Artikolu 5

timmonitorja l-iżviluppi fis-suq intern u tivvaluta t-theddid, il-vulnerabbiltajiet u r-riskji fir-rigward tal-ML/TF;

timmonitorja l-iżviluppi f’pajjiżi terzi u tivvaluta t-theddid, il-vulnerabbiltajiet u r-riskji fir-rigward tas-sistemi tal-AML/CFT tagħhom li għandhom impatt attwali jew potenzjali fuq is-suq intern;

tiġbor u tanalizza informazzjoni, mill-attivitajiet superviżorji tagħha stess u minn dawk tas-superviżuri u tal-awtoritajiet superviżorji, dwar id-dgħufijiet identifikati fl-applikazzjoni tar-regoli dwar l-AML/CFT mill-entitajiet marbuta b’obbligu, l-iskopertura għar-riskju tal-entitajiet marbuta b’obbligu, is-sanzjonijiet imposti u l-azzjonijiet ta’ rimedju meħuda;

tistabbilixxi bażi tad-data ċentrali tal-AML/CFT tal-informazzjoni miġbura mill-awtoritajiet superviżorji jew li tirriżulta mill-attivitajiet tal-Awtorità, u żżommha aġġornata;

tanalizza l-informazzjoni miġbura fil-bażi tad-data ċentrali u taqsam dawk l-analiżijiet mas-superviżuri, mal-awtoritajiet superviżorji u mal-awtoritajiet mhux tal-AML/CFT fuq bażi ta’ ħtieġa ta’ tagħrif u bażi kunfidenzjali;

tappoġġa l-analiżi tar-riskji tal-ML/TF u tan-nuqqas ta’ implimentazzjoni u l-evażjoni ta’ sanzjonijiet finanzjarji mmirati li jaffettwaw is-suq intern, imsemmija fl-Artikolu 7 tad-Direttiva (UE) 2024/1640;

tappoġġa, tiffaċilita u ssaħħaħ il-kooperazzjoni u l-iskambju ta’ informazzjoni bejn l-entitajiet marbuta b’obbligu u s-superviżuri, l-awtoritajiet superviżorji u l-awtoritajiet mhux tal-AML/CFT sabiex jiżviluppaw fehim komuni tar-riskji tal-ML/TF u t-theddid li qed jiffaċċja s-suq intern, inkluż billi jipparteċipaw fi sħubijiet għall-kondiviżjoni tal-informazzjoni fil-qasam tal-AML/CFT;

toħroġ pubblikazzjonijiet u tipprovdi taħriġ, kif ukoll servizzi oħra fuq talba, sabiex tqajjem kuxjenza dwar ir-riskji tal-ML/TF u tindirizzahom;

tirrapporta lill-Kummissjoni dwar kwalunkwe każ fejn l-Awtorità, fit-twettiq tal-kompiti tagħha, tiskopri li Stat Membru jkun ittraspona d-Direttiva (UE) 2024/1640 b’mod skorrett jew mhux komplut;

twettaq kwalunkwe kompitu speċifiku ieħor stipulat f’dan ir-Regolament jew fl-atti leġiżlattivi l-oħra msemmija fl-Artikolu 1(2);

tgħin lill-Kummissjoni biex tirrieżamina l-applikazzjoni tal-istandards tekniċi regolatorji u ta’ implimentazzjoni rilevanti adottati mill-Kummissjoni, tirrieżamina l-applikazzjoni tal-linji gwida u r-rakkomandazzjonijiet maħruġa mill-Awtorità u tipproponi emendi fejn xieraq; inkluż emendi biex:

tiżgura l-konformità tal-entitajiet marbuta b’obbligu magħżula mar-rekwiżiti applikabbli għalihom skont ir-Regolament (UE) 2024/1624 u r-Regolament (UE) 2023/1113, inklużi l-obbligi relatati mal-implimentazzjoni ta’ sanzjonijiet finanzjarji mmirati;

