3. L-FIU għandha tkun responsabbli għat-tqassim tar-riżultati tal-analiżi tagħha u kull informazzjoni addizzjonali lill-awtoritajiet kompetenti rilevanti fejn ikun hemm raġunijiet għal suspett ta' ħasil tal-flus, ir-reati predikati tiegħu jew finanzjament tat-terroriżmu. Għandha tkun tista' tikseb informazzjoni addizzjonali mill-entitajiet marbutin b'obbligu.
Il-funzjoni ta' analiżi finanzjarja tal-FIU għandha tikkonsisti f'dan li ġej:
|
(a)
|
analiżi operazzjonali li tiffoka fuq każijiet individwali u miri speċifiċi jew fuq informazzjoni magħżula adatta, ipprijoritizzata abbażi tar-riskju, it-tip u l-volum tal-informazzjoni divulgata li tkun irċeviet u l-użu mistenni tal-informazzjoni wara d-disseminazzjoni;
|
|
(b)
|
analiżi strateġika li tindirizza t-tendenzi u x-xejriet tal-ħasil tal-flus u l-finanzjament tat-terroriżmu u l-evoluzzjonijiet tagħhom.
|