+Airteagal 67 Socruithe dlíthiúla eachtracha agus eintitis dhlítheanacha eachtracha
---+Airteagal 67 1
---+Airteagal 67 2
---+Airteagal 67 3
---+Airteagal 67 4
---+Airteagal 67 5
---+Airteagal 67 6
---+Airteagal 67 7
---+Airteagal 67 8

Airteagal 67 Socruithe dlíthiúla eachtracha agus eintitis dhlítheanacha eachtracha

-

1. Forbhreathnú

,
Airteagal 67 1

1.   Eintitis dhlítheanacha eachtracha atá cruthaithe lasmuigh den Aontas agus iontaobhaithe iontaobhas sainráite nó daoine a bhfuil post coibhéiseach acu i socrú dlíthiúil comhchosúil a riartar lasmuigh den Aontas nó a bhfuil cónaí orthu nó atá bunaithe lasmuigh den Aontas, cuirfidh siad faisnéis faoi úinéireacht thairbhiúil de bhun Airteagal 62 chuig clár lárnach an Bhallstáit i gcás ina ndéanann siad an méid seo a leanas:

(a)

dul i mbun gaolmhaireacht gnó le heintiteas faoi oibleagáid;

(b)

réadmhaoin a fháil san Aontas, go díreach nó trí idirghabhálaithe;

(c)

aon cheann de na hearraí seo a leanas a fháil, go díreach nó trí idirghabhálaithe, ó dhaoine a thrádálann dá dtagraítear in Airteagal 3, pointí (3), (f) agus (j), i gcomhthéacs idirbheart ócáideach:

(i)

mótarfheithiclí chun críoch neamhthráchtála ar phraghas EUR 250 000 ar a laghad nó a choibhéis san airgeadra náisiúnta;

(ii)

árthaí uisce chun críoch neamhthráchtála ar phraghas EUR 7 500 000 ar a laghad nó a choibhéis san airgeadra náisiúnta;

(iii)

aerárthaí chun críocha neamhthráchtála ar phraghas EUR 7 500 000 ar a laghad nó a choibhéis san airgeadra náisiúnta;

(d)

conradh poiblí a fháil ó údarás conarthach san Aontas le haghaidh earraí nó seirbhísí, nó lamháltas;
Airteagal 67 2

2.   De mhaolú ar mhír 1, pointe (a), i gcás ina dtéann eintitis dhlítheanacha arna gcruthú lasmuigh den Aontas i mbun gaolmhaireacht gnó le heintiteas faoi oibleagáid, ní chuirfidh siad a bhfaisnéis faoi úinéireacht thairbhiúil chuig an gclár lárnach ach amháin sna cásanna seo a leanas:

(a)

téann siad i mbun gaolmhaireacht gnó le heintiteas faoi oibleagáid a bhfuil baint aige le rioscaí sciúrtha airgid agus maoinithe sceimhlitheoireachta meán-arda nó arda de bhun measúnú riosca ar leibhéal an Aontais nó mheasúnú riosca náisiúnta ón mBallstát lena mbaineann dá dtagraítear in Airteagail 7 agus 8 de Threoir (AE) 2024/1640; nó

(b)

sainaithnítear sa mheasúnú riosca ar leibhéal an Aontais nó sa mheasúnú riosca náisiúnta ón mBallstát lena mbaineann go bhfuil baint, i gcás inarb ábhartha, ag an gcatagóir den eintiteas dlítheanach nó ag an earnáil ina n-oibríonn an t-eintiteas dlítheanach arna gcruthú lasmuigh den Aontas, le rioscaí sciúrtha airgid nó maoinithe sceimhlitheoireachta meán-ardriosca nó ardriosca.
Airteagal 67 3

3.   Beidh ráiteas ag gabháil leis an bhfaisnéis faoi úinéireacht thairbhiúil ina leagfar amach cé acu de na gníomhaíochtaí sin a gcuirtear an fhaisnéis isteach ina leith, chomh maith le haon doiciméad ábhartha, agus cuirfear isteach í sna cásanna a leanas:

(a)

i leith na gcásanna dá dtagraítear i mír 1, pointe (a), roimh thús na gaolmhaireachta gnó;

(b)

i leith na gcásanna dá dtagraítear i mír 1, pointí (b) agus (c), sula gcríochnófar an ceannach;

(c)

i leith na gcásanna dá dtagraítear i mír 1, pointe (d), sula síneofar an conradh.
Airteagal 67 4

4.   Chun críocha mhír 1, pointe (a), cuirfidh eintitis faoi oibleagáid na heintitis dhlítheanacha ar an eolas i gcás ina gcomhlíontar na coinníollacha a leagtar síos i mír 2 agus ar ina leith a éilítear deimhniú um chruthúnas ar chlárú nó sliocht den fhaisnéis faoi úinéireacht thairbhiúil a choimeádtar sa chlár lárnach chun dul ar aghaidh leis an ngaolmhaireacht gnó nó leis an idirbheart ócáideach.
Airteagal 67 5

5.   Sna cásanna a chumhdaítear le mír 1, déanfaidh eintitis dhlítheanacha arna gcruthú lasmuigh den Aontas agus iontaobhaithe iontaobhas sainráite nó daoine a bhfuil post coibhéiseach acu i socrú dlíthiúil comhchosúil a riartar lasmuigh den Aontas nó a bhfuil cónaí orthu lasmuigh den Aontas nó atá bunaithe lasmuigh den Aontas aon athrú ar an bhfaisnéis faoi úinéireacht thairbhiúil arna cur isteach chuig an gclár lárnach de bhun mhír 1 a thuairisciú gan moill mhíchuí, laistigh de 28 lá féilire ón athrú.

Beidh feidhm ag ceanglas na chéad fhomhíre maidir leis an méid seo a leanas:

(a)

i leith na gcásanna dá dtagraítear i mír 1, pointe (a), ar feadh thréimhse iomlán na gaolmhaireachta gnó leis an eintiteas faoi oibleagáid;

(b)

i leith na gcásanna dá dtagraítear i mír 1, pointe (b), fad is gur leis an eintiteas dlítheanach nó leis an socrú dlíthiúil an réadmhaoin;

(c)

i leith na gcásanna dá dtagraítear i mír 1, pointe (c), ar feadh na tréimhse idir an tráth a chuirtear an fhaisnéis chuig an gclár lárnach den chéad uair agus an tráth a chuirtear an ceannach i gcrích;

(d)

i leith na gcásanna dá dtagraítear i mír 1, pointe (d), ar feadh thréimhse iomlán an chonartha.
Airteagal 67 6

6.   I gcás ina gcomhlíonann an t-eintiteas dlítheanach, iontaobhaí an iontaobhais shainráite nó an duine a bhfuil post coibhéiseach aige i socrú dlíthiúil comhchosúil na coinníollacha a leagtar síos i mír 1 i mBallstáit éagsúla, déanfar deimhniú um chruthúnas ar chlárú na faisnéise faoi úinéireacht thairbhiúil arna shealbhú ar chlár lárnach ag Ballstáit amháin a mheas mar chruthúnas leordhóthanach ar chlárú.
Airteagal 67 7

7.   Más rud é, na 10 Iúil 2027, gur le heintitis dhlítheanacha arna gcruthú lasmuigh den Aontas nó socruithe dlíthiúla a riartar lasmuigh den Aontas nó a bhfuil a n-iontaobhaí nó duine a bhfuil post coibhéiseach aige i socrú dlíthiúil comhchosúil ina chónaí nó ina cónaí nó bunaithe lasmuigh den Aontas, go díreach nó trí idirghabhálaithe, réadmhaoin, déanfar faisnéis faoi úinéireacht thairbhiúil na n-eintiteas dlítheanach agus na socruithe dlíthiúla sin a chur isteach chuig an gchlár lárnach agus beidh bonn cirt leis an gcur isteach sin ag gabháil leis an méid sin faoin 10 Eanáir 2028.

Ní bheidh feidhm ag an gcéad fhomhír, áfach, maidir le heintitis dhlítheanacha nó le socruithe dlíthiúla a fuair réadmhaoin san Aontas roimh an 1 Eanáir 2014.

Féadfaidh na Ballstáit a chinneadh, ar bhonn riosca, go mbeidh feidhm ag dáta níos luaithe agus tabharfaidh siad fógra don Choimisiún ina leith sin. Cuirfidh an Coimisiún cinntí den sórt sin in iúl do na Ballstáit eile.
Airteagal 67 8

8.   Féadfaidh na Ballstáit, ar bhonn riosca, an oibleagáid a leagtar amach i mír 1, pointe (a), a leathnú chuig gaolmhaireachtaí gnó le heintitis dhlítheanacha eachtracha atá ag dul ar aghaidh i gcónaí an 10 Iúil 2027 agus fógra a thabhairt don Choimisiún ina leith. Cuirfidh an Coimisiún cinntí den sórt sin in iúl do na Ballstáit eile.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin