Airteagal 43 Dramhaíl ó phacáistíocht a chosc

1.   Laghdóidh gach Ballstát an dramhaíl ó phacáistíocht a ghintear in aghaidh an duine. I gcomparáid leis an dramhaíl ó phacáistíocht a gineadh in aghaidh an duine in 2018 mar a tuairiscíodh don Choimisiún de réir Chinneadh 2005/270/CE, faoi na méideanna seo a leanas ar a laghad:

2.   Chun tacú leis na Ballstáit na spriocanna maidir le dramhaíl ó phacáistíocht a chosc a leagtar amach i mír 1 den Airteagal seo a bhaint amach, faoin 12 Feabhra 2027, bunóidh an Coimisiún fachtóir ceartúcháin chun an méadú nó an laghdú ar thurasóireacht i ndáil leis an mbonnbhliain 2018 a chur san áireamh trí bhíthin gníomhartha cur chun feidhme arna nglacadh de bhun Airteagal 56(7), pointe (c). Beidh an fachtóir ceartúcháin sin bunaithe ar ráta giniúna dramhaíola ó phacáistíocht in aghaidh an turasóra agus ar an éagsúlacht i líon na dturasóirí i ndáil leis an mbonnbhliain 2018 agus cuirfear san áireamh acmhainneacht laghdaithe na dramhaíola ó phacáistíocht sa turasóireacht.

3.   Gan dochar do mhíreanna 1 agus 4, maidir leis na Ballstáit a bhfuil córais ar leithligh bunaithe acu cheana féin chun dramhaíl tí ó phacáistíocht a bhainistiú ar lámh amháin agus córas eile le haghaidh dramhaíl ó phacáistíocht tionsclaíochta agus tráchtála, ar an láimh eile, féadfaidh siad na córais sin a choinneáil ar bun.

4.   Agus na spriocanna a leagtar amach i mír 1 á ngnóthú acu, féachfaidh gach Ballstát leis an méid dramhaíola ó phacáistíocht phlaisteach a ghintear a laghdú.

5.   De bhreis ar na bearta dá bhforáiltear sa Rialachán seo, déanfaidh na Ballstáit, i gcomhréir le cuspóirí foriomlána bheartas dramhaíola an Aontais agus chun na spriocanna a leagtar amach san Airteagal seo a bhaint amach, bearta darb aidhm giniúint dramhaíola ó phacáistíocht a chosc agus tionchar na pacáistíochta ar an gcomhshaol a íoslaghdú a chur chun feidhme. Féadfar a áireamh le bearta den sórt sin go ndéanfar ionstraimí eacnamaíocha agus bearta eile a úsáid chun dreasachtaí a sholáthar chun ord na réiteach dramhaíola a chur chun feidhme, amhail na bearta dá dtagraítear in Iarscríbhinní IV agus IVa a ghabhann le Treoir 2008/98/CE, nó ionstraimí agus bearta iomchuí eile, lena n-áirítear dreasachtaí arna soláthar trí bhíthin scéimeanna freagrachta leathnaithe táirgeora agus oibleagáidí ar thairgeoirí nó oibleagáidí ar eagraíochtaí um fhreagracht táirgeoirí chun pleananna maidir le dramhaíl a chosc a ghlacadh. Beidh na bearta comhréireach agus neamh-idirdhealaitheach, dearfar iad ar bhealach a ndéanfar bacainní ar thrádáil nó saobhadh iomaíochta a sheachaint. Ní bheidh aistriú chuig ábhar pacáistíochta níos éadroime a úsáid chun an sprioc maidir le laghdú dramhaíola a chomhlíonadh mar thoradh ar na bearta sin.

6.   Chun críoch mhír 5 den Airteagal seo agus gan dochar d’Airteagal 16(2) de Threoir (AE)2020/2184 ó Pharlaimint na hEorpa agus ón gComhairle (73), spreagfaidh na Ballstáit bialanna, ceaintíní, beáir, caiféanna agus seirbhísí lónadóireachta, i gcás ina mbeidh sé ar fáil, chun uisce buacaire saor in aisce a thabhairt dá gcustaiméirí nó táille seirbhíse íseal a ghearradh orthu, i bhformáid in-athúsáidte nó in-athlíonta.

7.   Chun críoch mhír 4, féadfaidh na Ballstáit bearta maidir le dramhaíl ó phacáistíocht a chosc a thabhairt isteach a théann thar na spriocanna íosta a leagtar amach i mír 1, ag gníomhú dóibh i gcomhréir leis an Rialachán seo.

8.   De mhaolú ar mhír 1, féadfaidh na Ballstáit faoi 31 Nollaig 2025 a iarraidh ar an gCoimisiún bonnbhliain eile seachas 2018 a úsáid chun na spriocanna a leagtar amach i mír 1 a ríomh. Má dhéanann Ballstát iarraidh den sórt sin, féadfaidh an Coimisiún an méid seo a leanas a dhéanamh, gan dochar do mhíreanna 5 agus 7, féadfaidh an Coimisiún cead a thabhairt do na Ballstáit an bhonnbhliain eile sin a úsáid agus na spriocanna a leagtar amach i mír 1 á ríomh ar choinníoll go gcuirfidh an Ballstát fianaise chuí-réasúnaithe ar fáil ar an méid seo a leanas:

9.   Faoin 12 Feabhra 2032, déanfaidh an Coimisiún athbhreithniú ar na spriocanna a leagtar síos i mír 1 agus measúnú ar an ngá atá le spriocanna sonracha i gcomhair ábhair phacáistíochta áirithe a áireamh. Chun na críche sin, cuirfidh an Coimisiún tuarascáil faoi bhráid Pharlaimint na hEorpa agus na Comhairle, lena ngabhfaidh, i gcás inarb iomchuí dar leis an gCoimisiún, togra reachtach.