4. Leasuithe

Beidh feidhm ag na treoirlínte seo ó 19.10.2026.

Leasaítear treorlínte EBA/GL/2016/07 mar seo a leanas:

Cuirtear an méid seo a leanas in ionad phointe (d) i mír 23:

‘(d) sa chás sonrach i socruithe fachtóireachta ina dtaifeadtar na suimeanna infhála ceannaithe ar chlár comhardaithe na hinstitiúide, agus i gcás ina gcomhlíontar ceann de na coinníollacha seo a leanas:

• (i) sáraítear an tairseach ábharthachta atá leagtha síos ag an údarás inniúil i gcomhréir le pointe (d) d’Airteagal 178(2) de Rialachán (AE) Uimh. 575/2013, ach níl aon cheann de na hinfháltais don fhéichiúnaí thar téarma le níos faide ná 90 lá;
• (ii) níl an féichiúnaí curtha ar an eolas go leormhaith faoi scor an infháltais ag cliant an fhachtóra, agus tá fianaise ag an institiúid gur íoc an féichiúnaí an t infháltas don chliant sula raibh sé thar téarma le ní b’fhaide ná 90 lá; ‑
• (iii) i gcás socruithe fachtóireachta neamhnochta, tá fianaise ag an institiúid gur íoc an féichiúnaí an t infhaltas don chliant sula raibh sé thar téarma ní b’fhaide ná 90 lá.

Cuirtear an méid seo a ‑ leanas in ionad mhír 31:

‘31. I gcás inar cuireadh an féichiúnaí ar an eolas go leormhaith maidir le scor an infháltais ach go bhfuil an íocaíocht déanta acu don chliant mar sin féin, ba cheart don institiúid leanúint le comhaireamh na laethanta atá thar téarma de réir choinníollacha an infháltais.’

Scriostar mír 32.

Scriostar pointe a) i mír 39.

Cuirtear an méid seo a leanas in ionad an teidil tar éis mhír 48:

‘Oibleagáid laghdaithe airgeadais de bharr beart staonta’

Scriostar mír 49.

Scriostar mír 50.

Cuirtear an méid seo a leanas in ionad mhír 52:

‘52. Chun críocha mhídhóchúlacht na híocaíochta dá dtagraítear i bpointe (d) d’Airteagal 178(3) de Rialachán (AE) Uimh. 575/2013, do gach beart staonta, ba cheart d’institiúidí an oibleagáid laghdaithe airgeadais a ríomh agus í a chur i gcomparáid leis an tairseach dá dtagraítear i mír 51. I gcás ina bhfuil an oibleagáid laghdaithe airgeadais níos airde ná an tairseach sin, ba cheart iad a mheas mar neamhchosaintí mainneachtana.’

Cuirtear an méid seo a leanas in ionad mhír 53:

‘53. Má tá an oibleagáid laghdaithe airgeadais faoi bhun na tairsí sonraithe, áfach, agus go háirithe nuair a bhíonn glanluach láithreach na sreafaí airgid a bhfuiltear ag súil leo bunaithe ar shocrú an bhirt staonta níos airde ná glanluach láithreach na sreafaí airgid a bhfuiltear ag súil leo roimh na hathruithe sna téarmaí agus coinníollacha, ba cheart d’institiúidí neamhchosaintí mar sin a mheas le haghaidh táscairí eile maidir le mídhóchúlacht íocaíochta a d’fhéadfadh a bheith ann. I gcás ina bhfuil amhras réasúnach ar an institiúid maidir le dóchúlacht na haisíocaíochta ina hiomláine i ndáil leis an oibleagáid chreidmheasa de réir an tsocraithe nua go tráthúil, ba cheart an féichiúnaí a mheas mar fhéichiúnaí mainneachtana. Áirítear iad seo a leanas mar tháscairí a d’fhéadfadh mídhóchúlacht na híocaíochta a thabhairt le fios:

• (a) móríocaíocht chnapshuime atá beartaithe ag deireadh an sceidil aisíocaíochta;
• (b) sceideal aisíocaíochta neamhrialta ina mbeartaítear íocaíochtaí atá i bhfad níos ísle ag tús an sceidil aisíocaíochta;
• (c) tréimhse chairde shuntasach ag tús an sceidil aisíocaíochta;
• (d) go bhfuil na neamhchosaintí don fhéichiúnaí tar éis a bheith faoi réir beart staonta ní ba mhó ná uair amháin.’

Cuirtear an méid seo a leanas in ionad mhír 54:

‘54. Ba cheart gach neamhchosaint a aicmítear mar chinn staonta neamhthuillmheacha i gcomhréir le hAirteagal 47a agus Airteagal 47b de Rialachán (AE) Uimh. 575/2013 a aicmiú mar neamhchosaint mainneachtana.’

Cuirtear an méid seo a leanas in ionad mhír 55:

‘55. I gcás ina mbeadh aon cheann de na modhnuithe ar sceideal na n oibleagáidí creidmheasa dá dtagraítear i bpointe (e) d’Airteagal 178(2) de Rialachán (AE) Uimh. 575/2013 mar thoradh ar ‑ dheacrachtaí airgeadais ag féichiúnaí, ba cheart d’institiúidí a mheas freisin cibé ar toilíodh do bheart staonta, agus cibé ar tharla léiriú ar mhídhóchúlacht na híocaíochta.’

Cuirtear an méid seo a leanas in ionad phointe (h) i mír 59:

‘(h) Aicmiú neamhchosanta mar neamhchosaint neamhthuillmheach i gcomhréir le hAirteagal 47a(3) pointí (b) go (e) den Rialachán (AE) Uimh. 575/2013.’

Cuirtear an méid seo a leanas in ionad mhír 72:

‘72. Chun críocha chur i bhfeidhm Airteagal 178(5) de Rialachán (AE) Uimh. 575/2013, agus i gcás ina measadh neamhchosaint mainneachtana i gcomhréir le pointe (d) d’Airteagal 178(3) de Rialachán (AE) Uimh. 575/2013, beag beann ar ar deonaíodh an beart staonta roimh mhainneachtain a shainaithint nó ina dhiaidh, ba cheart d’institiúidí a mheas nach bhfuil feidhm fós ag aon truicear mainneachtana maidir le neamhchosaint a mhainnigh roimhe sin, i gcás ina bhfuil bliain amháin ar a laghad caite ón gceann is déanaí idir ceann amháin de na teagmhais seo a leanas:

• (a) an nóiméad a chuirtear síneadh leis an mbeart staonta;
• (b) an nóiméad a dhéantar an neamhchosaint a aicmiú mar neamhchosaint mainneachtana;
• (c) deireadh na tréimhse cairde atá san áireamh sna socruithe staonta.’

Cuirtear an méid seo a leanas in ionad mhír 73 (f):

‘(f) ba cheart na coinníollacha dá dtagraítear i bpointí (a) go (e) a chomhlíonadh freisin maidir le neamhchosaintí nua don fhéichiúnaí, go háirithe i gcás inar díoladh nó inar díscríobhadh na neamhchosaintí mainneachtana roimhe sin don fhéichiúnaí agus a bhí faoi réir beart staonta.

Scriostar pointe (b) i mír 83.