+Airteagal 325c Raon feidhme, struchtúr agus ceanglais cháilíochtúla an chur chuige chaighdeánaithe mhalartaigh
---+Airteagal 325c 1.
---+Airteagal 325c 2.
---+Airteagal 325c 3.
---+Airteagal 325c 4.
---+Airteagal 325c 5.
---+Airteagal 325c 6.
---+Airteagal 325c 7.
---+Airteagal 325c 8.

Airteagal 325c Raon feidhme, struchtúr agus ceanglais cháilíochtúla an chur chuige chaighdeánaithe mhalartaigh

-

1. Forbhreathnú

,
Airteagal 325c 1.
Beidh tacar doiciméadaithe de bheartais, nósanna imeachta agus rialuithe inmheánacha i bhfeidhm ag institiúidí chun faireachán a dhéanamh ar chomhlíonadh cheanglais na Caibidle seo agus chun a áirithiú go gcomhlíonfar iad, agus cuirfidh na hinstitiúidí an tacar sin ar fáil do na húdaráis inniúla. Tabharfar fógra in am agus i dtráth do na húdaráis inniúla faoi aon athruithe ar na beartais, nósanna imeachta agus rialuithe sin.
Airteagal 325c 2.

Déanfaidh na hinstitiúidí a gceanglais cistí dílse le haghaidh ►C12  riosca ◄ margaidh a ríomh i gcomhréir leis an gcur chuige caighdeánaithe malartach maidir le punann de shuíomhanna sa leabhar trádála agus de shuíomhanna leabhar neamhthrádála atá faoi réir ►C12  riosca ◄ malairte eachtraí nó tráchtearraí mar shuim na dtrí chomhpháirt seo a leanas:

(a) 

an ceanglas cistí dílse de réir an mhodha íogaireacht-bhunaithe a leagtar amach i Roinn 2;

(b) 

an ceanglas cistí dílse i gcomhair ►C12  riosca ◄ mainneachtana a leagtar amach i Roinn 5 a bhfuil feidhm aige maidir leis na suíomhanna leabhar trádála dá dtagraítear sa Roinn sin agus leis na suíomhanna sin amháin;

(c) 

an ceanglas cistí dílse le haghaidh ►C12  riosca ◄ iarmharacha a leagtar amach i Roinn 4 a bhfuil feidhm aige maidir leis na suíomhanna leabhar trádála dá dtagraítear sa Roinn sin agus leis na suíomhanna sin amháin.
Airteagal 325c 3.
De mhaolú ar mhír 2, déanfaidh institiúid na ceanglais cistí dílse le haghaidh riosca margaidh a ríomh i gcomhréir leis an gcur chuige caighdeánaithe malartach dá sealúchais ionstraimí fiachais dílse féin mar shuim an dá chomhpháirt dá dtagraítear i mír 2, pointí (a) agus (c). Agus ceanglais cistí dílse le haghaidh riosca margaidh i gcomhair ionstraimí fiachais dílse á ríomh faoin modh íogaireacht-bhunaithe dá dtagraítear i mír 2, pointe (a), déanfaidh an institiúid na rioscaí ó raon difríochta creidmheasa na hinstitiúide féin a eisiamh ón ríomh sin.
Airteagal 325c 4.
Beidh aonad rialaithe riosca atá neamhspleách ar aonaid trádála gnó ag institiúidí agus tuairisceoidh an t-aonad go díreach don lucht bainistíochta sinsearaí. Beidh an t-aonad rialaithe riosca sin freagrach as an gcur chuige caighdeánaithe malartach a dhearadh agus a chur chun feidhme. Ullmhóidh sé tuarascálacha míosúla maidir le haschur an chur chuige chaighdeánaithe mhalartaigh, agus maidir lena iomchuí atá teorainneacha trádála na hinstitiúide, agus déanfaidh sé anailís orthu.
Airteagal 325c 5.
Déanfaidh institiúidí athbhreithniú neamhspleách ar an gcur chuige caighdeánaithe malartach a úsáideann siad chun críocha na Caibidle seo chun sástachta na n-údarás inniúil, bíodh sin mar chuid dá bpróiseas tráthrialta inmheánach iniúchóireachta nó trí shainordú a thabhairt do ghnóthas tríú páirtí an t-athbhreithniú sin a dhéanamh. Déanfar toradh an athbhreithnithe sin a thuairisciú do na comhlachtaí bainistíochta iomchuí.

