Airteagal 89 Rochtain idirnáisiúnta rialtais ar shonraí leictreonacha neamhphearsanta sláinte

1.   Déanfaidh na húdaráis sláinte digití, comhlachtaí rochtana sonraí sláinte agus rannpháirtithe údaraithe sna bonneagair thrasteorann dá bhforáiltear in Airteagail 23 agus 75, agus úsáideoirí sonraí sláinte, gach beart teicniúil, dlíthiúil agus eagraíochtúil atá réasúnach, lena n-áirítear socruithe conarthacha, chun cosc a chur ar shonraí leictreonacha sláinte neamhphearsanta atá á gcoinneáil san Aontas a aistriú chuig tríú tír nó chuig eagraíocht idirnáisiúnta, lena n-áirítear le haghaidh rochtain rialtais i dtríú tír, i gcás ina mbeadh an t-aistriú sin ar neamhréir le dlí an Aontais nó le dlí náisiúnta an Bhallstáit ábhartha.

2.   Aon bhreithiúnas ó chúirt nó binse tríú tír agus aon chinneadh ó údarás riaracháin tríú tír a cheanglaíonn ar údarás sláinte digití, comhlacht rochtana sonraí sláinte nó úsáideoirí sonraí sláinte sonraí leictreonacha neamhphearsanta sláinte a choimeádtar san Aontas a aistriú nó rochtain a thabhairt orthu faoi raon feidhme an Rialacháin seo, ní aithneofar iad agus ní bheidh siad in-fhorfheidhmithe ar aon bhealach ach amháin má tá siad bunaithe ar chomhaontú idirnáisiúnta, amhail conradh i ndáil le cúnamh dlíthiúil frithpháirteach, atá i bhfeidhm idir an tríú tír iarrthach agus an tAontas, nó aon chomhaontú den sórt sin idir an tríú tír iarrthach agus Ballstát.

3.   In éagmais comhaontú idirnáisiúnta dá dtagraítear i mír 2, i gcás inarb é údarás sláinte digití, comhlacht rochtana sonraí sláinte nó úsáideoir sonraí sláinte é nó í seolaí cinnidh nó breithiúnais ó chúirt nó ó bhinse tríú tír nó cinnidh ó údarás riaracháin tríú tír lena gceanglaítear orthu sonraí neamhphearsanta atá á gcoinneáil san Aontas a aistriú nó rochtain a thabhairt orthu faoi raon feidhme an Rialacháin seo, agus más rud é, dá gcomhlíonfaí cinneadh nó breithiúnas den sórt sin, go mbeadh baol ann go gcuirfí an seolaí ar neamhréir le dlí an Aontais nó le dlí náisiúnta an Bhallstáit ábhartha, ní aistreofar na sonraí sin chuig an údarás cúirte, binse nó riaracháin de chuid tríú tír sin ná ní sholáthrófar rochtain dó orthu ach amháin más fíor an méid seo a leanas, agus sa chás sin amháin:

4.   Má chomhlíontar na coinníollacha a leagtar síos i mír 2 nó 3, soláthróidh údarás sláinte digití, comhlacht rochtana sonraí sláinte nó eagraíocht altrúchais sonraí an t-íosmhéid sonraí is incheadaithe mar fhreagra ar iarraidh, bunaithe ar léirmhíniú réasúnach ar an iarraidh.

5.   Cuirfidh na húdaráis sláinte digití, comhlachtaí rochtana sonraí sláinte agus úsáideoirí sonraí sláinte an sealbhóir sonraí sláinte ar an eolas faoi iarraidh a bheith ann ó údarás riaracháin tríú tír chun rochtain a fháil ar a chuid sonraí sula gcomhlíonfaidh siad an iarraidh sin, ach amháin i gcás ina bhfónann an iarraidh críoch forghníomhaithe dlí agus a fhad is gá comhlíonadh chun éifeachtacht na gníomhaíochta forghníomhaithe dlí a chaomhnú.