Artikolu 47 Kooperazzjoni superviżorja fir-rigward tal-entitajiet marbutin b'obbligu li jwettqu attivitajiet transfruntiera

1.   Meta l-entitajiet marbutin b'obbligu li ma jkunux parti minn grupp iwettqu attivitajiet transfruntiera kif imsemmi fl-Artikolu 54(1) u s-superviżjoni tiġi kondiviża bejn is-superviżuri tal-Istati Membri domiċiljari u ospitanti skont l-Artikoli 37(1) u 38(1), l-Istati Membri għandhom jiżguraw li dawk is-superviżuri jikkooperaw ma' xulxin kemm jista' jkun u jassistu lil xulxin fit-twettiq tas-superviżjoni skont l-Artikoli 37(1) u 38(1).

Għall-finijiet tal-ewwel subparagrafu, u ħlief f'każijiet fejn il-kulleġġi superviżorji għall-AML/CFT ikunu stabbiliti f'konformità mal-Artikolu 49, l-Istati Membri għandhom jiżguraw li s-superviżuri:

Dan il-paragrafu għandhom japplikaw ukoll fil-każ ta' entitajiet marbutin b'obbligu li huma stabbiliti fi Stat Membru wieħed u li joperaw bil-libertà li jipprovdu servizzi fi Stat Membru ieħor mingħajr ebda infrastruttura, fejn is-superviżjoni tal-attivitajiet f'dak l-Istat Membru l-ieħor titwettaq mis-superviżuri ta' dak l-Istat Membru skont l-Artikolu 37(1), it-tieni subparagrafu.

2.   Meta s-superviżjoni tal-entità marbuta b'obbligu u kwalunkwe wieħed mit-tipi ta' infrastruttura tagħha fi Stati Membri oħra jiġu fdati lis-superviżuri tal-Istat Membru domiċiljari skont l-Artikolu 38(2), l-Istati Membri għandhom jiżguraw li s-superviżuri tal-Istat Membru domiċiljari jinfurmaw regolarment lis-superviżuri tal-Istat Membru ospitanti dwar il-miżuri fis-seħħ fl-entità marbuta b'obbligu, u l-konformità ta' dik l-entità mar-rekwiżiti applikabbli, inkluż dawk fis-seħħ fl-Istat Membru ospitanti. Meta jiġi identifikat ksur serju, ripetut jew sistematiku, is-superviżuri tal-Istat Membru domiċiljari għandhom jinfurmaw minnufih lis-superviżuri tal-Istat Membru ospitanti dwar dak il-ksur u dwar kwalunkwe sanzjoni pekunarja li jkun beħsiebhom jimponu u miżuri amministrattivi li jkun beħsiebhom japplikaw biex jirrimedjawh.

L-Istati Membri għandhom jiżguraw li s-superviżuri tal-Istat Membru ospitanti jagħtu assistenza lis-superviżuri tal-Istat Membru domiċiljari biex jiżguraw il-verifika tal-konformità mar-rekwiżiti legali mill-entità marbuta b'obbligu. B'mod partikolari, l-Istati Membri għandhom jiżguraw li s-superviżuri tal-Istat Membru ospitanti jinfurmaw lis-superviżuri tal-Istat Membru domiċiljari bi kwalunkwe dubju serju li jkollhom rigward il-konformità tal-entità marbuta b'obbligu mar-rekwiżiti applikabbli, u li jikkondividu kwalunkwe informazzjoni li jkollhom f'dan ir-rigward mas-superviżuri tal-Istat Membru domiċiljari.

Dan il-paragrafu għandu japplika wkoll fil-każ ta' entitajiet marbutin b'obbligu li huma stabbiliti fi Stat Membru wieħed u li joperaw bil-libertà li jipprovdu servizzi fi Stat Membru ieħor mingħajr ebda infrastruttura, ħlief għal każijiet fejn is-superviżjoni tal-attivitajiet f'dak l-Istat Membru l-ieħor titwettaq mis-superviżuri ta' dak l-Istat Membru l-ieħor skont l-Artikolu 37(1), it-tieni subparagrafu.

3.   Is-superviżuri għandhom ikunu jistgħu jirreferu lill-AMLA kwalunkwe sitwazzjoni minn dawn li ġejjin:

L-AMLA għandha taġixxi skont is-setgħat mogħtija lilha f'konformità mal-Artikoli 33 u 38 tar-Regolament (UE) Nru 2024/1620. L-AMLA għandha tagħti l-opinjoni tagħha dwar il-kwistjoni tat-talba fi żmien xahar.