Airteagal 5

faireachán a dhéanamh ar fhorbairtí ar fud an mhargaidh inmheánaigh agus measúnú a dhéanamh ar bhagairtí, leochaileachtaí agus rioscaí i ndáil le ML/TF;

faireachán a dhéanamh ar fhorbairtí i dtríú tíortha agus measúnú a dhéanamh ar bhagairtí, leochaileachtaí agus rioscaí i ndáil lena gcórais AML/CFT a bhfuil tionchar acu, nó a bhféadfadh tionchar a bheith acu, ar an margadh inmheánach;

faisnéis a bhailiú agus a anailísiú óna ghníomhaíochtaí maoirseachta féin agus gníomhaíochtaí na maoirseoirí agus na n-údarás maoirseachta maidir le laigí a sainaithníodh i gcur i bhfeidhm rialacha AML/CFT ag eintitis faoi oibleagáid, neamhchosaint ar riosca na n-eintiteas faoi oibleagáid, na smachtbhannaí a fhorchuirtear agus na gníomhaíochtaí feabhais a dhéantar;

bunachar sonraí lárnach AML/CFT a bhunú den fhaisnéis a bhailítear ó údaráis mhaoirseachta nó a eascraíonn as gníomhaíochtaí an Údaráis, agus é a choimeád cothrom le dáta;

anailís a dhéanamh ar an bhfaisnéis a bhailítear sa bhunachar sonraí lárnach agus na hanailísí sin a chomhroinnt le maoirseoirí, údaráis mhaoirseachta agus údaráis neamh-AML/CFT ar bhonn riachtanais eolais agus rúnda;

tacú leis an anailís ar rioscaí ML/TF agus le neamhchur chun feidhme agus imghabháil smachtbhannaí airgeadais spriocdhírithe a dhéanann difear don mhargadh inmheánach, dá dtagraítear in Airteagal 7 de Threoir (AE) 2024/1640;

tacú le comhar agus malartú faisnéise idir eintitis faoi oibleagáid agus maoirseoirí, údaráis mhaoirseachta agus údaráis neamh-AML/CFT agus an comhar agus an malartú sin a éascú agus a neartú chun comhthuiscint ar rioscaí agus bagairtí ML/TF atá roimh an margadh inmheánach a fhorbairt, lena n-áirítear trí pháirt a ghlacadh i gcomhpháirtíochtaí le haghaidh comhroinnt faisnéise i réimse AML/CFT;

foilseacháin a eisiúint agus oiliúint a chur ar fáil, chomh maith le seirbhísí eile ar éileamh, chun aird a tharraingt ar rioscaí ML/TF agus chun aghaidh a thabhairt orthu;

aon chás ina bhfaigheann an tÚdarás amach, agus a chúraimí á gcomhlíonadh aige, go ndearna Ballstát Treoir (AE) 2024/1640 a thrasuí go mícheart nó go neamhiomlán a thuairisciú don Choimisiún;

aon chúram sonrach eile a leagtar amach sa Rialachán seo nó sna gníomhartha reachtacha eile dá dtagraítear in Airteagal 1(2) a dhéanamh;

cúnamh a thabhairt don Choimisiún athbhreithniú a dhéanamh ar chur i bhfeidhm na gcaighdeán teicniúil ábhartha rialála agus cur chun feidhme arna nglacadh ag an gCoimisiún, athbhreithniú a dhéanamh ar chur i bhfeidhm na dtreoirlínte agus na moltaí arna n-eisiúint ag an Údarás agus leasuithe a mholadh, i gcás inarb iomchuí, lena n-áirítear leasuithe ar an méid seo a leanas:

a áirithiú go gcomhlíonfaidh na heintitis roghnaithe faoi oibleagáid na ceanglais is infheidhme maidir leo de bhun Rialachán (AE) 2024/1624 agus Rialachán (AE) 2023/1113, lena n-áirítear oibleagáidí a bhaineann le smachtbhannaí airgeadais spriocdhírithe a chur chun feidhme;

athbhreithnithe agus measúnuithe maoirseachta a dhéanamh ar leibhéal na n-eintiteas aonair agus ar leibhéal an ghrúpa chun a chinneadh cibé acu is leor na beartais, na nósanna imeachta agus na rialuithe inmheánacha arna gcur i bhfeidhm ag na heintitis roghnaithe faoi oibleagáid chun na ceanglais is infheidhme maidir leo a chomhlíonadh, agus ar bhonn na n-athbhreithnithe agus na measúnuithe maoirseachta sin, ceanglais shonracha, bearta riaracháin a chur i bhfeidhm, agus smachtbhannaí airgid agus íocaíochtaí pionósacha tréimhsiúla a fhorchur de bhun Airteagail 21, 22 agus 23;

páirt a ghlacadh i maoirseacht uile-ghrúpa, go háirithe i gcoláistí maoirseachta AML/CFT, lena n-áirítear i gcás ina mbeidh eintiteas roghnaithe faoi oibleagáid ina chuid de ghrúpa a bhfuil a cheanncheathrú nó fochuideachtaí nó brainsí dá chuid lasmuigh den Aontas;

córas a fhorbairt agus a choimeád cothrom le dáta chun measúnú a dhéanamh ar rioscaí agus leochaileachtaí na n-eintiteas roghnaithe faoi oibleagáid chun eolas a thabhairt maidir le gníomhaíochtaí maoirseachta an Údaráis agus na n-údarás maoirseachta, lena n-áirítear trí shonraí a bhailiú ó na heintitis sin trí cheistneoirí struchtúrtha agus uirlisí eile ar líne nó as líne.

liosta cothrom le dáta de mhaoirseoirí airgeadais laistigh den Aontas a choinneáil ar bun;

measúnuithe tréimhsiúla a dhéanamh lena áirithiú go mbeidh acmhainní, cumhachtaí agus straitéisí leordhóthanacha ag na maoirseoirí airgeadais uile is gá chun a gcúraimí a dhéanamh i réimse AML/CFT, agus torthaí na measúnuithe sin a chur ar fáil;

bearta iomchuí a dhéanamh, mar fhreagairt ar iarraidh ó mhaoirseoirí airgeadais ar an Údarás glacadh le maoirseacht dhíreach nó ar thionscnamh an Údaráis féin, in imthosca eisceachtúla lena gceanglaítear idirghabháil an Údaráis agus a bhaineann le comhlíonadh nó neamhchosaint ar riosca na n-eintiteas neamhroghnaithe faoi oibleagáid;

feidhmiú choláistí maoirseachta AML/CFT san earnáil airgeadais a éascú;

rannchuidiú, i gcomhar le maoirseoirí airgeadais, le cóineasú cleachtas maoirseachta agus le hardchaighdeáin mhaoirseachta a chur chun cinn i réimse AML/CFT, lena n-áirítear i ndáil le fíorú ar chomhlíonadh cheanglais AML/CFT a bhaineann le smachtbhannaí airgeadais spriocdhírithe;

an fhoireann agus malartú faisnéise a chomhordú i measc maoirseoirí airgeadais san Aontas i réimse AML/CFT;

cúnamh a chur ar fáil, i réimse AML/CFT, do mhaoirseoirí airgeadais, tar éis dóibh iarrataí sonracha a dhéanamh, lena n-áirítear iarrataí idirghabháil idir maoirseoirí airgeadais;

easaontais a réiteach, le héifeacht cheangailteach, idir maoirseoirí airgeadais maidir leis na bearta atá le déanamh i ndáil le heintiteas faoi oibleagáid, lena n-áirítear i gcomhthéacs coláistí maoirseachta AML/CFT, tar éis iarraidh shonrach dá dtagraítear i bpointe (g);

liosta cothrom le dáta de mhaoirseoirí seach-airgeadais laistigh den Aontas a choinneáil ar bun;

athbhreithnithe piaraí ar chaighdeáin agus cleachtais mhaoirseachta i réimse AML/CFT a chomhordú;

i réimse AML/CFT, imscrúdú a dhéanamh ar sháruithe féideartha nó ar neamhchur i bhfeidhm dhlí an Aontais ag maoirseoirí seach-airgeadais agus ag údaráis phoiblí a dhéanann formhaoirseacht ar chomhlachtaí féinrialála, moltaí a eisiúint maidir le conas na sáruithe sainaitheanta a leigheas agus, i gcás nach gcomhlíonann na maoirseoirí nó na húdaráis phoiblí na moltaí, rabhaidh a eisiúint ina sainaithnítear na bearta atá le cur chun feidhme chun éifeachtaí an tsáraithe a mhaolú;

athbhreithnithe tréimhsiúla a dhéanamh chun a áirithiú go mbeidh acmhainní agus cumhachtaí leormhaithe ag na maoirseoirí seach-airgeadais uile is gá chun a gcúraimí a dhéanamh i réimse AML/CFT;

rannchuidiú le cóineasú cleachtas maoirseachta agus cur chun cinn ardchaighdeán maoirseachta i réimse AML/CFT;

feidhmiú choláistí maoirseachta AML/CFT san earnáil seach-airgeadais a éascú;

cúnamh a thabhairt do mhaoirseoirí seach-airgeadais, tar éis a n-iarrataí sonracha, amhail iarrataí ar idirghabháil a dhéanamh idir maoirseoirí seach-airgeadais i gcás easaontais maidir leis na bearta atá le déanamh i ndáil le heintiteas faoi oibleagáid, lena n-áirítear i gcomhthéacs choláistí maoirseachta AML/CFT.

liosta cothrom le dáta de FIUnna san Aontas a choinneáil ar bun;

faireachán a dhéanamh ar athruithe ar chreat dlíthiúil FIUnna, agus ar a n-eagrúchán, ag díriú ar acmhainní chun a gcúraimí a chomhlíonadh;

tacú le hobair FIUnna agus cur le comhar agus comhordú feabhsaithe idir FIUnna;

rannchuidiú le cásanna ábhartha a shainaithint agus a roghnú chun go ndéanfaidh FIUnna anailísí comhpháirteacha;

modhanna agus nósanna imeachta iomchuí a fhorbairt chun go ndéanfaidh FIUnna anailísí comhpháirteacha ar chásanna trasteorann;

anailísí comhpháirteacha a bheidh á gcur i gcrích ag FIUnna a bhunú, a chomhordú, a eagrú agus a éascú;

cúnamh a chur ar fáil do FIUnna, ar a n-iarrataí sonracha, amhail iarrataí ar idirghabháil i gcás easaontais idir FIUnna;

athbhreithnithe piaraí a dhéanamh ar ghníomhaíochtaí FIUnna atá dírithe ar a gcomhsheasmhacht agus ar a n-éifeachtacht a neartú agus ar dhea-chleachtais a shainaithint;

uirlisí agus seirbhísí a fhorbairt agus a chur ar fáil do FIUnna chun cumais anailísithe FIUnna a fheabhsú, mar aon le seirbhísí agus uirlisí TF agus intleachta saorga le haghaidh comhroinnt faisnéise shlán, lena n-áirítear trí FIU.net a óstáil;

saineolas maidir le modhanna braiteoireachta, anailíse agus scaipthe i leith idirbhearta amhrasacha a fhorbairt, a chomhroinnt agus a chur chun cinn;

ar iarraidh ó FIUnna, oiliúint agus cúnamh speisialaithe a sholáthar do FIUnna, lena n-áirítear trí thacaíocht airgeadais a chur ar fáil dóibh, faoi raon feidhme chuspóirí an Údaráis agus i gcomhréir leis na hacmhainní foirne agus buiséadacha atá ar fáil dó;

tacú, ar iarraidh ó FIUnna, lena n-idirghníomhaíocht le heintitis faoi oibleagáid trí shaineolas a sholáthar d’eintitis faoi oibleagáid, lena n-áirítear feabhas a chur ar a bhfeasacht agus ar nósanna imeachta chun gníomhaíochtaí agus idirbhearta amhrasacha a bhrath agus iad a thuairisciú do na FIUnna;

measúnuithe agus anailísí straitéiseacha ar bhagairtí, ar rioscaí agus ar mhodhanna ML/TF arna sainaithint ag FIUnna a ullmhú agus a chomhordú.