2. Raon feidhme na ngnólachtaí infheistíochta faoi réir chleachtas bailithe sonraí na bearna pá idir na hinscní.

Ba cheart d’údaráis inniúla sonraí faoin bhearna phá idir na hinscní a bhailiú agus a chur faoi bhráid an ÚBE ar bhonn aonair ó na gnólachtaí infheistíochta óna mbailíonn na húdaráis inniúla sin sonraí luacha saothair, i.e. na gnólachtaí infheistíochta atá freagrach as sonraí a chomhdhlúthú faoi Airteagal 7 de Rialachán (AE) 2019/2033 nó na gnólachtaí infheistíochta aonair a áirítear sa sampla le haghaidh tagarmharcáil luacha saothair atá faoi réir Airteagail 30 agus 32 de Threoir (AE) 2019/2034.

Ba cheart do na húdaráis inniúla sonraí na bearna pá idir na hinscní a bhailiú ar leibhéal an duine aonair ó ghnólachtaí infheistíochta a bhfuil 50 ball foirne ar a laghad acu, gan comhaltaí an chomhlachta bainistíochta ina fheidhm mhaoirseachta a áireamh. Agus an mhír seo á cur i bhfeidhm acu, ba cheart d’údaráis inniúla féachaint le sonraí na bearna pá idir na hinscní a bhailiú ó chúig ghnólacht infheistíochta ar a laghad a mbaineann Airteagal 32(1), pointe (j) agus pointe (l), agus Airteagal 32(3), an tríú fomhír, de Threoir (AE) 2019/2034 maidir leo agus ar a laghad cúig ghnólacht infheistíochta nach bhfuil feidhm ag na forálacha sin maidir leo i gcomhréir leis an maolú in Airteagal 32(4)(a) den Treoir sin.