Airteagal 39 5.

Sna cásanna dá dtagraítear i míreanna 3 agus 4, cuirfidh an t-údarás inniúil lena mbaineann an t-údarás inniúil cinn scríbe atá beartaithe ar an eolas roimh dó cinneadh a dhéanamh maidir le toiliú le loingsithe beartaithe chuig an tír sin. Tabharfaidh na Ballstáit fógra don Choimisiún faoi chásanna mar sin roimh dheireadh gach bliana féilire. Cuirfidh an Coimisiún an fhaisnéis sin ar aghaidh chuig na Ballstáit uile, chuig Rúnaíocht Choinbhinsiún Basel i gcás ina dtagraíonn an fhaisnéis d’iontráil a liostaítear i gCoinbhinsiún Basel agus chuig Rúnaíocht ECFE i gcás ina dtagraíonn an fhaisnéis d’iontráil a liostaítear i gCinneadh ECFE. Ar bhonn na faisnéise a sholáthrófar, féadfaidh an Coimisiún barúlacha a thabhairt agus tugtar de chumhacht dó gníomhartha tarmligthe a ghlacadh i gcomhréir le hAirteagal 80 chun Iarscríbhinn V a leasú.