Artikolu 89 Aċċess internazzjonali governattiv għad-data elettronika mhux personali dwar is-saħħa

1.   L-awtoritajiet tas-saħħa diġitali, il-korpi għall-aċċess għad-data dwar is-saħħa, il-parteċipanti awtorizzati fl-infrastrutturi transkonfinali previsti fl-Artikoli 23 u 75 u utenti tad-data dwar is-saħħa għandhom jieħdu l-miżuri tekniċi, legali u organizzazzjonali raġonevoli kollha, inkluż l-arranġamenti kuntrattwali, sabiex jevitaw it-trasferiment ta’ data elettronika mhux personali dwar is-saħħa miżmuma fl-Unjoni lil pajjiż terz jew organizzazzjoni internazzjonali, inkluż għall-aċċess governattiv f’pajjiż terz, meta tali trasferiment joħloq kunflitt mal-liġi tal-Unjoni jew dik nazzjonali tal-Istat Membru rilevanti.

2.   Kwalunkwe sentenza ta’ qorti jew tribunal ta’ pajjiż terz u kwalunkwe deċiżjoni ta’ awtorità amministrattiva ta’ pajjiż terz li tirrikjedi lil awtorità tas-saħħa diġitali, lil korp tal-aċċess għad-data dwar is-saħħa jew lil utenti tad-data dwar is-saħħa jittrasferixxu data elettronika mhux personali dwar is-saħħa jew għall-għoti ta’ aċċess għaliha fil-kamp ta’ applikazzjoni ta’ dan ir-Regolament miżmuma fl-Unjoni, għandha tiġi rikonoxxuta jew eżegwita bi kwalunkwe mod biss jekk tkun ibbażata fuq ftehim internazzjonali, bħal trattat dwar l-assistenza legali reċiproka, fis-seħħ bejn il-pajjiż terz rikjedenti u l-Unjoni jew kwalunkwe ftehim bħal dan bejn il-pajjiż terz rikjedenti u Stat Membru.

3.   Fin-nuqqas ta’ ftehim internazzjonali kif imsemmi fil-paragrafu 2, fejn awtorità tas-saħħa diġitali, korp tal-aċċess għad-data dwar is-saħħa jew utent tad-data dwar is-saħħa jkun d-destinatarju ta’ deċiżjoni jew ta’ sentenza ta’ qorti jew ta’ tribunal ta’ pajjiż terz jew ta’ deċiżjoni ta’ awtorità amministrattiva ta’ pajjiż terz li tirrikjedihom jitrasferixxu jew jew jagħtu aċċess għal data mhux personali fil-kamp ta’ applikazzjoni ta’ dan ir-Regolament miżmuma fl-Unjoni u l-konformità ma’ tali deċiżjoni jew sentenza tirriskja li tqiegħed lid-destinatarju f’kunflitt mal-liġi tal-Unjoni jew mal-liġi nazzjonali tal-Istat Membru rilevanti, it-trasferiment ta’ tali data jew l-aċċess għal tali data lil dak il-qorti, dak it-tribunal jew dik l-awtorità amministrattiva tal-pajjiż terz għandu jseħħ jew jiġi pprovdut biss meta:

4.   Jekk jiġu ssodisfati l-kundizzjonijiet stabbiliti fil-paragrafu 2 jew 3, awtorità tas-saħħa diġitali, korp tal-aċċess għad-data dwar is-saħħa jew organizzazzjoni tal-altruwiżmu fir-rigward tad-data għandu jipprovdi l-ammont minimu ta’ data permissibbli bi tweġiba għal talba, abbażi ta’ interpretazzjoni raġonevoli tat-talba.

5.   L-awtoritajiet tas-saħħa diġitali, il-korpi tal-aċċess għad-data dwar is-saħħa u utenti tad-data dwar is-saħħa għandhom jinformaw lid-detentur tad-data dwar is-saħħa dwar l-eżistenza ta’ talba ta’ awtorità amministrattiva ta’ pajjiż terz biex taċċessa d-data tiegħu qabel ma jikkonforma ma’ dik it-talba, ħlief fejn it-talba sservi għanijiet ta’ infurzar tal-liġi u sakemm il-konformità tkun meħtieġa biex tiġi ppreservata l-effettività tal-attività tal-infurzar tal-liġi.