Raon feidhme

Tá feidhm ag na treoirlínte seo maidir le hinstitiúidí mar a shainmhínítear i bpointe 23 d’Airteagal 2(1) de Threoir 2014/59/AE faoi réir na n-oibleagáidí a leagtar amach in Airteagail 5 go 9 den Treoir sin mar a shonraítear tuilleadh in Airteagail 3 go 21 de Rialachán Tarmligthe (AE) 2016/1075 ón gCoimisiún.

I gcás institiúidí nach cuid de ghrúpa iad atá faoi réir maoirseachta comhdhlúite de bhun Airteagal 111 agus Airteagal 112 de Threoir 2013/36/AE, tá feidhm ag na treoirlínte seo ar an leibhéal aonair.

I gcás institiúidí ar cuid de ghrúpa iad atá faoi réir maoirseachta comhdhlúite de bhun Airteagal 111 agus Airteagal 112 de Threoir 2013/36/AE⁴ , tá feidhm ag na treoirlínte sin ar leibhéal na n-eintiteas réitigh agus a bhfochuideachtaí araon (‘leibhéal an ghrúpa réitigh’).

⁴ Treoir 2013/36/AE ó Pharlaimint na hEorpa agus ón gComhairle an 26 Meitheamh 2013 maidir le rochtain ar ghníomhaíocht institiúidí creidmheasa agus maoirseacht stuamachta ar institiúidí creidmheasa, lena leasaítear Treoir 2002/87/CE agus lena n-aisghairtear Treoir 2006/48/CE agus Treoir 2006/49/CE (IO L 176, 27.6.2013, lch. 338).

Féadfaidh na húdaráis inniúla a shonrú conas na treoirlínte sin ina n-iomláine nó i bpáirt a chur i bhfeidhm maidir le hinstitiúidí atá faoi réir oibleagáidí simplithe maidir lena bpleananna téarnaimh mar a leagtar amach in Airteagal 4 de Threoir 2014/59/AE.

Féadfaidh na húdaráis inniúla cuid de mhír 26, agus de mhír 41 go mír 47, a tharscaoileadh d’institiúidí ar gnólachtaí infheistíochta iad, i gcás nach mbeadh a niarratas iomchuí do phleanáil téarnaimh an ghnólachta infheistíochta nó an ghrúpa gnólachtaí infheistíochta ag féachaint dá shamhail ghnó chomh maith lena struchtúr dlíthiúil, a phróifíl riosca, a mhéid nó a chastacht.