5. Mar thoradh ar iarraidh réasúnaithe ó údarás faireachais margaidh, cuirfidh monaróirí córas RTS an fhaisnéis agus an doiciméadacht ar fad is gá, ar pháipéar nó i bhfoirm leictreonach, ar fáil don údarás sin chun comhréireacht an chórais RTS leis na ceanglais bhunriachtanacha a leagtar síos in Iarscríbhinn II agus leis na sonraíochtaí comhchoiteanna dá dtagraítear in Airteagal 36 a léiriú, i dteanga is féidir leis an údarás faireachais margaidh sin a thuiscint go héasca. Oibreoidh monaróirí na gcóras RTS i gcomhar leis an údarás faireachais margaidh, ar iarraidh uaidh, maidir le haon bheart a dhéanfar chun na rioscaí a bhaineann le córas RTS a chealú, ar córas é atá curtha ar an margadh nó curtha i mbun seirbhíse acu.