twettaq rieżamijiet u valutazzjonijiet superviżorji fil-livell tal-entitajiet individwali u fil-livell tal-grupp kollu sabiex tiddetermina jekk il-politiki, il-proċeduri u l-kontrolli interni stabbiliti mill-entitajiet marbuta b’obbligu magħżula jkunux adegwati biex jikkonformaw mar-rekwiżiti applikabbli għalihom, u abbażi ta’ dawk ir-rieżamijiet u valutazzjonijiet superviżorji timponi rekwiżiti speċifiċi, tapplika miżuri amministrattivi, u timponi sanzjonijiet pekunarji u pagamenti perjodiċi ta’ penali skont l-Artikoli 21, 22 u 23;

tipparteċipa fis-superviżjoni tal-grupp kollu, b’mod partikolari fil-kulleġġi superviżorji tal-AML/CFT, inkluż meta entità marbuta b’obbligu magħżula tkun parti minn grupp li jkollu kwartieri ġenerali, sussidjarji jew fergħat barra mill-Unjoni;

tiżviluppa u żżomm aġġornata sistema biex tivvaluta r-riskji u l-vulnerabbiltajiet tal-entitajiet marbuta b’obbligu magħżula, sabiex tinforma l-attivitajiet superviżorji tal-Awtorità u tal-awtoritajiet superviżorji, inkluż permezz tal-ġbir ta’ data minn dawk l-entitajiet permezz ta’ kwestjonarji strutturati u għodod online u offline oħra.

iżżomm lista aġġornata tas-superviżuri finanzjarji fl-Unjoni;

twettaq valutazzjonijiet perjodiċi biex tiżgura li s-superviżuri finanzjarji kollha jkollhom riżorsi, setgħat u strateġiji adegwati neċessarji għat-twettiq tal-kompiti tagħhom fil-qasam tal-AML/CFT, u tagħmel ir-riżultati ta’ tali valutazzjonijiet disponibbli;

tieħu, bi tweġiba għal talba tas-superviżuri finanzjarji għall-Awtorità biex tassumi superviżjoni diretta jew fuq inizjattiva proprja tal-Awtorità, miżuri xierqa f’ċirkostanzi eċċezzjonali li jirrikjedu l-intervent tal-Awtorità u relatati mal-konformità jew l-iskopertura għar-riskju tal-entitajiet marbuta b’obbligu mhux magħżula;

tiffaċilita l-funzjonament tal-kulleġġi superviżorji tal-AML/CFT fis-settur finanzjarju;

tikkontribwixxi, f’kollaborazzjoni mas-superviżuri finanzjarji, għall-konverġenza tal-prattiki superviżorji u l-promozzjoni ta’ standards superviżorji għoljin fil-qasam tal-AML/CFT, inkluż fir-rigward tal-verifika tal-konformità mar-rekwiżiti tal-AML/CFT relatati ma’ sanzjonijiet finanzjarji mmirati;

tikkoordina l-iskambji ta’ persunal u ta’ informazzjoni fost is-superviżuri finanzjarji fl-Unjoni fil-qasam tal-AML/CFT;

tipprovdi assistenza, fil-qasam tal-AML/CFT, lis-superviżuri finanzjarji, wara t-talbiet speċifiċi tagħhom, inklużi t-talbiet biex timmedja bejn is-superviżuri finanzjarji;

tirriżolvi, b’effetti vinkolanti, in-nuqqas ta’ qbil bejn is-superviżuri finanzjarji relatat mal-miżuri li għandhom jittieħdu fir-rigward ta’ entità marbuta b’obbligu, inkluż fil-kuntest tal-kulleġġi superviżorji għall-AML/CFT, wara talba speċifika kif imsemmi fil-punt (g).

iżżomm lista aġġornata tas-superviżuri mhux finanzjarji fl-Unjoni;

tikkoordina l-evalwazzjonijiet bejn il-pari tal-istandards u l-prattiki superviżorji fil-qasam tal-AML/CFT;

fil-qasam tal-AML/CFT, tinvestiga ksur potenzjali jew nuqqas ta’ applikazzjoni tal-liġi tal-Unjoni minn superviżuri mhux finanzjarji u awtoritajiet pubbliċi li jissorveljaw il-korpi ta’ awtoregolamentazzjoni, toħroġ rakkomandazzjonijiet dwar kif jiġi rimedjat il-ksur identifikat u, meta s-superviżuri jew l-awtoritajiet pubbliċi ma jikkonformawx mar-rakkomandazzjonijiet, toħroġ twissijiet li jidentifikaw il-miżuri li jridu jiġu implimentati biex jimmitigaw l-effetti tal-ksur;

twettaq rieżamijiet perjodiċi biex tiżgura li s-superviżuri mhux finanzjarji kollha jkollhom riżorsi u setgħat adegwati neċessarji għat-twettiq tal-kompiti tagħhom fil-qasam tal-AML/CFT;

tikkontribwixxi għall-konverġenza ta’ prattiki superviżorji u l-promozzjoni ta’ standards superviżorji għoljin fil-qasam tal-AML/CFT;

tiffaċilita l-funzjonament tal-kulleġġi superviżorji tal-AML/CFT fis-settur mhux finanzjarju;

tipprovdi assistenza lis-superviżuri mhux finanzjarji, wara t-talbiet speċifiċi tagħhom, bħal talbiet biex timmedja bejn superviżuri mhux finanzjarji f’każ ta’ nuqqas ta’ qbil dwar il-miżuri li jridu jittieħdu fir-rigward ta’ entità marbuta b’obbligu, inkluż fil-kuntest tal-kulleġġi superviżorji tal-AML/CFT.

iżżomm lista aġġornata tal-FIUs fi ħdan l-Unjoni;

timmonitorja t-tibdil fil-qafas ġuridiku tal-FIUs, kif ukoll fl-organizzazzjoni tagħhom, b’enfasi fuq ir-riżorsi għat-twettiq tal-kompiti tagħhom;

tappoġġa l-ħidma tal-FIUs u tikkontribwixxi għal kooperazzjoni u koordinazzjoni mtejba bejn l-FIUs;

tikkontribwixxi għall-identifikazzjoni u l-għażla ta’ każijiet rilevanti għat-twettiq ta’ analiżijiet konġunti mill-FIUs;

tiżviluppa metodi u proċeduri xierqa għat-twettiq ta’ analiżijiet konġunti mill-FIUs ta’ każijiet transfruntiera;

tistabbilixxi, tikkoordina, torganizza u tiffaċilita t-twettiq ta’ analiżijiet konġunti mwettqa mill-FIUs;

tipprovdi assistenza lill-FIUs, fuq talbiet speċifiċi tagħhom, bħal talbiet għal medjazzjoni fil-każ ta’ nuqqas ta’ qbil bejn l-FIUs;

twettaq rieżamijiet bejn il-pari tal-attivitajiet tal-FIUs li jkollhom fil-mira t-tisħiħ tal-konsistenza u l-effettività tagħhom u l-identifikazzjoni tal-aħjar prattiki;

tiżviluppa u tqiegħed għad-dispożizzjoni tal-FIUs għodod u servizzi li jtejbu l-kapaċitajiet ta’ analiżi tagħhom, kif ukoll servizzi u għodod tal-IT u tal-intelliġenza artifiċjali għall-kondiviżjoni sigura tal-informazzjoni, inkluż permezz tal-hosting tal-FIU.net;

tiżviluppa, taqsam u tippromwovi l-għarfien espert dwar il-metodi ta’ detezzjoni, analiżi u disseminazzjoni ta’ tranżazzjonijiet suspettużi;

fuq talba tal-FIUs, tipprovdilhom taħriġ u assistenza speċjalizzati, inkluż permezz tal-għoti ta’ appoġġ finanzjarju, fl-ambitu tal-objettivi tal-Awtorità u f’konformità mar-riżorsi tal-persunal u baġitarji għad-dispożizzjoni tagħha;

tappoġġa, fuq talba tal-FIUs, l-interazzjoni tagħhom mal-entitajiet marbuta b’obbligu billi tipprovdi għarfien espert lill-entitajiet marbuta b’obbligu, inkluż it-titjib tas-sensibilizzazzjoni u tal-proċeduri tagħhom biex jidentifikaw attivitajiet u transazzjonijiet finanzjarji suspettużi u r-rapportar tagħhom lill-FIUs;

tħejji u tikkoordina l-valutazzjonijiet u l-analiżijiet strateġiċi tat-theddid, ir-riskji u l-metodi tal-ML/TF identifikati mill-FIUs.