+Airteagal 18 Seachfhoinsiú
---+Airteagal 18 1
---+Airteagal 18 2
---+Airteagal 18 3
---+Airteagal 18 4
---+Airteagal 18 5
---+Airteagal 18 6
---+Airteagal 18 7
---+Airteagal 18 8

Airteagal 18 Seachfhoinsiú

-

1. Forbhreathnú

,
Airteagal 18 1

1.   Féadfaidh eintitis faoi oibleagáid cúraimí a eascraíonn as ceanglais faoin Rialachán seo a sheachfhoinsiú chuig soláthraithe seirbhíse. Tabharfaidh an t-eintiteas faoi oibleagáid fógra don mhaoirseoir faoin seachfhoinsiú sula dtosóidh an soláthraí seirbhíse ar an gcúraim a thabhairt i gcrích.
Airteagal 18 2

2.   Agus cúraimí faoin Airteagal seo á ndéanamh, measfar soláthraithe seirbhísí a bheith mar chuid den eintiteas faoi oibleagáid, lena n-áirítear i gcás ina gceanglaítear orthu na cláir lárnacha dá dtagraítear in Airteagal 10 de Threoir (AE) 2024/1640 (‘cláir lárnacha’) a cheadú chun dícheall cuí do chustaiméirí a dhéanamh thar ceann an eintitis faoi oibleagáid.

Leanfaidh an t-eintiteas faoi oibleagáid de bheith go hiomlán faoi dhliteanas as aon ghníomhaíocht, cibé acu gníomh nó neamhghnímh í, a bhaineann leis na cúraimí seachfhoinsithe a dhéanann soláthraithe seirbhísí.

Maidir le gach cúram seachfhoinsithe, beidh an t-eintiteas faoi oibleagáid in ann a léiriú don mhaoirseoir go dtuigeann sé an réasúnaíocht taobh thiar de na gníomhaíochtaí arna ndéanamh ag an soláthraí seirbhíse agus an cur chuige a leantar ina gcur chun feidhme, agus go maolaíonn gníomhaíochtaí den sórt sin na rioscaí sonracha a bhfuil an t-eintiteas faoi oibleagáid neamhchosanta orthu.
Airteagal 18 3

3.   Ní dhéanfar na cúraimí seachfhoinsithe de bhun mhír 1 den Airteagal seo ar bhealach a chuirfeadh isteach go hábhartha ar cháilíocht bheartais agus nósanna imeachta an eintitis faoi oibleagáid ceanglais an Rialacháin seo agus Rialachán (AE) 2023/1113, ná ar cháilíocht na rialuithe atá i bhfeidhm chun na beartais agus na nósanna imeachta sin a chomhlíonadh. Ní dhéanfar na cúraimí seo a leanas a sheachfhoinsiú in aon chúinsí:

(a)

moladh agus formheas mheasúnú riosca uileghnó an eintitis faoi oibleagáid de bhun Airteagal 10(2);

(b)

formheas bheartais, nósanna imeachta agus rialuithe inmheánacha an eintitis faoi oibleagáid de bhun Airteagal 9;

(c)

cinneadh maidir leis an bpróifíl riosca atá le sannadh don chustaiméir;

(d)

an cinneadh gaolmhaireacht gnó a bheith aige nó idirbheart ócáideach a dhéanamh le cliant;

(e)

gníomhaíochtaí amhrasacha a thuairisciú do FIU de bhun Airteagal 69 nó tuarascálacha tairseachbhunaithe de bhun Airteagal 74 agus 80, ach amháin i gcás ina seachfhoinsítear na gníomhaíochtaí sin chuig eintiteas eile faoi oibleagáid a bhaineann leis an ngrúpa céanna agus atá bunaithe san aon Bhallstát amháin;

(f)

na critéir a fhormheas chun idirbhearta agus gníomhaíochtaí amhrasacha nó neamhghnácha a bhrath.
Airteagal 18 4

4.   Sula ndéanfaidh eintiteas faoi oibleagáid cúram a sheachfhoinsiú de bhun mhír 1, áiritheoidh sé dó féin go bhfuil an soláthraí seirbhíse cáilithe go leordhóthanach chun na cúraimí a sheachfhoinseoidh sé a dhéanamh.

I gcás ina seachfhoinseoidh eintiteas faoi oibleagáid cúram de bhun mhír 1, áiritheoidh sé go gcuirfidh an soláthraí seirbhíse, agus aon soláthraí seirbhíse seachfhoinsithe ina dhiaidh sin, i bhfeidhm na bearta agus na nósanna imeachta a ghlac an t-eintiteas faoi oibleagáid. Déanfar na coinníollacha maidir leis na cúraimí sin a fheidhmiú a leagan síos i gcomhaontú i scríbhinn idir an t-eintiteas faoi oibleagáid agus an soláthraí seirbhíse. Feidhmeoidh an t-eintiteas faoi oibleagáid rialuithe tráthrialta lena fháil amach an bhfuil beartais agus nósanna imeachta den sórt sin á gcur chun feidhme go héifeachtach ag an soláthraí seirbhíse. Cinnfear minicíocht na rialuithe sin ar bhonn chineál criticiúil na gcúraimí seachfhoinsithe.
Airteagal 18 5

5.   Áiritheoidh eintitis faoi oibleagáid nach ndéanfar seachfhoinsiú ar bhealach a chuirfeadh isteach go hábhartha ar chumas na n-údarás maoirseachta faireachán agus rianú a dhéanamh ar chomhlíonadh an Rialacháin seo agus Rialachán (AE) 2023/1113 ag an eintiteas faoi oibleagáid.
Airteagal 18 6

6.   De mhaolú ar mhír 1, ní dhéanfaidh eintitis faoi oibleagáid cúraimí a eascraíonn as na ceanglais faoin Rialachán seo a sheachfhoinsiú chuig soláthraithe seirbhíse a bhfuil cónaí orthu nó atá bunaithe i dtríú tíortha a shainaithnítear de bhun Roinn 2 de Chaibidil III, ach amháin má chomhlíontar gach ceann de na coinníollacha seo a leanas:

(a)

is chuig soláthraí seirbhíse atá in aon ghrúpa leis a sheachfhoinsíonn an t-eintiteas faoi oibleagáid cúraimí;

(b)

cuireann an grúpa beartais agus nósanna imeachta AML/CFT, bearta díchill chuí do chustaiméirí agus rialacha maidir le coimeád taifead i bhfeidhm atá go hiomlán i gcomhréir leis an Rialachán seo, nó le rialacha coibhéiseacha i dtríú tíortha;

(c)

déanann údarás maoirseachta an Bhallstáit baile maoirseacht ar leibhéal grúpa ar chur chun feidhme éifeachtach na gceanglas dá dtagraítear i bpointe (b) den mhír seo i gcomhréir le Caibidil IV de Threoir (AE) 2024/1640.
Airteagal 18 7

7.   De mhaolú ar mhír 3, i gcás nach bhfuil aon phearsantacht dhlítheanach ag gnóthas comhinfheistíochta, nó nach bhfuil ach bord stiúrthóirí aige agus go bhfuil próiseáil na suibscríbhinní agus bailiú cistí mar a shainmhínítear in Airteagal 4, pointe (25),) de Threoir (AE) 2015/2366 tarmligthe aige ó infheisteoirí chuig eintiteas eile, féadfaidh sé an cúram dá dtagraítear i mír 3, pointí (c), (d) agus (e),) a sheachfhoinsiú chuig ceann dá sholáthraithe seirbhíse.

Ní fhéadfar an seachfhoinsiú dá dtagraítear sa chéad fhomhír den mhír seo a dhéanamh ach fógra a bheith tugtha ag an ngnóthas comhinfheistíochta go bhfuil sé ar intinn aige an cúram a sheachfhoinsiú chuig an maoirseoir de bhun mhír 1, agus tar éis don mhaoirseoir an seachfhoinsiú sin a fhormheas agus an méid seo a leanas á chur san áireamh:

(a)

acmhainní, taithí agus eolas an tsoláthraí seirbhíse i ndáil le sciúradh airgid agus maoiniú sceimhlitheoireachta a chosc;

(b)

eolas an tsoláthraí seirbhíse ar an gcineál gníomhaíochtaí nó idirbheart a dhéanann an gnóthas comhinfheistíochta.
Airteagal 18 8

8.   Faoin 10 Iúil 2027, eiseoidh AMLA treoirlínte d’eintitis faoi oibleagáid maidir leis an méid seo a leanas:

(a)

bunú gaolmhaireachtaí seachfhoinsithe, lena n-áirítear aon ghaolmhaireacht seachfhoinsithe ina dhiaidh sin, i gcomhréir leis an Airteagal seo, a rialú agus a nósanna imeachta chun faireachán a dhéanamh ar chur chun feidhme feidhmeanna arna dhéanamh ag an soláthraí seirbhíse, agus go háirithe na feidhmeanna sin atá le meas mar fheidhmeanna criticiúla;

(b)

róil agus freagracht an eintitis faoi oibleagáid agus an tsoláthraí seirbhíse faoi chomhaontú seachfhoinsithe;

(c)

cineálacha cur chuige maoirseachta maidir le seachfhoinsiú chomh maith le hionchais mhaoirseachta maidir le seachfhoinsiú feidhmeanna criticiúla.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin