Ábhar

Sonraítear leis na Treoirlínte seo, chun críocha maoirseacht a dhéanamh ar bheartais luacha saothair i gcomhréir le hAirteagal 75 de Threoir 2013/36/AE, an fhaisnéis atá le soláthar ag institiúidí roghnaithe d’údaráis inniúla chun treochtaí agus cleachtais luacha saothair a thagarmharcáil, lena n-áirítear faisnéis arna nochtadh i gcomhréir leis na critéir maidir le nochtadh a bhunaítear i bpointí (g), (h), (i) agus (k) d’Airteagal 450(1) de Rialachán (AE) Uimh. 575/2013 (‘sonraí luacha saothair’) agus an fhaisnéis atá le soláthar chun an bhearna phá idir na hinscní a thagarmharcáil (‘sonraí na bearna pá idir na hinscní’).

Sonraítear leis na Treoirlínte seo freisin, i gcomhréir leis an séú eang de phointe (ii) d’Airteagal 94(1)(g) de Threoir 2013/36/AE, an fhormáid chomhchoiteann tuairiscithe a bheidh le húsáid chun críocha cóimheasa formheasta níos airde idir na comhpháirteanna seasta agus athraitheacha den luach saothair ('sonraí cóimheasa níos airde') a thagarmharcáil.

Sonraítear leis na Treoirlínte seo conas a bhaileoidh údaráis inniúla ó institiúidí na cóimheasa formheasta níos airde, na sonraí maidir le luach saothair agus an bhearna phá idir na hinscní (dá ngairtear ‘sonraí tagarmharcála’ le chéile) agus conas a chuirfidh siad na sonraí tagarmharcála faoi bhráid an ÚBE ansin.