Chun críocha na chéad fhomhíre, ciallaíonn “gnóthas tríú páirtí” gnóthas a chuireann seirbhísí iniúchóireachta nó comhairliúcháin ar fáil d’institiúidí agus a bhfuil líon foirne aige a bhfuil scileanna leordhóthanacha acu sa réimse a bhaineann le riosca margaidh.
Airteagal 325c 6.

An t-athbhreithniú ar an gcur chuige caighdeánaithe malartach dá dtagraítear i mír 5, cumhdófar leis gníomhaíochtaí na n-aonad trádála gnó agus an aonaid neamhspleách rialaithe riosca araon agus déanfar measúnú ann ar an méid seo a leanas ar a laghad:

(a) 

na beartais, nósanna imeachta agus rialuithe inmheánacha atá i bhfeidhm chun faireachán a dhéanamh ar chomhlíonadh na gceanglas dá dtagraítear i mír 1 den Airteagal seo agus chun a áirithiú go gcomhlíonfar iad;

(b) 

leordhóthanacht dhoiciméadacht an chórais agus na bpróiseas bainistithe riosca agus eagrú an aonaid rialaithe riosca dá dtagraítear i mír 4 den Airteagal seo;

(c) 

a bheaichte atá ríomhanna íogaireachta agus an próiseas a úsáidtear chun na ríomhanna sin a dhíorthú ó shamhlacha praghsála na hinstitiúide atá mar bhonn le brabús agus caillteanas a thuairisciú don lucht bainistíochta sinsearaí, mar a thagraítear dó in Airteagal 325t;

(d) 

an próiseas fíorúcháin a úsáideann an institiúid chun meastóireacht a dhéanamh ar chomhsheasmhacht, tráthúlacht agus iontaofacht na bhfoinsí sonraí a úsáidtear chun na ceanglais cistí dílse a ríomh le haghaidh riosca margaidh agus an cur chuige caighdeánaithe malartach á úsáid aici, lena n-áirítear neamhspleáchas na bhfoinsí sonraí sin.

Déanfaidh institiúid an t-athbhreithniú dá dtagraítear sa chéad fhomhír uair amháin sa bhliain ar a laghad, nó ar bhonn nach bhfuil chomh minic sin suas le gach 2 bhliain i gcás inar féidir leis an institiúid a léiriú chun sástachta an údaráis inniúil go dtugann méid, tábhacht shistéamach, cineál, scála agus castacht ghnó a leabhair trádála údar maith le hathbhreithniú a dhéanamh ar bhonn nach bhfuil chomh minic sin.
Airteagal 325c 7.
An ríomh dá dtagraítear i mír 2 den Airteagal seo, lena n-áirítear go ndéanfaidh institiúid na ceanglais a leagtar amach sa Chaibidil seo agus in Airteagal 325a a chur chun feidhme, fíoróidh na húdaráis inniúla go ndéanfar go hionraic é.
Airteagal 325c 8.
Forbróidh ÚBE dréachtchaighdeáin theicniúla rialála d'fhonn an mhodheolaíocht mheasúnacháin lena gcuirtear na húdaráis inniúla an fíorú dá dtagraítear i mír 7 ar bun a shonrú;

Cuirfidh ÚBE na dréachtchaighdeáin theicniúla rialála sin faoi bhráid an Choimisiúin faoin 10 Iúil 2028.

Tarmligfear an chumhacht chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin