|
+IARSCRÍBHINN IV FAISNÉIS ATÁ LE CUR SA RÉAMHEOLAIRE LEANTACH AE LE hAGHAIDH SCAIREANNA AGUS URRÚIS INAISTRITHE EILE ATÁ COIBHÉISEACH LE SCAIREANNA I gCUIDEACHTAÍ |
IARSCRÍBHINN IV FAISNÉIS ATÁ LE CUR SA RÉAMHEOLAIRE LEANTACH AE LE hAGHAIDH SCAIREANNA AGUS URRÚIS INAISTRITHE EILE ATÁ COIBHÉISEACH LE SCAIREANNA I gCUIDEACHTAÍ
IARSCRÍBHINN IV FAISNÉIS ATÁ LE CUR SA RÉAMHEOLAIRE LEANTACH AE LE hAGHAIDH SCAIREANNA AGUS URRÚIS INAISTRITHE EILE ATÁ COIBHÉISEACH LE SCAIREANNA I gCUIDEACHTAÍ I. Achoimre Ní mór achoimre arna tarraingt suas i gcomhréir le hAirteagal 7(12a) a áireamh sa réamheolaire leantach AE. II. Faisnéis faoin eisitheoir An chuideachta atá ag eisiúint scaireanna a shainaithint, lena n-áirítear an t-aitheantóir eintitis dhlítheanaigh (LEI) atá aici, a hainm dlíthiúil agus tráchtála, a tír chorpraithe agus an suíomh gréasáin inar féidir le hinfheisteoirí faisnéis a aimsiú faoi oibríochtaí gnó na cuideachta, na táirgí a dhéanann sí nó na seirbhísí a sholáthraíonn sí, na príomh-mhargaí ina mbíonn sí san iomaíocht, a príomh-scairshealbhóirí, comhdhéanamh a comhlachtaí riaracháin, bainistíochta agus maoirseachta agus a bainistíochta sinsearaí agus, i gcás inarb infheidhme, faisnéis a chorpraítear trí thagairt (le séanadh nach cuid den réamheolaire í an fhaisnéis ar an suíomh gréasáin mura ndéantar an fhaisnéis sin a chorprú trí thagairt sa réamheolaire leantach AE). III. Ráiteas freagrachta agus ráiteas faoin údarás inniúil A. Ráiteas freagrachta Na daoine atá freagrach as tarraingt suas an réamheolaire leantaigh AE a shainaithint agus ráiteas ó na daoine sin a chur san áireamh ina ndeirtear, ar feadh a n-eolais féin, go bhfuil an fhaisnéis atá sa réamheolaire leantach AE i gcomhréir leis na fíricí agus nach bhfuil aon easnamh ar an réamheolaire leantach AE a d’fhéadfadh difear a dhéanamh dá bhrí. I gcás inarb infheidhme, ní mór faisnéis a bheith sa ráiteas ó thríú páirtithe, lena n-áirítear foinse/foinsí na faisnéise sin, agus ráitis nó tuarascálacha a luaitear le duine mar shaineolaí agus na sonraí seo a leanas ón duine sin:
(i)
ainm;
(ii)
seoladh gnó;
(iii)
cáilíochtaí; agus
(iv)
leas ábhartha (más ann dó) san eisitheoir. B. Ráiteas faoin údarás inniúil Déanfar an méid seo a leanas sa ráiteas:
(i)
an t-údarás inniúil a d’fhormheas, i gcomhréir leis an Rialachán seo, an réamheolaire leantach AE a chur in iúl;
(ii)
a shonrú nach formhuiniú de chuid an eisitheora ná ar cháilíocht na scaireanna lena mbaineann an réamheolaire leantach AE é an formheas sin;
(iii)
a shonrú nár fhormheas an t-údarás inniúil an réamheolaire leantach AE ach amháin as caighdeáin na hiomláine, na sothuigtheachta agus na comhsheasmhachta a fhorchuirtear leis an Rialachán seo a bheith á gcomhlíonadh aici; agus
(iv)
gur tarraingíodh suas an réamheolaire leantach AE i gcomhréir le hAirteagal 14a. IV. Tosca riosca Tuairisc a thabhairt ar na rioscaí ábhartha, i líon teoranta catagóirí, a bhaineann go sonrach leis an eisitheoir agus tuairisc ar na rioscaí ábhartha, i líon teoranta catagóirí, a bhaineann go sonrach leis na scaireanna atá á dtairiscint don phobal agus/nó a ligtear isteach chun a dtrádála ar mhargadh rialáilte, i roinn dar teideal “Tosca riosca”. Comhthacófar na rioscaí le hinneachar an réamheolaire leantaigh AE. V. Faisnéis airgeadais Na ráitis airgeadais (bliantúil agus leathbhliantúil) a foilsíodh thar an tréimhse 12 mhí sula bhformheasfar réamheolaire leantach AE. I gcás inar foilsíodh ráitis airgeadais bhliantúla agus leathbhliantúla araon, ní mór na ráitis bhliantúla agus iad sin amháin a cheangal i gcás ina bhfoilsítear iad tar éis na ráiteas airgeadais leathbhliantúil. Ní mór iniúchóireacht neamhspleách a dhéanamh ar na ráitis airgeadais bhliantúla. Ní mór an tuarascáil iniúchóireachta a ullmhú i gcomhréir le Treoir 2006/43/CE ó Pharlaimint na hEorpa agus ón gComhairle ( 21 ) agus Rialachán (AE) Uimh. 537/2014 ó Pharlaimint na hEorpa agus ón gComhairle ( 22 ). I gcás nach bhfuil feidhm ag Treoir 2006/43/CE agus Rialachán (AE) Uimh. 537/2014, ní mór iniúchóireacht a dhéanamh ar na ráitis airgeadais bhliantúla nó iad a thuairisciú i dtaobh cé acu, chun críocha an réamheolaire leantaigh lAE, an dtugann siad léargas fírinneach cothrom i gcomhréir le caighdeáin iniúchóireachta is infheidhme i mBallstát nó caighdeán coibhéiseach nó nach dtugann. Murach sin, ní mór an fhaisnéis seo a leanas a chur san áireamh i réamheolaire leantach AE:
(i)
ráiteas soiléir ina nochtar cé na caighdeáin iniúchóireachta atá curtha i bhfeidhm;
(ii)
míniú ar aon imeacht suntasach ó na Caighdeáin Idirnáisiúnta Iniúchóireachta. I gcás ina bhfuil tuarascálacha iniúchóireachta ar ráitis airgeadais bhliantúla diúltaithe ag na hiniúchóirí reachtúla nó i gcás ina bhfuil cáilíochtaí, modhnuithe tuairime, séantaí nó béim ar ábhar iontu, ní mór an fáth a thabhairt, agus ní mór na cáilíochtaí, séantaí nó béim ar ábhar a atáirgeadh ina n-iomláine. Ina theannta sin, ní mór a chur san áireamh tuairisc ar aon athrú mór ar riocht airgeadais an ghrúpa atá tarlaithe ó dheireadh na tréimhse airgeadais deireanaí ar ina leith a foilsíodh ráitis airgeadais iniúchta nó faisnéis airgeadais eatramhach, nó ní mór a chur san áireamh ráiteas airgeadais diúltach iomchuí. I gcás inarb infheidhme, ní mór faisnéis pro forma a chur san áireamh freisin. VI. Beartas díbhinne Tuairisc ar bheartas an eisitheora maidir le dáileacháin díbhinne agus aon srian reatha orthu, agus maidir le hathcheannaigh scaireanna. VII. Faisnéis treochtaí Tuairisc ar an méid seo a leanas:
(i)
na treochtaí is suntasaí atá ann le déanaí sa táirgeadh, sa díolachán agus san fhardal, agus na costais agus na praghsanna díola ó dheireadh na bliana airgeadais deireanaí go dtí dáta an réamheolaire leantaigh lAE;
(ii)
faisnéis maidir le haon treocht aitheanta, éiginnteacht, éileamh, gealltanas nó teagmhas a bhfuil sé réasúnta dóchúil go mbeidh éifeacht ábhartha acu ar ionchais an eisitheora le haghaidh na bliana airgeadais atá ann faoi láthair, ar a laghad;
(iii)
faisnéis faoi straitéis agus cuspóirí gnó airgeadais agus neamhairgeadais gearrthéarmacha agus fadtéarmacha an eisitheora. Mura bhfuil aon athrú suntasach ar cheachtar de na treochtaí dá dtagraítear i bpointe (i) nó (ii) den roinn seo, tá gá le ráiteas á rá sin. VIII. Réamhaisnéisí brabúis agus meastacháin I gcás inar fhoilsigh eisitheoir réamhaisnéis brabúis nó meastachán ar bhrabús, atá fós gan íoc agus bailí, cuirfear an réamhaisnéis nó an meastachán sin san áireamh sa réamheolaire leantach AE. Más rud é gur foilsíodh réamhaisnéis brabúis nó meastachán ar bhrabús agus atá fós gan íoc, ach nach bhfuil bailí a thuilleadh, cuirfear ráiteas ar fáil chuige sin mar aon le míniú ar an bhfáth nach bhfuil an réamhaisnéis nó an meastachán sin bailí a thuilleadh. IX. Sonraí a bhaineann leis an tairiscint nó leis an ligean isteach chun trádála Praghas na tairisceana, líon na scaireanna a thairgtear, méid na heisiúna nó na tairisceana, na coinníollacha a bhfuil an tairiscint faoina réir agus an nós imeachta chun aon cheart réamhcheannaigh a fheidhmiú a leagan amach. Mura bhfuil an méid socraithe, léiriú ar uasmhéid na scaireanna atá le tairiscint (má tá siad ar fáil) agus tuairisc ar na socruithe agus an tréimhse ama chun méid cinntitheach na tairisceana a fhógairt don phobal. Faisnéis a sholáthar maidir leis an áit a bhféadfaidh infheisteoirí suibscríobh do na scaireanna nó a gceart réamhcheannaigh a fheidhmiú, fad thréimhse na tairisceana, lena n-áirítear aon leasú féideartha agus tuairisc ar an bpróiseas iarratais mar aon le dáta eisiúna na scaireanna nua. A mhéid is eol don eisitheoir, faisnéis a sholáthar maidir le cibé acu atá nó nach bhfuil sé ar intinn ag mór-scairshealbhóirí nó ag baill de chomhlachtaí bainistíochta, maoirseachta nó riaracháin an eisitheora suibscríobh le haghaidh na tairisceana, nó atá nó nach bhfuil sé ar intinn ag aon duine suibscríobh le haghaidh níos mó ná 5 % den tairiscint. Aon ghealltanas daingean a chur i láthair chun suibscríobh le haghaidh níos mó ná 5 % den tairiscint agus gach gné ábhartha de na comhaontuithe láithrithe agus socrúcháin lena n-áirítear ainm agus seoladh na n-eintiteas a aontaíonn an eisiúint a láithriú ar bhonn gealltanas daingean nó faoi shocruithe “seandíchill” agus na cuótaí. I gcás inarb infheidhme, na margaí rialáilte, margadh fáis FBManna nó MTFanna ina bhfuil na scaireanna le ligean isteach chun a dtrádála agus, más eol, na dátaí is luaithe ar a ligfear na scaireanna isteach chun a dtrádála a léiriú. X. Faisnéis fhíor-riachtanach maidir leis na scaireanna An fhaisnéis fhíor-riachtanach seo a leanas a sholáthar maidir leis na scaireanna arna dtairiscint don phobal nó arna ligean isteach chun a dtrádála ar mhargadh rialáilte:
(i)
tuairisc ar chineál, ar aicme agus ar mhéid na scaireanna atá á dtairiscint don phobal agus/nó á ligean isteach chun a dtrádála ar mhargadh rialáilte;
(ii)
an uimhir aitheantais urrús idirnáisiúnta (ISIN);
(iii)
na cearta a ghabhann leis na scaireanna, an nós imeachta maidir leis na cearta sin a fheidhmiú agus aon teorainn ar na cearta sin;
(iv)
an praghas ag a dtairgfear na scaireanna nó, murab eol an praghas, léiriú ar an bpraghas uasta nó tuairisc ar an modh chun an praghas a chinneadh, de bhun Airteagal 17 den Rialachán seo agus an phróisis chun é a nochtadh;
(v)
rabhadh a thabhairt go bhféadfadh reachtaíocht chánach Bhallstát an infheisteora agus thír corpraithe an eisitheora tionchar a imirt ar an ioncam a fhaightear ó na scaireanna; agus
(vi)
i gcás inarb infheidhme, faisnéis faoi na hurrúis fholuiteacha agus, i gcás inarb infheidhme, eisitheoir na n-urrús foluiteach. I gcás saincheisteanna nua, ráiteas a thabhairt faoi na rúin, na húdaruithe agus na formheasanna ar dá mbua a cruthaíodh nó a chruthófar na hurrúis nó a eisíodh nó a eiseofar na hurrúis. XI. Na cúiseanna atá leis an tairiscint agus úsáid fáltas Faisnéis a sholáthar maidir leis na cúiseanna atá leis an tairiscint agus, i gcás inarb infheidhme, glanmhéid measta na bhfáltas arna mbriseadh i ngach príomhúsáid bheartaithe agus arna gcur i láthair in ord tosaíochta na n-úsáidí sin. I gcás inarb eol don eisitheoir nach leordhóthanach a bheidh na fáltais a bhfuiltear ag súil leo chun na húsáidí beartaithe uile a chistiú, ní mór dó líon agus foinsí na gcistí eile atá ag teastáil a lua. Ina theannta sin, ní mór sonraí a thabhairt maidir le húsáid na bhfáltas, go háirithe i gcás ina bhfuil fáltais á n-úsáid chun sócmhainní a fháil, seachas i ngnáthchúrsa gnó, chun éadálacha fógartha gnó eile a mhaoiniú, nó chun féichiúnas a urscaoileadh, a laghdú nó a aistarraingt. XII. Comhaontuithe glasála Maidir le comhaontuithe glasála, sonraí a thabhairt maidir leis an méid seo a leanas:
(i)
na páirtithe atá páirteach;
(ii)
ábhar agus eisceachtaí an chomhaontaithe; agus
(iii)
tréimhse na glasála a léiriú. XIII. Ráiteas caipitil oibre Ráiteas ón eisitheoir gur leordhóthanach, dar leis, é an caipiteal oibre le haghaidh cheanglais reatha an eisitheora nó, mura bhfuil sé leordhóthanach, ráiteas i dtaobh conas atá sé beartaithe ag an eisitheoir an caipiteal oibre breise atá ag teastáil a sholáthar. XIV. Coinbhleachtaí leasa Faisnéis a sholáthar faoi aon leas a bhaineann leis an eisiúint, lena n-áirítear coinbhleachtaí leasa, agus mionsonraí na ndaoine lena mbaineann agus cineál na leasanna. XV. Caolú agus scairshealbhóireacht tar éis na heisiúna Comparáid a chur i láthair maidir leis an rannpháirtíocht i scairchaipiteal agus cearta vótála do scairshealbhóirí atá ann cheana roimh an méadú caipitil a eascraíonn as an tairiscint phoiblí agus dá éis, leis an toimhde nach suibscríobhann scairshealbhóirí atá ann cheana le haghaidh na scaireanna nua, agus, ar leithligh, leis an toimhde nach mbaineann siad leas as a dteidlíocht. XVI. Na doiciméid atá ar fáil Ráiteas gur féidir cigireacht a dhéanamh ar na doiciméid seo a leanas, i gcás inarb infheidhme, ar feadh théarma an réamheolaire leantaigh lAE:
(i)
meabhrán cothrom le dáta agus airteagail chomhlachais chothrom le dáta an eisitheora;
(ii)
gach tuarascáil, litir, agus doiciméad, luacháil agus ráiteas eile arna n-ullmhú ag saineolaí arna iarraidh sin ag an eisitheoir, a bhfuil aon chuid díobh san áireamh nó a ndéantar tagairt díobh sa réamheolaire leantach AE. Léiriú ar an suíomh gréasáin ina bhféadfar cigireacht a dhéanamh ar na doiciméid. 1. Forbhreathnú
1.1 Tagairtí1.2 Ceanglais aitheanta1.3 Caighdeáin ghaolmhara2. Ceanglais aitheanta
3. Caighdeáin ghaolmhara
|