KAPITOLU I Dispożizzjonijiet ġenerali

Artikolu 1

Dan ir-Regolament jistabbilixxi Programm għall-Ambjent u l-Azzjoni dwar il-Klima (LIFE) (il-"Programm LIFE") għall-perijodu tal-qafas finanzjarju pluriennali mill-2021 sal-2027. It-tul ta' żmien tal-Programm LIFE huwa allinjat mat-tul ta' żmien tal-qafas finanzjarju pluriennali.

Dan ir-Regolament jistabbilixxi wkoll l-objettivi tal-Programm LIFE, il-baġit tiegħu għall-perijodu 2021-2027, il-forom ta’ finanzjament tal-Unjoni u r-regoli għall-għoti ta’ tali finanzjament.

Artikolu 7

Matul l-implimentazzjoni tal-Programm LIFE, il-kooperazzjoni mal-organizzazzjonijiet internazzjonali rilevanti, u mal-istituzzjonijiet u l-korpi tagħhom, għandha tkun possibbli fejn meħtieġ għall-fini tal-ilħuq tal-objettivi stabbiliti fl-Artikolu 3.

Artikolu 8

Il-Kummissjoni għandha tiffaċilita l-implimentazzjoni konsistenti tal-Programm LIFE. Il-Kummissjoni u l-Istati Membri għandhom jiffaċilitaw il-koordinazzjoni u l-kisba tal-koerenza mal-Fond Ewropew għall-Iżvilupp Reġjonali, il-Fond Soċjali Ewropew+ stabbilit skont Regolament tal-Parlament Ewropew u tal-Kunsill dwar il-Fond Soċjali Ewropew Plus (FSE +) (il-'Fond Soċjali Ewropew+'), il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Ewropew għall-Affarijiet Marittimi, is-Sajd u l-Akkwakultura, Orizzont Ewropa, il-Faċilità Nikkollegaw l-Ewropa stabbilita skont Regolament (UE) 1316/2013 tal-Parlament Ewropew u tal-Kunsill (37) u l-Programm InvestEU stabbilit skont ir-Regolament (UE) 2021/523, sabiex jinħolqu sinerġiji, b'mod partikolari fir-rigward tal-proġetti strateġiċi dwar in-natura u tal-proġetti integrati strateġiċi u biex jiġu appoġġati l-użu u r-replikazzjoni ta' soluzzjonijiet żviluppati fl-ambitu tal-Programm LIFE. Il-Kummissjoni u l-Istati Membri għandhom jimpenjaw ruħhom biex jiksbu komplementarjetà fil-livelli kollha.