Airteagal 36 Bearta feabhsaithe díchill chuí sonracha do ghaolmhaireachtaí comhfhreagracha trasteorann

faisnéis leordhóthanach a bhailiú faoin institiúid is freagróir chun cineál ghnó an fhreagróra a thuiscint go hiomlán agus chun cáilíocht na maoirseachta agus cáil na hinstitiúide a chinneadh ó fhaisnéis atá ar fáil go poiblí;

measúnú a dhéanamh ar rialuithe AML/CFT na hinstitiúide is freagróir;

formheas a fháil ón mbainistíocht shinsearach sula mbunófar gaolmhaireachtaí comhfhreagracha nua;

freagrachtaí gach institiúide faoi seach a dhoiciméadú;

maidir le cuntais iníoctha, a bheith sásta gur fhíoraigh an institiúid is freagróir céannacht na gcustaiméirí ag a bhfuil rochtain dhíreach ar chuntais na hinstitiúide comhfhreagraí agus go ndearna sí dícheall cuí leantach ar na custaiméirí sin, agus go bhfuil sí ábalta sonraí ábhartha díchill chuí do chustaiméirí a sholáthar don institiúid is freagróir, arna iarraidh sin.

I gcás ina gcinneann institiúidí creidmheasa agus institiúidí airgeadais gaolmhaireachtaí comhfhreagracha trasteorann a fhoirceannadh ar chúiseanna a bhaineann le beartas AML/CFT, déanfaidh siad a gcinneadh a thaifeadadh.