+Airteagal 57 Úinéirí tairbhiúla a shainaithint d’eintitis dhlítheanacha atá cosúil le hiontaobhas sainráite
---+Airteagal 57 1
---+Airteagal 57 2
---+Airteagal 57 3
---+Airteagal 57 4

Airteagal 57 Úinéirí tairbhiúla a shainaithint d’eintitis dhlítheanacha atá cosúil le hiontaobhas sainráite

-

1. Forbhreathnú

,
Airteagal 57 1

1.   I gcás eintitis dhlítheanacha seachas na heintitis sin dá dtagraítear in Airteagal 51, cosúil le hiontaobhas sainráite, mar atá fondúireachtaí, is iad na daoine nádúrtha seo a leanas ar fad a bheidh ina n-úinéirí tairbhiúla:

(a)

na bunaitheoirí;

(b)

comhaltaí an chomhlachta bainistíochta i gcáil a fheidhme bainistíochta;

(c)

comhaltaí an chomhlachta bainistíochta i gcáil a fheidhme maoirseachta;

(d)

na tairbhithe, mura bhfuil feidhm ag Airteagal 59;

(e)

aon duine nádúrtha eile, a rialaíonn an t-eintiteas dlítheanach go díreach nó go hindíreach.
Airteagal 57 2

2.   Nuair is le struchtúir rialaithe ilsrathacha eintitis dhlítheanacha dá dtagraítear i mír 1, i gcás ina bhfuil aon cheann de na poist a liostaítear i mír 1 ag eintiteas dlítheanach, is iad úinéirí tairbhiúla an eintitis dhlítheanaigh dá dtagraítear i mír 1:

(a)

na daoine nádúrtha a liostaítear i mír 1; agus

(b)

úinéirí tairbhiúla na n-eintiteas dlítheanach ag a bhfuil aon cheann de na poist a liostaítear i mír 1.
Airteagal 57 3

3.   Tabharfaidh na Ballstáit fógra faoi liosta de chineálacha eintiteas dlítheanach don Choimisiún faoin 10 Deireadh Fómhair 2027, i gcás ina sainaithnítear na húinéirí tairbhiúla i gcomhréir le mír 1.

Beidh cur síos ar na nithe seo a leanas ag gabháil leis an bhfógra dá dtagraítear sa chéad fhomhír:

(a)

foirm agus gnéithe bunúsacha na n-eintiteas dlítheanach sin;

(b)

an próiseas trínar féidir iad a chur ar bun;

(c)

an próiseas chun rochtain a fháil ar fhaisnéis bhunúsach agus ar fhaisnéis faoi úinéireacht thairbhiúil maidir leis na heintitis dhlítheanacha sin;

(d)

na suíomhanna gréasáin ar ar féidir na cláir lárnacha ina bhfuil faisnéis faoi úinéirí tairbhiúla na n-eintiteas dlítheanach sin agus mionsonraí teagmhála na n-eintiteas atá i gceannas ar na cláir sin a cheadú.
Airteagal 57 4

4.   Féadfaidh an Coimisiún, trí bhíthin gníomh cur chun feidhme, liosta a ghlacadh de na cineálacha eintiteas dlítheanach atá á rialú le dlí na mBallstát agus ar cheart dóibh a bheith faoi réir cheanglais an Airteagail seo. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 86(2).

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin