Artikolu 36 Miżuri speċifiċi msaħħa ta’ diliġenza dovuta għar-relazzjonijiet korrispondenti transfruntiera

jiġbru biżżejjed informazzjoni dwar l-istituzzjoni rispondenti sabiex jifhmu b’mod sħiħ in-natura tan-negozju tar-rispondent u sabiex jiddeterminaw ir-reputazzjoni tal-istituzzjoni u l-kwalità ta’ superviżjoni minn informazzjoni pubblikament disponibbli;

jivvalutaw il-kontrolli tal-AML/CFT tal-istituzzjoni rispondenti;

jiksbu approvazzjoni mill-maniġment superjuri qabel ma jistabbilixxu relazzjonijiet korrispondenti ġodda;

jiddokumentaw ir-responsabbiltajiet rispettivi ta’ kull istituzzjoni;

fir-rigward ta’ pagamenti permezz ta’ trasferimenti minn kontijiet, ikunu sodisfatti li l-istituzzjoni rispondenti tkun ivverifikat l-identità tal-klijenti u pprattikat id-diliġenza dovuta kontinwata tal-klijenti li jkollhom aċċess dirett għall-kontijiet tal-istituzzjoni korrispondenti, u li tkun kapaċi tipprovdi data rilevanti għall-finijiet tad-diliġenza dovuta fir-rigward tal-klijenti fuq talba tal-istituzzjoni korrispondenti.

Meta l-istituzzjonijiet ta’ kreditu u l-istituzzjonijiet finanzjarji jiddeċiedu li jitterminaw relazzjonijiet korrispondenti transfruntiera għal raġunijiet relatati mal-politika tal-AML/CFT , huma għandhom jiddokumentaw id-deċiżjoni tagħhom.