Airteagal 77 Taifid a choimeád

1.   Coinneoidh eintitis faoi oibleagáid na doiciméid agus an fhaisnéis seo a leanas:

Áiritheoidh eintitis faoi oibleagáid nach ndéanfar doiciméid, faisnéis ná na taifid a choimeádtar de bhun an Airteagail seo a fholú.

2.   De mhaolú ar mhír 1, féadfaidh eintitis faoi oibleagáid cinneadh a dhéanamh tagairtí d’fhaisnéis a choimeád in ionad cóipeanna den fhaisnéis sin a choimeád, ar choinníoll go n-áiritheofar le cineál agus modh coimeádta na faisnéise sin go bhféadfaidh na heintitis faoi oibleagáid an fhaisnéis a sholáthar d’údaráis inniúla láithreach agus nach féidir an fhaisnéis a leasú nó a athrú.

Saineoidh eintitis faoi oibleagáid a bhainfidh úsáid as an maolú dá dtagraítear sa chéad fhomhír ina nósanna imeachta inmheánacha atá tarraingthe suas de bhun Airteagal 9 na catagóirí faisnéise dá gcoimeádfaidh siad tagairt in ionad cóip nó leagan bunaidh, chomh maith leis na nósanna imeachta chun an fhaisnéis a aisghabháil le go bhféadfar í a sholáthar d’údaráis inniúla ar í a iarraidh.

3.   Coinneofar an fhaisnéis dá dtagraítear i míreanna 1 agus 2 ar feadh tréimhse 5 bliana dar tosach dáta foirceanta na gaolmhaireachta gnó nó ar dháta déanta an idirbhirt ócáidigh, nó ar an dáta a ndiúltaítear gaolmhaireacht gnó nó idirbheart ócáideach a dhéanamh. Gan dochar do thréimhsí coinneála sonraí a bhailítear chun críocha gníomhartha dlí eile de chuid an Aontais nó den dlí náisiúnta a chomhlíonann Rialachán (AE) 2016/679, scriosfaidh eintitis faoi oibleagáid sonraí pearsanta ar dhul in éag don tréimhse 5 bliana.

Féadfaidh údaráis inniúla tréimhse choinneála is faide a cheangal maidir leis an bhfaisnéis dá dtagraítear sa chéad fhomhír ar bhonn cás ar chás, ar choinníoll go bhfuil gá le coinneáil den sórt sin chun sciúradh airgid nó maoiniú sceimhlitheoireachta a chosc, a bhrath, a imscrúdú nó a ionchúiseamh. Ní rachaidh an tréimhse choinneála bhreise sin thar 5 bliana.

4.   I gcás, an 10 Iúil 2027, go mbeidh imeachtaí dlíthiúla a bhaineann le sciúradh airgid nó maoiniú sceimhlitheoireachta amhrasta a chosc, a bhrath, a imscrúdú nó a ionchúiseamh ar feitheamh i mBallstát, agus i gcás ina mbeidh faisnéis nó doiciméid a bhaineann leis na himeachtaí sin ar feitheamh i seilbh ag eintiteas faoi oibleagáid, féadfaidh an t-eintiteas faoi oibleagáid an fhaisnéis nó na doiciméid sin a choinneáil, i gcomhréir leis an dlí náisiúnta, ar feadh tréimhse 5 bliana ón 10 Iúil 2027.

Gan dochar don dlí coiriúil náisiúnta maidir le fianaise is infheidhme i ndáil le himscrúduithe coiriúla leanúnacha agus imeachtaí dlíthiúla leanúnacha, féadfaidh na Ballstáit coinneáil faisnéise nó sonraí den sórt sin a cheadú nó a cheangal ar feadh tréimhse bhreise 5 bliana, i gcás inar suíodh riachtanas agus comhréireacht na coinneála breise sin chun sciúradh amhrasta airgid nó maoiniú amhrasta sceimhlitheoireachta a chosc, a bhrath, a imscrúdú nó a ionchúiseamh.