaigh maoirseacht ar chomhlíonadh Rialacháin (AE) 2024/1624 agus Rialachán (AE) 2023/1113 ag na bunaíochtaí atá lonnaithe ar chríoch a mBallstáit.
|
|
Airteagal 46 3
|
3. Chun críocha an Airteagail seo, agus seachas i gcásanna ina mbunaítear coláistí maoirseachta AML/CFT i gcomhréir le hAirteagal 49, áiritheoidh na Ballstáit go dtabharfaidh na maoirseoirí airgeadais dá chéile aon fhaisnéis a theastaíonn uathu chun a gcúraimí maoirseachta a fheidhmiú, bíodh sin ar iarraidh nó ar a dtionscnamh féin. Go háirithe, malartóidh na maoirseoirí airgeadais aon fhaisnéis a d’fhéadfadh tionchar suntasach a imirt ar an measúnú ar an neamhchosaint bhunúsach nó neamhchosaint iarmharach ar riosca atá ag institiúid creidmheasa nó institiúide airgeadais i mBallstát eile, lena n-áirítear:
|
(a)
|
struchtúr dlíthiúil, rialachais agus eagraíochtúil an ghrúpa a shainaithint, lena gcumhdaítear na fochuideachtaí agus na brainsí uile;
|
|
(b)
|
faisnéis ábhartha maidir leis na húinéirí tairbhiúla agus leis an mbainistíocht shinsearach, lena n-áirítear torthaí seiceálacha cuí oiriúnacha, cibé acu a dhéantar iad faoin Treoir seo nó faoi ghníomhartha dlí eile de chuid an Aontais;
|
|
(c)
|
beartais, nósanna imeachta agus rialuithe atá ar bun laistigh den ghrúpa;
|
|
(d)
|
faisnéis maidir le dícheall cuí do chustaiméirí, lena n-áirítear comhaid custaiméirí agus taifid ar idirbhearta;
|
|
(e)
|
forbairtí díobhálacha i ndáil leis an máthairghnóthas, a fhochuideachtaí nó a bhrainsí a d’fhéadfadh difear tromchúiseach a dhéanamh do chodanna eile den ghrúpa;
|
|
(f)
|
smachtbhannaí airgid a bheartaíonn maoirseoirí airgeadais a fhorchur agus bearta riaracháin a bheartaíonn maoirseoirí airgeadais a chur i bhfeidhm i gcomhréir le Roinn 4 den Chaibidil seo.
|
Áiritheoidh na Ballstáit chomh maith go mbeidh na maoirseoirí airgeadais in ann fiosrúcháin a dhéanamh, de réir a gcumhachtaí, thar ceann maoirseoir iarrthach, agus an fhaisnéis a fhaightear ó na fiosrúcháin sin a chomhroinnt, nó déanamh na bhfiosrúchán sin ag an maoirseoir iarrthach a éascú.
|
|
Airteagal 46 4
|
4. Faoin .10 Iúil 2026, forbróidh AMLA dréachtchaighdeáin theicniúla rialála agus cuirfidh sé faoi bhráid an Choimisiúin iad lena nglacadh. Sonrófar sna dréachtchaighdeáin theicniúla rialála sin dualgais na maoirseoirí baile agus na maoirseoirí óstacha faoi seach agus módúlachtaí an chomhair atá eatarthu.
Tarmligtear an chumhacht chuig an gCoimisiún an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 49 go 52 de Rialachán (AE) 2024/1620.
|
|
Airteagal 46 5
|
5. Féadfaidh maoirseoirí airgeadais aon cheann de na cásanna seo a leanas a tharchur chuid AMLA:
|
(a)
|
i gcás nár chuir maoirseoir airgeadais an fhaisnéis dá dtagraítear i mír 3 in iúl;
|
|
(b)
|
i gcás inar diúltaíodh d’iarraidh ar chomhar nó nach ndearnadh rud air laistigh d’achar ama réasúnach.
|
|
(c)
|
i gcás ina mbeidh easaontas ann ar bhonn cúiseanna oibiachtúla maidir le sáruithe a sainaithníodh agus maidir leis na smachtbhannaí airgid atá le forchur nó na bearta riaracháin atá le cur i bhfeidhm ar an eintiteas nó ar an ngrúpa chun na sáruithe sin a leigheas.
|
Féadfaidh AMLA, gníomhú i gcomhréir leis na cumhachtaí a thugtar dó faoi Airteagal 33 de Rialachán (AE) 2024/1620. Agus an méid sin á dhéanamh aige, cuirfidh AMLA a thuairim ar fáil maidir le hábhar na hiarrata laistigh de 1 mhí amháin.
|
|
Airteagal 46 6
|
6. Áiritheoidh na Ballstáit go mbeidh feidhm an Airteagal seo freisin maidir le maoirseacht a dhéanamh ar na nithe seo a leanas:
|
(a)
|
grúpaí eintiteas faoi oibleagáid san earnáil seach-airgeadais;
|
|
(b)
|
eintitis faoi oibleagáid a oibríonn faoin tsaoirse chun seirbhísí a sholáthar gan aon bhonneagar i mBallstát eile seachas an Ballstát ina bhfuil siad bunaithe, i gcás ina ndéanann maoirseoirí an Bhallstáit eile sin maoirseacht ar ghníomhaíochtaí sa Bhallstát eile sin de bhun Airteagal 37(1), an dara fomhír.
|
I gcás ina dtagann na cásanna dá dtagraítear i mír 5 chun cinn i ndáil le maoirseoirí seach-airgeadais, féadfaidh AMLA gníomhú i gcomhréir leis na cumhachtaí a thugtar dó faoi Airteagal 38 de Rialachán (AE) 2024/1620.
Áiritheoidh na Ballstáit freisin, i gcásanna ina bhfuil eintitis faoi oibleagáid san earnáil seach-airgeadais mar chuid de struchtúir a chomhroinneann úinéireacht choiteann, bainistíocht choiteann nó rialú coiteann maidir le comhlíonadh, lena n-áirítear líonraí nó comhpháirtíochtaí, go n-oibreoidh maoirseoirí seach-airgeadais i gcomhar le chéile agus go malartóidh siad faisnéis.
|
,
1.1 Tagairtí
1.2 Ceanglais aitheanta
1.3 Caighdeáin ghaolmhara
2. Ceanglais aitheanta
Ceanglais
| Foinse |
Ceanglas |
3. Caighdeáin ghaolmhara
Caighdeáin
| Foinse |
Ceanglas |
- Builddate: 19.06.2024 00:00:00 -Doknr: CELEX:32024L1640
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|