+Artikolu 2 Definizzjonijiet
---+Artikolu 2 1.
---+Artikolu 2 2.
---+Artikolu 2 3.

Artikolu 2 Definizzjonijiet

1. Ħarsa ġenerali

,
Artikolu 2 1.

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1) 

“ditti tal-investiment” tfisser ditta ta’ investiment kif definit fl-Artikolu 4(1)(1) tad-Direttiva 2014/65/UE;

(2) 

“servizzi u attivitajiet ta’investiment” tfisser servizzi ta’ investiment u attivitajiet definiti fl-Artikolu 4(1)(2) tad-Direttiva 2014/65/UE;

(3) 

“servizzi anċillari” tfisser is-servizzi anċillari kif iddefinit fl-Artikolu 4(1)(3) tad-Direttiva 2014/65/UE;

(4) 

“eżekuzzjoni tal-ordnijiet f’isem il-klijenti” tfisser eżekuzzjoni f’isem il-klijenti kif definit fl-Artikolu 4(1)(5) tad-Direttiva 2014/65/UE;

(5) 

“in-negozjar akkont tagħhom infushom” ifisser jitratta fuq kont tiegħu kif definit fl-Artikolu 4(1)(6) tad-Direttiva 2014/65/UE;

(6) 

“ġeneratur tas-suq” tfisser ġeneratur tas-suq kif definit fl-Artikolu 4(1)(7) tad-Direttiva 2014/65/UE;

(7) 

“klijent” tfisser klijent kif definit fl-Artikolu 4(1)(9) tad-Direttiva 2014/65/UE;

(8) 

“klijent professjonali” ifisser klijent professjonali kif definit fl-Artikolu 4(1)(10) tad-Direttiva 2014/65/UE;

▼M8

(8a) 

“suq tal-SMEs li qed jespandi” tfisser suq tal-SMEs li qed jespandi kif definit fl-Artikolu 4(1), il-punt (12) tad-Direttiva 2014/65/UE;

▼B

(9) 

“strument finanzjarju” tfisser strument finanzjarju kif definit fl-Artikolu 4(1)(15) tad-Direttiva 2014/65/UE;

(10) 

“operatur tas-suq” tfisser operatur tas-suq kif definit fl-Artikolu 4(1)(18) tad-Direttiva 2014/65/UE;

▼M8

(11) 

“sistema multilaterali” tfisser kwalunkwe sistema jew faċilità li fiha interessi kummerċjali multipli ta’ xiri u bejgħ fl-istrumenti finanzjarji minn partijiet terzi jkunu jistgħu jinteraġixxu;

▼B

(12) 

“internalizzatur sistematiku” ifisser internalizzatur sistematiku kif definit fl-Artikolu 4(1) u (20) tad-Direttiva 2014/65/UE;

(13) 

“suq regolat” tfisser suq regolat kif definit fl-Artikolu 4(1)(21) tad-Direttiva 2014/65/UE;

(14) 

“facilità multilaterali tan-negozjar” jew “MTF” tfisser faċilità multilaterali tan-negozjar kif definit fl-Artikolu 4 (1)(22) tad-Direttiva 2014/65/UE;

(15) 

“faċilità organizzata tan-negozjar” jew “OTF” tfisser faċilità organizzata tan-negozjar kif definit fl-Artikolu 4(1)(23) tad-Direttiva 2014/65/UE;

(16) 

“ċentru tan-negozjar” tfisser post tal-kummerċ kif definit fl-Artikolu 4(1)(24) tad-Direttiva 2014/65/UE;

▼M8

(16a) 

“entità tal-pubblikazzjoni deżinjata” tfisser ditta tal-investiment responsabbli mill-pubblikazzjoni tat-tranżazzjonijiet permezz ta’ APA, f’konformità mal-Artikolu 20(1) u mal-Artikolu 21(1);

▼M8

(17) 

“suq likwidu” tfisser:

(a) 

għall-finijiet tal-Artikoli 9, 11 u 11a:

(i) 

fir-rigward tal-bonds, suq li fih ikun hemm xerrejja u bejjiegħa lesti u disposti fuq bażi kontinwa, fejn is-suq jiġi vvalutat skont id-daqs tal-ħruġ tal-bond;

(ii) 

fir-rigward ta’ strument finanzjarju jew klassi ta’ strument finanzjarju għajr dawk imsemmija fil-punt (i), suq li fih ikun hemm xerrejja u bejjiegħa lesti u disposti fuq bażi kontinwa, fejn is-suq jiġi vvalutat f’konformità mal-kriterji li ġejjin, filwaqt li jitqiesu l-istrutturi speċifiċi tas-suq tal-istrument finanzjarju partikolari jew tal-klassi partikolari ta’ strumenti finanzjarju:

— 
il-frekwenza u d-daqs medji ta’ tranżazzjonijiet fuq firxa ta’ kundizzjonijiet tas-suq, filwaqt li jitqiesu n-natura u ċ-ċiklu tal-ħajja tal-prodotti fi ħdan il-klassi ta’ strument finanzjarju,
— 
in-numru u t-tip ta’ parteċipanti tas-suq, inkluż il-proporzjon ta’ parteċipanti fis-suq mal-istrumenti finanzjarji nnegozjati fi prodott partikolari,
— 
id-daqs medju tal-firxiet, meta disponibbli,
— 
id-daqs tal-ħruġ, meta xieraq;
(b) 

għall-finijiet tal-Artikoli 4, 5 u 14, suq għal strument finanzjarju li jiġi nnegozjat kuljum, fejn is-suq jiġi vvalutat skont il-kriterji li ġejjin:

(i) 

il-kapitalizzazzjoni tas-suq ta’ dak l-istrument finanzjarju;

(ii) 

l-għadd medju ta’ kuljum ta’ tranżazzjonijiet f’dak l-istrument finanzjarju;

(iii) 

il-fatturat medju ta’ kuljum għal dak l-istrumenti finanzjarju;

▼M3

(18) 

“awtorità kompetenti” tfisser awtorità kompetenti kif definita fil-punt (26) tal-Artikolu 4(1) tad-Direttiva 2014/65/UE u, għall-awtorizzazzjoni u s-superviżjoni tal-fornituri ta’ servizzi ta’ rapportar ta’ dejta, l-ESMA, bl-eċċezzjoni ta’ dawk il-mekkaniżmi ta’ rapportar approvati (ARMs, approved reporting mechanisms) u l-arranġamenti ta’ pubblikazzjoni approvati (APAs, approved publication arrangements) b’deroga skont il-paragrafu 3 ta’ dan l-Artikolu;

▼B

(19) 

“istituzzjoni ta’ kreditu” tfisser istituzzjoni ta’ kreditu kif definita fl-Artikolu 4(1)(1) tar-Regolament (UE) Nru 575/2013 tal-Parlament Ewropew u tal- Kunsill ( 3 );

(20) 

“fergħa” tfisser fergħa kif definita fl-Artikolu 4(1)(30) tad-Direttiva 2014/65/UE;

(21) 

“rabtiet mill-qrib” tfisser rabtiet mill-qrib kif definiti fl-Artikolu 4(1)(35) tad-Direttiva 2014/65/UE;

(22) 

“korp maniġerjali” tfisser korp maniġerjali kif definit fl-Artikolu 4(1)(36) tad-Direttiva 2014/65/UE;

▼M3

(22a) 

“maniġment superjuri” tfisser maniġment superjuri kif definita fil-punt (37) tal-Artikolu 4(1) tad-Direttiva 2014/65/UE;

▼B

(23) 

“depożitu strutturat” tfisser depożitu strutturat kif definit fl-Artikolu 4(1)(43) tad-Direttiva 2014/65/UE;

(24) 

“titoli trasferibbli” tfisser titoli trasferibbli kif definiti fl-Artikolu 4(1)(44) tad-Direttiva 2014/65/UE;

(25) 

“ċertifikati ta’ depożitu” tfisser l-irċevuti depożitarji kif definit fl-Artikolu 4(1)(45) tad-Direttiva 2014/65/UE;

(26) 

“fond innegozjat bi skambju” jew “ETF” tfisser fond innegozjat fil-boroż kif definit fl-Artikolu 4(1)(46) tad-Direttiva 2014/65/UE;

(27) 

“ċertifikati” tfisser dawk it-titoli li huma negozjabbli fis-suq kapitali u li fil-każ ta’ ħlas lura ta’ investiment mill-emittent huma kklassifikati fuq ishma iżda taħt strumenti tal-bonds mhux garantiti u strumenti simili oħra;

(28) 

“prodotti strutturati ta’ finanzjar” tfisser dawk it-titoli maħluqa sabiex jittitolizzaw u jittrasferixxu r-riskju ta’ kreditu assoċjat ma’ pula ta’ assi finanzjarji li jintitolaw lid-detentur tat-titoli biex jirċievi ħlasijiet regolari li jiddependu fuq il-fluss tal-flus mill-assi sottostanti;

(29) 

“derivati” tfisser dawk l-istrumenti finanzjarji definiti fil-punt (44)(c) tal-Artikolu 4(1) tad-Direttiva 2014/65/UE, u msemmija fl-Anness I, Taqsima C (4) sa (10) tagħha;

(30) 

“derivati ta’ komoditajiet” tfisser dawk l-istrumenti finanzjarji definiti fil-punt (44)(c) tal-Artikolu 4(1) tad-Direttiva 2014/65/UE relatati ma’ komodità jew sottostanti msemmija fit-Taqsima C(10) tal-Anness I għad-Direttiva 2014/65/UE, jew fil-punti (5), (6), (7) u (10) tat-Taqsima C tal-Anness I tagħha;

(31) 

“CCP” tfisser CCP fis-sens tal-punt (1) tal-Artikolu 2(1) tar-Regolament (UE) Nru 648/2012;

(32) 

“derivat negozjat fil-borża” tfisser derivat negozjat f’suq regolat jew f’suq ta’ pajjiż terz meqjus bħala ekwivalenti għal suq regolat b’konformità mal-Artikolu 28 ta’ dan ir-Regolament, u li għaldaqstant ma jaqax fid-definizzjoni ta’ derivat OTC kif definit fl-Artikolu 2(7) tar-Regolament (UE) Nru 648/2012;

▼M8

(32a) 

“derivattiv OTC” tfisser derivattiv OTC kif definit fl-Artikolu 2, il-punt 7, tar-Regolament (UE) Nru 648/2012;

▼B

(33) 

“indikazzjoni azzjonabbli tal-interess” tfisser messaġġ minn membru jew parteċipant għal ieħor fi ħdan sistema ta’ negozjar fir-rigward ta’ interess ta’ negozjar disponibbli li fih l-informazzjoni kollha neċessarja sabiex isir ftehim fuq negozjar;

▼M3

(34) 

“arranġament ta’ pubblikazzjoni approvat” jew “APA” tfisser persuna awtorizzata taħt dan ir-Regolament sabiex tipprovdi s-servizz ta’ pubblikazzjoni ta’ rapporti kummerċjali f’isem ditti ta’ investiment skont l-Artikoli 20 u 21;

▼M8

(35) 

“fornitur ta’ tape konsolidat” jew “CTP” tfisser persuna awtorizzata f’konformità mat-Titolu IVa, il-Kapitolu 1, ta’ dan ir-Regolament biex tipprovdi s-servizz tal-ġbir ta’ data mingħand ċentri ta’ negozjar u APAs, u tikkonsolida dik id-data f’xandir elettroniku kontinwu live tad-data li jipprovdi data ewlenija tas-suq u data regolatorja;

▼M3

(36) 

“mekkaniżmu ta’ rapportar approvat” jew “ARM” tfisser persuna awtorizzata taħt dan ir-Regolament sabiex tipprovdi s-servizz ta’ rapportar ta’ dettalji ta’ tranżazzjonijiet lill-awtoritajiet kompetenti jew lill-ESMA f’isem ditti ta’ investiment;

▼M3

(36a) 

“fornituri ta’ servizzi ta’ rapportar ta’ dejta” tfisser persuna msemmija fil-punti (34) sa (36) u persuna msemmija fl-Artikolu 27b(2);

▼M8

(36b) 

“data ewlenija tas-suq” tfisser:

(a) 

id-data kollha li ġejja dwar sehem jew ETF partikolari fi kwalunkwe kronogramma partikolari:

(i) 

għal reġistri tal-ordnijiet kontinwi, l-aħjar talba u offerta Ewropea bil-volum korrispondenti;

(ii) 

għas-sistemi ta’ negozjar b’irkant, il-prezz li bih l-algoritmu tan-negozjar ikun issodisfat l-aħjar u l-volum potenzjalment eżegwit b’dak il-prezz mill-parteċipanti f’dik is-sistema;

(iii) 

il-prezz tat-tranżazzjoni u l-volum eżegwit b’dak il-prezz;

(iv) 

għal tranżazzjonijiet, it-tip ta’ sistema ta’ negozjar u l-eżenzjonijiet u d-differimenti applikabbli;

(v) 

għajr għall-informazzjoni msemmija fil-punti (i) u (ii), il-kodiċi ta’ identifikazzjoni tas-suq li jidentifika b’mod uniku ċ-ċentru ta’ negozjar u, għal ċentri oħra ta’ eżekuzzjoni, il-kodiċi ta’ identifikazzjoni li jidentifika t-tip ta’ċentru tal-eżekuzzjoni;

(vi) 

l-identifikatur tal-istrument standardizzat li japplika fiċ-ċentri tal-eżekuzzjoni kollha;

(vii) 

l-informazzjoni dwar il-kronogramma dwar li ġej, kif applikabbli:

— 
l-eżekuzzjoni tat-tranżazzjoni u kwalunkwe emenda għaliha,
— 
id-dħul tal-aħjar talbiet u offerti fir-reġistru tal-ordnijiet,
— 
l-indikazzjoni, f’sistema ta’ negozjar b’irkant, tal-prezzijiet jew tal-volumi,
— 
il-pubblikazzjoni miċ-ċentri ta’ negozjar tal-elementi elenkati fl-ewwel, fit-tieni u fit-tielet inċiżi,
— 
it-tixrid tad-data tas-suq ewlenija;
(b) 

id-data kollha li ġejja dwar bond jew derivattiv OTC partikolari fi kwalunkwe kronogramma partikolari:

(i) 

il-prezz tat-tranżazzjoni u l-kwantità jew id-daqs eżegwiti b’dak il-prezz;

(ii) 

il-kodiċi ta’ identifikazzjoni tas-suq li jidentifika b’mod uniku ċ-ċentru ta’ negozjar u, għal ċentri ta’ eżekuzzjoni oħrajn, il-kodiċi ta’ identifikazzjoni li jidentifika t-tip ta’ ċentru tal-eżekuzzjoni;

(iii) 

għall-bonds, l-identifikatur tal-istrument standardizzat li japplika għaċ-ċentri tal-eżekuzzjoni kollha;

(iv) 

għad-derivattivi OTC, id-data ta’ referenza ta’ identifikazzjoni kif imsemmi fl-Artikolu 27(1), it-tieni subparagrafu;

(v) 

l-informazzjoni dwar il-kronogramma dwar dan li ġej:

— 
l-eżekuzzjoni tat-tranżazzjoni u kwalunkwe emenda għaliha,
— 
il-pubblikazzjoni tat-tranżazzjoni miċ-ċentri ta’ negozjar,
— 
it-tixrid tad-data ewlenija tas-suq;
(vi) 

it-tip ta’ sistema ta’ negozjar u l-eżenzjonijiet u d-differimenti applikabbli;

(36c) 

“data regolatorja” tfisser data relatata mal-istatus tas-sistemi li jqabblu l-ordnijiet fl-istrumenti finanzjarji u data relatata mal-istatus tan-negozjar ta’ strumenti finanzjarji individwali;

▼B

(37) 

“Stat Membru tad-domiċilju” tfisser Stat Membru tad-domiċilju kif definit fl-Artikolu 4(1)(55) tad-Direttiva 2014/65/UE;

(38) 

“Stat Membru ospitanti” tfisser Stat Membru ospitanti kif definit fl-Artikolu 4(1)(56) tad-Direttiva 2014/65/UE;

(39) 

“punt ta’ referenza” tfisser kwalunkwe rata, indiċi jew figura, disponibbli għall- pubbliku jew ippubblikati li huwa perjodikament jew regolarment determinata mill- applikazzjoni ta’ formula għal, jew fuq il- bażi tal-valur ta’ wieħed jew aktar sottostanti assi jew prezzijiet, inklużi prezzijiet stimati, rati attwali jew stmati ta’ imgħax jew valuri oħra, jew stħarriġ u li b’referenza għalihom tiġi determinata l-ammont pagabbli skont strument finanzjarju jew il-valur ta’ strument finanzjarju.

(40) 

“arranġament tal-interoperabilità” tfisser arranġament tal-interoperabilità kif definiti fl-Artikolu 2(12) tar-Regolament (UE) Nru 648/2012;

(41) 

“istituzzjoni finanzjarja” pajjiż terz’ tfisser entità, l-uffiċċju prinċipali tagħhom hija stabbilita f’pajjiż terz, li hija awtorizzata jew liċenzjata taħt il- liġi ta’ dak il-pajjiż terz biex iwettaq kwalunkwe mis-servizzi jew l-attivitajiet elenkati fid-Direttiva 2013/36/UE, id-Direttiva2014/65/UE, id-Direttiva 2009/138/KE tal-Parlament Ewropew u tal-Kunsill ( 4 ), id-Direttiva 2009/65/KE tal-Parlament Ewropew u tal-Kunsill ( 5 ), id-Direttiva 2003/41/KE tal-Parlament Ewropew u tal-Kunsill ( 6 ) jew id-Direttiva 2011/61/UE tal-Parlament Ewropew u tal- Kunsill ( 7 );

(42) 

“ditta ta’ pajjiż terz” tfisser ditta ta’ pajjiż terz kif definit fl -Artikolu 4(1)(57) tad-Direttiva 2014/65/UE;

(43) 

“prodott tal-enerġija bl-ingrossa” tfisser prodotti tal-enerġija bl-ingrossa kif definit fl-Artikolu 2(4) tar-Regolament (UE) Nru 1227/2011 tal-Parlament Ewropew u tal- Kunsill ( 8 );

(44) 

“derivattivi tal-komoditajiet agrikoli” tfisser kuntratti derivattivi relatati ma’ prodotti elenkati fl-Artikolu 1 ta’, u l-Anness I, Partijiet I sa XX u XXIV/1, tar-Regolament (UE) Nru 1308/2013 tal-Parlament Ewropew u tal-Kunsill ( 9 );

(45) 

“frammentazzjoni tal-likwidità” tfisser sitwazzjoni li fiha:

(a) 

parteċipanti f’ċentru tan-negozju ma jkunux jistgħu jikkonkludu tranżazzjoni ma’ parteċipant wieħed jew iżjed f’dak iċ-ċentru minħabba n-nuqqas ta’ arranġamenti tal-ikklerjar li jkollhom aċċess għalihom il-parteċipant kollha; jew

(b) 

membru tal-ikklerjar jew il-klijenti tiegħu jkunu mġiegħla jżommu l-pożizzjonijiet tagħhom fi strument finanzjarju f’iktar minn CCP waħda u dan ikun jillimita l-potenzjal għan-netting ta’ skoperturi finanzjarji

(46) 

“dejn sovran” tfisser dejn sovran kif definit fl-Artikolu 4(1)(61) tad-Direttiva 2014/65/UE;

(47) 

“kompressjoni tal-portafoll” tfisser servizz ta’ tnaqqis ta’ riskju fejn żewġ kontopartijiet jew iktar jitterminaw totalment jew parzjalment uħud mid-derivati jew id-derivati kollha ppreżentati minn dawk il-kontropartijiet għal inklużjoni fil-kompressjoni tal-portafoll u jissostitwixxu d-derivati tterminati b’derivat ieħor li l-valur nozzjonali kkombinat tiegħu jkun inqas mill-valur nozzjonali kkombinat tad-derivati tterminati;

▼M1

(48) 

“skambju ma' prodott bażiku” tfisser tranżazzjoni f'kuntratt tad-derivattivi jew strument finanzjarju ieħor li tiddependi fuq l-eżekuzzjoni simultanja ta' kwantità ekwivalenti ta' ass fiżiku sottostanti;

(49) 

“ordni f'pakkett” tfisser ordni pprezzata bħala unità waħda:

(a) 

għall-iskop tal-eżekuzzjoni ta' skambju ma' prodott bażiku; jew

(b) 

f'żewġ strumenti finanzjarji jew aktar għall-iskop tal-eżekuzzjoni ta' transazzjoni f'pakkett;

(50) 

“transazzjoni f'pakkett” tfisser:

(a) 

skambju ma' prodott bażiku; jew

(b) 

transazzjoni li tinvolvi l-eżekuzzjoni ta' żewġ transazzjonijiet komponenti jew aktar fi strumenti finanzjarji u li tissodisfa l-kriterji kollha li ġejjin:

(i) 

it-transazzjoni tiġi eżegwita bejn żewġ kontropartijiet jew aktar;

(ii) 

kull komponent tat-transazzjoni ekonomika ġġorr riskju ekonomiku jew finanzjarju relatat mal-komponenti l-oħra kollha;

(iii) 

l-eżekuzzjoni ta' kull komponent tkun simultanja u tiddependi mill-eżekuzzjoni tal-komponenti l-oħra kollha.

▼B

Artikolu 2 2.
Il-Kummissjoni hija mogħtija s-setgħa li tadotta atti delegati skont l-Artikolu 50 li j jispeċifikaw ċerti elementi tekniċi tad-definizzjonijiet stabbiliti fil-paragrafu 1 biex taġġusthom għall-iżviluppi tas-suq;
Artikolu 2 3.
Il-Kummissjoni għandha tadotta atti delegati skont l-Artikolu 50, li jispeċifikaw il-kriterji biex jiġu identifikati dawk l-ARMs u l-APAs li, b’deroga minn dan ir-Regolament minħabba r-rilevanza limitata tagħhom għas-suq intern, huma soġġetti għall-awtorizzazzjoni u s-superviżjoni minn awtorità kompetenti ta’ Stat Membru kif definita fil-punt (26) tal-Artikolu 4(1) tad-Direttiva 2014/65/UE.

Meta tadotta l-att delegat, il-Kummissjoni għandha tqis wieħed jew aktar mill-elementi li ġejjin:

(a) 

il-limitu sa fejn is-servizzi huma pprovduti lil ditti tal-investiment awtorizzati fi Stat Membru wieħed biss;

(b) 

in-numru ta’ rapporti jew tranżazzjonijiet kummerċjali;

(c) 

jekk l-ARM jew l-APA jagħmilx parti minn grupp ta’ parteċipanti fis-swieq finanzjarji li joperaw b’mod transfruntier.

Fejn entità tkun taħt superviżjoni mill-ESMA għal kwalunkwe servizz provdut fil-kapaċità tagħha bħala fornitur ta’ servizzi ta’ rapportar ta’ dejta taħt dan ir-Regolament, l-ebda waħda mill-attivitajiet tagħha bħala ARM jew APA ma għandha tiġi eskluża mis-superviżjoni tal-ESMA taħt kwalunkwe att delegat adottat skont dan il-paragrafu.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 23.11.2025 00:00:00 -Doknr: CELEX:32014R0600
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.